July 14, 2025
Rajni / Pondicherry
Reporter..Rajni
ਆਰਥਿਕ ਸੰਕਟ ਨੇ ਲੈ ਲਈ ਮਾਡਲ ਸੈਨ ਰੇਚਲ ਦੀ ਜਾਨ
ਪੁਡੂਚੇਰੀ, 14 ਜੁਲਾਈ 2025 :
ਪੁਡੂਚੇਰੀ ਦੇ ਕਰਮਨੀ ਕੁੱਪਮ ਤੋਂ ਸਬੰਧਤ ਮਾਡਲ ਸੈਨ ਰੇਚਲ ਦੀ ਅਚਾਨਕ ਮੌਤ ਨੇ ਇਲਾਕੇ ਵਿਚ ਸੋਗ ਦੀ ਲਹਿਰ ਦੌੜਾ ਦਿੱਤੀ ਹੈ। ਰਿਪੋਰਟਾਂ ਅਨੁਸਾਰ, ਉਹ ਕਈ ਦਿਨਾਂ ਤੋਂ ਸਿਹਤ ਸਮੱਸਿਆਵਾਂ ਅਤੇ ਵਿੱਤੀ ਤਣਾਅ ਨਾਲ ਪਰੇਸ਼ਾਨ ਸੀ।
ਤਾਜਾ ਜਾਣਕਾਰੀ ਅਨੁਸਾਰ, ਸੈਨ ਨੇ ਘਰ ਵਿੱਚ ਬਲੱਡ ਪ੍ਰੈਸ਼ਰ ਦੀਆਂ ਦਵਾਈਆਂ ਵੱਧ ਮਾਤਰਾ ਵਿੱਚ ਲੈ ਕੇ ਆਪਣੀ ਜਾਨ ਦੇ ਦਿੱਤੀ। ਘਟਨਾ ਦੀ ਜਾਣਕਾਰੀ ਮਿਲਣ 'ਤੇ ਪੁਲਿਸ ਮੌਕੇ 'ਤੇ ਪਹੁੰਚੀ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਮੌਕੇ ਤੋਂ ਮਿਲੇ ਨੋਟ ਵਿੱਚ ਲਿਖਿਆ ਗਿਆ ਕਿ ਉਹ ਕਿਸੇ ਨੂੰ ਆਪਣੀ ਮੌਤ ਲਈ ਦੋਸ਼ੀ ਨਹੀਂ ਠਹਿਰਾਉਂਦੀ।
ਇਸ ਮਾਮਲੇ 'ਚ ਚੌਕਾਉਣ ਵਾਲੀ ਗੱਲ ਇਹ ਵੀ ਹੈ ਕਿ ਸੈਨ ਨੇ ਹਾਲ ਹੀ ਵਿੱਚ ਵਿਆਹ ਕੀਤਾ ਸੀ, ਜਿਸ ਕਰਕੇ ਤਹਿਸੀਲਦਾਰ ਵੱਲੋਂ ਵਿਸ਼ੇਸ਼ ਜਾਂਚ ਦੇ ਹੁਕਮ ਜਾਰੀ ਕੀਤੇ ਗਏ ਹਨ।
ਮਿਲੀ ਜਾਣਕਾਰੀ ਮੁਤਾਬਕ, ਆਪਣੀ ਕਲਾ ਤੇ ਹੌਸਲੇ ਦੇ ਬਲ 'ਤੇ ਉਸਨੇ ਮਾਡਲਿੰਗ ਵਿਚ ਰੰਗ ਜਾਂ ਰਵਾਇਤੀ ਸੁੰਦਰਤਾ ਦੇ ਮਾਪਦੰਡਾਂ ਨੂੰ ਪਿੱਛੇ ਛੱਡਦੇ ਹੋਏ ਆਪਣਾ ਨਾਂ ਬਣਾਇਆ ਸੀ। ਵਿੱਤੀ ਸੰਕਟ ਤੋਂ ਨਿਪਟਣ ਲਈ ਉਸਨੇ ਆਪਣੇ ਗਹਿਣੇ ਵੀ ਗਿਰਵੀ ਰੱਖ ਦਿੱਤੇ ਸਨ।
ਜਿਥੇ ਸੈਨ ਦੇ ਚਾਹਵਾਨ ਦੁਖੀ ਹਨ, ਉਥੇ ਸਮਾਜਿਕ ਤੇ ਸਿਆਸੀ ਪੱਧਰ 'ਤੇ ਵੀ ਇਸ ਮਾਮਲੇ ਨੇ ਗੰਭੀਰ ਚਰਚਾ ਛੇੜ ਦਿੱਤੀ ਹੈ।
Powered by Froala Editor
