Reporter..S M Singh ਪਟਿਆਲਾ ‘ਚ ਦਿਲਜੀਤ ਦੋਸਾਂਝ ਦੀ ਫਿਲਮ ਸ਼ੂਟਿੰਗ ਦੌਰਾਨ ਬਾਜ਼ਾਰ ‘ਚ ਹੰਗਾਮਾ ਪਟਿਆਲਾ, 9 ਦਸੰਬਰ 2025 : ਪਟਿਆਲਾ ਦੇ ਬਾਂਸਾਂ ਵਾਲੇ ਬਾਜ਼ਾਰ ਵਿੱਚ ਮੰਗਲਵਾਰ ਨੂੰ ਦਿਲਜੀਤ ਦੋਸਾਂਝ ਦੀ ਨਵੀਂ ਫਿਲਮ ਦੀ ਸ਼ੂਟਿੰਗ ਦੌਰਾਨ ਤਣਾਅ ਬਣ ਗਿਆ। ਸਥਾਨਕ ਵਪਾਰੀਆਂ ਨੇ ਇਲਜ਼ਾਮ ਲਾਇਆ ਕਿ ਬਿਨਾਂ ਸੂਚਨਾ ਬਾਜ਼ਾਰ ਸੀਲ ਕਰ ਕੇ ਦੁਕਾਨਾਂ ਦੇ ਅਸਲੀ ਬੋਰਡ ਹਟਾਏ ਗਏ ਅਤੇ ਉਨ੍ਹਾਂ ਦੀ ਜਗ੍ਹਾ ਉਰਦੂ ਬੋਰਡ ਲਗਾ ਦਿੱਤੇ ਗਏ। ਦੁਕਾਨਦਾਰਾਂ ਨੂੰ ਸਵੇਰੇ ਆਪਣੀਆਂ ਦੁਕਾਨਾਂ ਤੱਕ ਜਾਣ ਵੀ ਨਹੀਂ ਦਿੱਤਾ ਗਿਆ, ਜਿਸ ਕਰਕੇ ਸਾਰਾ ਬਾਜ਼ਾਰ ਬੰਦ ਰਿਹਾ। ਛੱਤਾਂ ‘ਤੇ ਬਿਨਾਂ ਆਗਿਆ ਚੜ੍ਹਨ ਨੂੰ ਲੈ ਕੇ ਵੀ ਵਿਰੋਧ ਹੋਇਆ। ਹੰਗਾਮੇ ਦੌਰਾਨ ਦਿਲਜੀਤ ਆਪਣਾ ਸੀਨ ਮੁਕਾ ਕੇ ਚਲੇ ਗਏ, ਜਦੋਂਕਿ ਫਿਲਮ ਦੀ ਸ਼ੂਟਿੰਗ ਸ਼ਹਿਰ ਦੀਆਂ ਹੋਰ ਵਿਰਾਸਤੀ ਇਮਾਰਤਾਂ ਵਿੱਚ ਜਾਰੀ ਹੈ।