July 15, 2025
ਕਿਰਾਏਦਾਰ ਨੇ ਮਾਲਕ ਮਕਾਨ ਦੀ ਪੀਣ ਵਾਲੇ ਪਾਣੀ ਦੀ ਟੈਂਕੀ ਵਿਚ ਮਿਲਾਈ ਜ਼ਹਿਰੀਲੀ ਸਪਰੇਅ
ਕਿਰਾਏਦਾਰ ਨੇ ਮਾਲਕ ਮਕਾਨ ਦੀ ਪੀਣ ਵਾਲੇ ਪਾਣੀ ਦੀ ਟੈਂਕੀ ਵਿਚ ਮਿਲਾਈ ਜ਼ਹਿਰੀਲੀ ਸਪਰੇਅ
Bhavika / Derabassi
ਡੇਰਾਬਸੀ 15 ਜੁਲਾਈ 2025, ਡੇਰਾਬੱਸੀ ਦੇ ਪਿੰਡ ਈਸਾਪੁਰ ਵਿਚ ਐਤਵਾਰ ਦੁਪਹਿਰ ਦਿਲ ਨੂੰ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ, ਜਿੱਥੇ ਇਕ ਕਿਰਾਏਦਾਰ ਵੱਲੋਂ ਮਕਾਨ ਮਾਲਕ ਦੀ ਛੱਤ 'ਤੇ ਲੱਗੀ ਪੀਣ ਵਾਲੀ ਪਾਣੀ ਦੀ ਟੈਂਕੀ 'ਚ ਖੇਤਾਂ ਵਿਚ ਵਰਤੀ ਜਾਂਦੀ ਖ਼ਤਰਨਾਕ ਸਪਰੇਅ ਦਵਾਈ ਮਿਲਾ ਦਿਤੀ ਗਈ। ਕਿਸਮਤ ਚੰਗੀ ਸੀ ਕਿਰਿਹੀ ਕਿ ਸਮੇਂ-ਸਿਰ ਹੁਸ਼ਿਆਰੀ ਨਾਲ ਮਾਮਲੇ ਨੂੰ ਭਾਂਪ ਲਿਆ ਗਿਆ ਅਤੇ ਕਿਸੇ ਨੂੰ ਵੀ ਇਹ ਪਾਣੀ ਪੀਣ ਨੂੰ ਨਾ ਮਿਲਿਆ।
ਪੀੜਤ ਮਕਾਨ ਮਾਲਕ ਹਰਦਿਤ ਸਿੰਘ ਕਾਲਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਮਾਤਾ ਵੱਲੋਂ ਕੱਪੜੇ ਧੋਣ ਵੇਲੇ ਪਾਣੀ ਦੁਧੀਆ ਨਜ਼ਰ ਆਇਆ, ਜਿਸ ਕਾਰਨ ਪਰਿਵਾਰ ਨੂੰ ਸ਼ੱਕ ਹੋਇਆ। ਟਿਊਬਵੈੱਲ ਆਪਰੇਟਰ ਨੂੰ ਬੁਲਾ ਕੇ ਪਾਣੀ ਦੀ ਜਾਂਚ ਕਰਵਾਈ ਗਈ ਅਤੇ ਗੁਆਂਢੀਆਂ ਦੀਆਂ ਟੈਂਕੀਆਂ ਦੀ ਵੀ ਜਾਂਚ ਕੀਤੀ ਗਈ, ਪਰ ਸਿਰਫ਼ ਉਨ੍ਹਾਂ ਦੇ ਘਰ ਵਿਚ ਹੀ ਇਹ ਘਟਨਾ ਸਾਹਮਣੇ ਆਈ।
ਇਸੇ ਦੌਰਾਨ ਗੁਆਂਢੀ ਕਿਸਾਨ ਗੁਰਮੀਤ ਸਿੰਘ ਵੱਲੋਂ ਦੱਸਿਆ ਗਿਆ ਕਿ ਉਸ ਦੇ ਘਰੋਂ ਸਪਰੇਅ ਲਈ ਵਰਤੀ ਜਾਂਦੀ ਦਵਾਈ ਚੋਰੀ ਹੋ ਗਈ ਹੈ। ਇਸ 'ਤੇ ਪਰਿਵਾਰ ਨੇ ਜਦੋਂ ਕਿਰਾਏਦਾਰ ਅਵਤਾਰ ਸਿੰਘ ਦੇ ਕਮਰੇ ਦੀ ਜਾਂਚ ਕੀਤੀ ਤਾਂ ਉਸ ਦੀ ਬਾਂਹ 'ਤੇ ਚਿੱਟੇ ਨਿਸ਼ਾਨ ਨਜ਼ਰ ਆਏ। ਸ਼ੁਰੂ ਵਿੱਚ ਇਨਕਾਰ ਕਰਨ ਤੋਂ ਬਾਅਦ, ਸਖ਼ਤੀ 'ਤੇ ਉਹ ਸਾਰੀ ਗੱਲ ਕਬੂਲ ਕਰ ਬੈਠਾ।ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ, ਜਿਸ ਤੋਂ ਬਾਅਦ ਥਾਣਾ ਡੇਰਾਬੱਸੀ ਦੀ ਟੀਮ ਨੇ ਅਵਤਾਰ ਸਿੰਘ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ਅਤੇ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਜਾਰੀ ਹੈ।
Powered by Froala Editor
Crime
