ਧੜੱਲੇਦਾਰ ਬਿਊਰੋ ਤਿੰਨਾਂ ਯੂਨੀਵਰਸਿਟੀਆਂ ਦਾ ਸਾਂਝਾ ਅਕਾਦਮਿਕ ਕੈਲੰਡਰ ਜਾਰੀ ਚੰਡੀਗੜ੍ਹ, 21 ਨਵੰਬਰ 2025 : ਪੰਜਾਬ ਦੀਆਂ ਤਿੰਨ ਮੁੱਖ ਯੂਨੀਵਰਸਿਟੀਆਂ—ਚੰਡੀਗੜ੍ਹ ਦੀ ਪੰਜਾਬ ਯੂਨੀਵਰਸਿਟੀ, ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਅਤੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ—ਹੁਣ ਇੱਕੋ ਅਕਾਦਮਿਕ ਕੈਲੰਡਰ ਅਤੇ ਸਾਂਝੇ ਦਾਖਲਾ ਸਿਸਟਮ ‘ਤੇ ਚੱਲਣਗੀਆਂ। ਅਗਲੇ ਸੈਸ਼ਨ 2026–27 ਤੋਂ ਯੂਜੀ ਅਤੇ ਪੀਜੀ ਦਾਖਲੇ, ਛੁੱਟੀਆਂ ਅਤੇ ਪ੍ਰੀਖਿਆਵਾਂ ਦੀਆਂ ਤਾਰੀਖਾਂ ਪੰਜਾਬ ਸਰਕਾਰ ਦੇ ਕੇਂਦਰੀ ਪੋਰਟਲ ਰਾਹੀਂ ਤੈਅ ਹੋਣਗੀਆਂ। ਉੱਚ ਸਿੱਖਿਆ ਵਿਭਾਗ ਨੇ ਤਿੰਨਾਂ ਯੂਨੀਵਰਸਿਟੀਆਂ ਅਤੇ ਉਨ੍ਹਾਂ ਦੇ ਕਾਲਜਾਂ ਨੂੰ ਇਸ ਬਦਲਾਅ ਲਈ ਅਧਿਕਾਰਿਕ ਨਿਰਦੇਸ਼ ਭੇਜੇ ਹਨ।