June 8, 2024 13:41:52

Daily Dharaledar Bureau / Ludhiana

ਲੁਧਿਆਣਾ, 8 ਜੂਨ :

ਕੰਮ ਦੀ ਬਕਾਇਆ ਪੇਮੈਂਟ ਲੈ ਕੇ ਘਰ ਜਾ ਰਹੇ ਲੱਕੜ ਦੇ ਮਿਸਤਰੀ ਨੂੰ ਨਿਸ਼ਾਨਾ ਬਣਾਉਂਦਿਆਂ ਦੋ ਨੌਜਵਾਨਾਂ ਨੇ ਉਸਦੇ ਹੱਥ ਤੇ ਦਾਤ ਮਾਰਿਆ ਅਤੇ ਉਸ ਕੋਲੋਂ 10,300 ਰੁਪਏ ਦੀ ਰਕਮ ਲੁੱਟ ਲਈ l ਵਾਰਦਾਤ ਨੂੰ ਅੰਜਾਮ ਦੇ ਕੇ ਮੁਲਜ਼ਮ ਮੋਟਰਸਾਈਕਲ ਤੇ ਸਵਾਰ ਹੋ ਕੇ ਫਰਾਰ ਹੋਣ ਲੱਗੇ ਤਾਂ ਮੌਕੇ ਤੇ ਮੌਜੂਦ ਲੋਕਾਂ ਨੇ ਇੱਕ ਮੁਲਜ਼ਮ ਨੂੰ ਕਾਬੂ ਕਰ ਲਿਆ l ਇਸ ਮਾਮਲੇ ਵਿੱਚ ਥਾਣਾ ਦੁਗਰੀ ਦੀ ਪੁਲਿਸ ਨੇ ਇੱਕ ਮੁਲਜਮ ਨੂੰ ਹਿਰਾਸਤ ਵਿੱਚ ਲੈ ਕੇ ਦੂਸਰੇ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ l ਲੋਕਾਂ ਵੱਲੋਂ ਕਾਬੂ ਕੀਤੇ ਗਏ ਮੁਲਜ਼ਮ ਦੀ ਪਛਾਣ ਡਾਕਟਰ ਅੰਬੇਦਕਰ ਨਗਰ ਦੇ ਵਾਸੀ ਕੰਵਲਜੀਤ ਸਿੰਘ ਵੱਜੋਂ ਹੋਈ ਹੈ। ਜਾਣਕਾਰੀ ਦਿੰਦਿਆ ਜਵਦੀ ਦੇ ਵਾਸੀ ਰਾਜਮਾਨ ਨੇ ਦੱਸਿਆ ਕਿ ਉਹ ਸਾਲ 1999 ਤੋਂਉਤਰ ਪ੍ਰਦੇਸ਼ ਤੋਂ ਲੁਧਿਆਣਾ ਆ ਕੇ ਕਾਰ ਪੇਂਟਰ ਦਾ ਕੰਮ ਕਰ ਰਿਹਾ l

ਬੀਤੀ ਰਾਤ ਉਹ ਮਾਲਕ ਕੋਲੋਂ ਆਪਣੇ ਕੰਮ ਦੀ ਬਕਾਇਆ ਰਕਮ ਲੈ ਕੇ ਪੱਖੋਵਾਲ ਰੋਡ ਤੋਂ ਜਵਦੀ ਵੱਲ ਜਾ ਰਿਹਾ ਸੀ l ਰਾਜਮਾਨ ਨੇ ਦੱਸਿਆ ਕਿ ਗਲੀ ਦੀ ਨੁੱਕਰ ਤੇ ਖੜੇ ਦੋ ਨੌਜਵਾਨਾਂ ਨੇ ਉਸਨੂੰ ਘੇਰ ਲਿਆ l ਮੁਲਜ਼ਮਾਂ ਨੇ ਰਾਜਮਾਨ ਕੋਲੋਂ ਪੈਸਿਆਂ ਦੀ ਮੰਗ ਕੀਤੀ, ਉਸ ਨੇ ਜਦ ਮਨ੍ਹਾ ਕੀਤਾ ਤਾਂ ਮੁਲਜਮਾਂ ਚੋਂ ਇੱਕ ਨੇ ਦਾਤ ਕੱਢ ਕੇ ਉਸਦੇ ਸੱਜੇ ਹੱਥ ਤੇ ਮਾਰ ਦਿੱਤਾ l ਬੁਰੀ ਤਰ੍ਹਾਂ ਲਹੂ ਲੁਹਾਨ ਹੋਏ ਰਾਜਮਨ ਕੋਲੋਂ ਮੁਲਜਮਾਂ ਨੇ 10300 ਦੀ ਰਕਮ ਲੁੱਟੀ ਅਤੇ ਮੌਕੇ ਤੋਂ ਫਰਾਰ ਹੋਣ ਲੱਗੇ l ਰਾਤ 8 ਵਜੇ ਦੇ ਕਰੀਬ ਗਲੀ ਵਿੱਚ ਕੁਝ ਵਿਅਕਤੀ ਮੌਜੂਦ ਸਨl ਵਾਰਦਾਤ ਤੋਂ ਬਾਅਦ ਤੁਰੰਤ ਹਰਕਤ ਵਿੱਚ ਆਏ ਲੋਕਾਂ ਨੇ ਇੱਕ ਮੁਲਜ਼ਮ ਨੂੰ ਕਾਬੂ ਕਰਕੇ ਪੁਲਿਸ ਹਵਾਲੇ ਕਰ ਦਿੱਤਾ l ਇਸ ਮਾਮਲੇ ਵਿੱਚ ਥਾਣਾ ਦੁਗਰੀ ਦੀ ਪੁਲਿਸ ਦਾ ਕਹਿਣਾ ਹੈ ਕਿ ਮੁਲਜ਼ਮਾਂ ਦੇ ਖਿਲਾਫ ਕੇਸ ਦਰਜ ਕਰਕੇ ਤਫਤੀਸ਼ ਸ਼ੁਰੂ ਕਰ ਦਿੱਤੀ ਗਈ ਹੈ l

Looted Cash From A Passerby By Beating Him People Arrested The Accused