ਧੜੱਲੇਦਾਰ ਬਿਊਰੋ ਪੰਜਾਬੀ ਗਾਇਕ ਹਰਮਨ ਸਿੱਧੂ ਸੜਕ ਹਾਦਸੇ ਵਿੱਚ ਦਮ ਤੋੜ ਗਏ ਮਾਨਸਾ, 22 ਨਵੰਬਰ 2025 : ਪੰਜਾਬੀ ਗਾਇਕ ਹਰਮਨ ਸਿੱਧੂ ਦੀ ਬੀਤੀ ਰਾਤ ਇੱਕ ਸੜਕ ਹਾਦਸੇ ਵਿੱਚ ਜਾਨ ਚਲੀ ਗਈ। ਰਾਤ ਕਰੀਬ 12 ਵਜੇ ਉਸਦੀ ਕਾਰ ਟਰੱਕ ਨਾਲ ਟਕਰਾਈ ਅਤੇ ਉਹ ਮੌਕੇ ‘ਤੇ ਹੀ ਦਮ ਤੋੜ ਗਿਆ। ਮਾਨਸਾ ਪੁਲਿਸ ਨੇ ਲਾਸ਼ ਨੂੰ ਹਸਪਤਾਲ ਭੇਜਿਆ ਅਤੇ ਪਰਿਵਾਰ ਨੂੰ ਸੂਚਿਤ ਕੀਤਾ। ਅੰਤਿਮ ਸਸਕਾਰ ਅੱਜ ਪਿੰਡ ਖਿਆਲਾ ਵਿੱਚ ਹੋ ਰਿਹਾ ਹੈ। ਇਸ ਖ਼ਬਰ ਨਾਲ ਸੰਗੀਤ ਜਗਤ ਵਿੱਚ ਗਮ ਦੀ ਲਹਿਰ ਹੈ। ਹਰਮਨ ਸਿੱਧੂ ਇੱਕ ਸਮੇਂ ਆਪਣੇ ਦੋਗਾਣੇ ਗੀਤਾਂ ਨਾਲ ਕਾਫ਼ੀ ਮਸ਼ਹੂਰ ਸੀ ਅਤੇ “ਪੇਪਰ ਤੇ ਪਿਆਰ” ਵਰਗੀਆਂ ਕੈਸੇਟਾਂ ਨੇ ਉਸਨੂੰ ਘਰ-ਘਰ ਜਾਣ ਪਛਾਣ ਦਵਾਈ ਸੀ।