ਦਿੱਲੀ ਯੂਨੀਵਰਸਿਟੀ (DU) ਨੇ ਆਪਣੇ ਸਾਰੇ ਕਾਲਜਾਂ, ਵਿਭਾਗਾਂ ਅਤੇ ਹੋਸਟਲਾਂ ਵਿੱਚ ਔਰਤਾਂ ਦੀ ਸੁਰੱਖਿਆ ਸਬੰਧੀ ਆਡਿਟ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਸਬੰਧਤ ਅਧਿਕਾਰੀਆਂ ਨੂੰ ਸੁਰੱਖਿਆ ਨਾਲ ਜੁੜੀਆਂ ਸਮੱਸਿਆਵਾਂ ਦੀ ਰਿਪੋਰਟ 12 ਅਕਤੂਬਰ ਤੱਕ ਸੌਂਪਣ ਲਈ ਕਿਹਾ ਗਿਆ ਹੈ। ਯੂਨੀਵਰਸਿਟੀ ਦੇ ਪ੍ਰੋਕਟਰ ਵੱਲੋਂ ਬੁਲਾਈ ਗਈ ਜ਼ਰੂਰੀ ਆਨਲਾਈਨ ਮੀਟਿੰਗ ਵਿੱਚ ਹਨੇਰੇ ਵਾਲੀਆਂ ਥਾਵਾਂ ਦੀ ਪਛਾਣ ਕਰਨ, ਖ਼ਰਾਬ ਲਾਈਟਾਂ ਠੀਕ ਕਰਨ, ਨਵੀਆਂ ਸਟਰੀਟ ਲਾਈਟਾਂ ਅਤੇ ਸੀਸੀਟੀਵੀ ਕੈਮਰੇ ਲਗਾਉਣ ਦੇ ਨਿਰਦੇਸ਼ ਦਿੱਤੇ ਗਏ। ਇਸ ਤੋਂ ਇਲਾਵਾ, ਦਿੱਲੀ ਪੁਲੀਸ ਦੇ ਸਹਿਯੋਗ ਨਾਲ ਵਿਦਿਆਰਥਣਾਂ ਲਈ ਸੱਤ ਦਿਨਾਂ ਦਾ ਆਤਮ-ਰੱਖਿਆ ਕੋਰਸ ਕਰਵਾਇਆ ਜਾਵੇਗਾ। ਹੈਲਪਲਾਈਨ ਨੰਬਰ 1091 ਅਤੇ 112 ਦੇ ਬੋਰਡ ਲਗਾਉਣ, ਕਾਲਜਾਂ ਤੇ ਹੋਸਟਲਾਂ ਦੇ ਬਾਹਰ ਪੁਲੀਸ ਗਸ਼ਤ ਵਧਾਉਣ, ਪਿੰਕ ਬੂਥ ਬਣਾਉਣ ਅਤੇ ਇਮਾਰਤਾਂ ਦੀ ਮੁਰੰਮਤ ਕਰਵਾਉਣ ਦਾ ਫੈਸਲਾ ਵੀ ਲਿਆ ਗਿਆ।

Delhi University Du Women Safety Campus Security Delhi Police Self Defence Training Cctv Cameras Pink Booths Student Safety Delhi News