ਧੜੱਲੇਦਾਰ ਬਿਊਰੋ 12 ਸਾਲਾਂ ਬਾਅਦ ਕਾਬੂ ਆਏ ਕਾਤਲ ਨੂੰ ਉਮਰ ਕੈਦ, ਪਰਿਵਾਰ ਨੇ ਫਾਂਸੀ ਦੀ ਮੰਗ ਕੀਤੀ ਚੰਡੀਗੜ੍ਹ, 28 ਨਵੰਬਰ 2025 : ਇਸ ਮਾਮਲੇ ਵਿੱਚ ਅਦਾਲਤ ਨੇ ਐਮਬੀਏ ਵਿਦਿਆਰਥਣ ਨਾਲ ਬਲਾਤਕਾਰ ਅਤੇ ਕਤਲ ਦੇ ਦੋਸ਼ੀ ਮੋਨੂੰ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ। ਉਸ ‘ਤੇ 1 ਲੱਖ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਗਿਆ। ਪਰਿਵਾਰ ਦਾ ਕਹਿਣਾ ਹੈ ਕਿ ਇਸ ਕਿਸਮ ਦੇ ਅਪਰਾਧੀ ਨੂੰ ਫਾਂਸੀ ਮਿਲਣੀ ਚਾਹੀਦੀ ਸੀ। ਸ਼ੁਰੂਆਤੀ ਸਬੂਤ ਇਕੱਠੇ ਕਰਨ ਵਿੱਚ ਵਿਗਿਆਨੀ ਸੁਨੀਤਾ ਵਰਮਾ ਦੀ ਭੂਮਿਕਾ ਮਹੱਤਵਪੂਰਨ ਰਹੀ। ਦੋਵੇਂ ਮਾਮਲਿਆਂ ਵਿੱਚ ਮਿਲੇ ਸਮਾਨ ਤਰੀਕੇ ਨੇ ਜਾਂਚ ਨੂੰ ਮਜ਼ਬੂਤ ਕੀਤਾ। 2010 ਦੇ ਇਸ ਕਤਲ ਮਾਮਲੇ ਵਿੱਚ ਦੋਸ਼ੀ 12 ਸਾਲਾਂ ਤੱਕ ਪੁਲਿਸ ਦੀ ਪਹੁੰਚ ਤੋਂ ਬਚਿਆ ਰਿਹਾ। 2022 ਵਿੱਚ ਇੱਕ ਹੋਰ ਕਤਲ ਦੀ ਜਾਂਚ ਦੌਰਾਨ ਪਹਿਲਾ ਪੱਕਾ ਸੁਰਾਗ ਮਿਲਿਆ, ਜਿਸ ਤੋਂ ਬਾਅਦ 100 ਤੋਂ ਵੱਧ ਡੀਐਨਏ ਜਾਚਾਂ ਅਤੇ ਸੈਂਕੜਿਆਂ ਲੋਕਾਂ ਨਾਲ ਪੁੱਛਗਿੱਛ ਕੀਤੀ ਗਈ। ਆਖਿਰਕਾਰ ਮੋਨੂੰ ਕੁਮਾਰ ਦੀ ਪਛਾਣ ਹੋਈ, ਜੋ ਬਿਹਾਰ ਭੱਜ ਗਿਆ ਸੀ ਅਤੇ ਕਿਸੇ ਵੀ ਦਸਤਾਵੇਜ਼ ਜਾਂ ਫੋਨ ਦੀ ਵਰਤੋਂ ਨਹੀਂ ਕਰਦਾ ਸੀ। 2024 ਵਿੱਚ ਚੰਡੀਗੜ੍ਹ ਵਾਪਸੀ ‘ਤੇ ਗ੍ਰਿਫਤਾਰ ਹੋਣ ਤੋਂ ਬਾਅਦ ਉਸਨੇ ਸਭ ਕਤਲਾਂ ਦਾ ਇਕਬਾਲ ਵੀ ਕਰ ਲਿਆ।

12