ਧੜੱਲੇਦਾਰ ਬਿਊਰੋ ਚੰਡੀਗੜ੍ਹ ਹਸਪਤਾਲ ਤੋਂ ਫਾਂਸੀ ਦੀ ਸਜ਼ਾ ਭੁਗਤ ਰਿਹਾ ਕੈਦੀ ਫਰਾਰ ਚੰਡੀਗੜ੍ਹ, 13 ਨਵੰਬਰ 2025 : ਮੌਤ ਦੀ ਸਜ਼ਾ ਕੱਟ ਰਿਹਾ ਸੋਨੂੰ ਸਿੰਘ ਚੰਡੀਗੜ੍ਹ ਦੇ ਜੀਐਮਸੀਐਚ ਹਸਪਤਾਲ ਤੋਂ ਪੁਲਿਸ ਮੁਲਾਜ਼ਮ ਨੂੰ ਧੱਕਾ ਦੇ ਭੱਜ ਗਿਆ। ਭੱਜਣ ਦੇ ਬਾਅਦ ਉਸਨੇ ਹੱਥਕੜੀਆਂ ਤੋੜ ਦਿੱਤੀਆਂ। ਚੰਡੀਗੜ੍ਹ ਤੇ ਪੰਜਾਬ ਪੁਲਿਸ ਮਿਲ ਕੇ ਉਸਦੀ ਭਾਲ ਕਰ ਰਹੀ ਹੈ। ਸੋਨੂੰ ਨੂੰ ਪੰਜ ਸਾਲ ਦੀ ਬੱਚੀ ਨਾਲ ਦੁਰਵਿਵਹਾਰ ਤੇ ਕਤਲ ਦੇ ਦੋਸ਼ ਵਿੱਚ ਮਾਰਚ 2025 ‘ਚ ਮੌਤ ਦੀ ਸਜ਼ਾ ਅਤੇ ਸਾਢੇ ਪੰਜ ਲੱਖ ਰੁਪਏ ਜੁਰਮਾਨਾ ਹੋਇਆ ਸੀ। ਉਸਦੀ ਗ੍ਰਿਫ਼ਤਾਰੀ ਸੀਸੀਟੀਵੀ ਸਬੂਤਾਂ ਤੇ ਡੀਐਨਏ ਰਿਪੋਰਟ ਦੇ ਆਧਾਰ ‘ਤੇ ਹੋਈ ਸੀ।