ਮੇਰਠ ਵਿੱਚ Axis Bank ਦੇ ਕਰੰਸੀ ਚੈਸਟ ਵਿੱਚ ਵੱਖ-ਵੱਖ ਸ਼ਾਖਾਵਾਂ ਤੋਂ ਆਈ ਨਕਦੀ ਦੀ ਜਾਂਚ ਦੌਰਾਨ 1,323 ਜਾਅਲੀ ਨੋਟ ਮਿਲੇ ਹਨ। ਇਨ੍ਹਾਂ ਨੋਟਾਂ ਦੀ ਕੁੱਲ ਕੀਮਤ 4,63,650 ਰੁਪਏ ਦੱਸੀ ਗਈ ਹੈ। ਬੈਂਕ ਦੇ ਕਰੰਸੀ ਚੈਸਟ ਪ੍ਰਬੰਧਕ ਸਰਤਾਜ ਸਿੰਘ ਦੀ ਸ਼ਿਕਾਇਤ ’ਤੇ ਸਿਵਲ ਲਾਈਨਜ਼ ਥਾਣੇ ਵਿੱਚ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਹ ਨਕਲੀ ਨੋਟ 500, 200, 100 ਅਤੇ 50 ਰੁਪਏ ਦੇ ਹਨ। ਐੱਫ.ਆਈ.ਆਰ. ਮੁਤਾਬਕ 1 ਦਸੰਬਰ 2024 ਤੋਂ 31 ਦਸੰਬਰ 2025 ਦਰਮਿਆਨ ਵੱਖ-ਵੱਖ ਸ਼ਾਖਾਵਾਂ ਤੋਂ ਭੇਜੀ ਗਈ ਰਕਮ ਦੀ ਜਾਂਚ ਵਿੱਚ ਇਹ ਨੋਟ ਸਾਹਮਣੇ ਆਏ। ਪੁਲੀਸ ਨੇ BNS ਦੀਆਂ ਧਾਰਾਵਾਂ 178, 179, 180, 181 ਅਤੇ 182 ਤਹਿਤ ਕੇਸ ਦਰਜ ਕਰਕੇ ਜਾਂਚ ਸਬ-ਇੰਸਪੈਕਟਰ ਦਲੀਪ ਸੇਂਗਰ ਨੂੰ ਸੌਂਪੀ ਹੈ। ਪੁਲੀਸ ਕਮਿਸ਼ਨਰ (ਸਿਟੀ) ਵਿਨਾਇਕ ਗੋਪਾਲ ਭੋਸਲੇ ਮੁਤਾਬਕ ਜਾਂਚ ਰਾਹੀਂ ਇਹ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਨਕਲੀ ਨੋਟ ਕਿਹੜੀਆਂ ਸ਼ਾਖਾਵਾਂ ਰਾਹੀਂ ਬੈਂਕਿੰਗ ਸਿਸਟਮ ਵਿੱਚ ਪਹੁੰਚੇ। ਬੈਂਕ ਨਾਲ ਕਈ ਸ਼ਾਖਾਵਾਂ ਜੁੜੀਆਂ ਹੋਈਆਂ ਹਨ ਅਤੇ ਇਸੇ ਕਾਰਨ ਨਕਦੀ ਦੇ ਸਰੋਤ ਦੀ ਜਾਂਚ ਕੀਤੀ ਜਾ ਰਹੀ ਹੈ।

Meerut Axis Bank Fake Currency Fake Notes Currency Chest Banking News Uttar Pradesh News Police Investigation Crime News Bns Fake Note Case India News