ਹਰਿਆਣਾ ਅਤੇ ਚੰਡੀਗੜ੍ਹ ਵਿੱਚ ਸਾਹਮਣੇ ਆਏ 657 ਕਰੋੜ ਰੁਪਏ ਦੇ ਚਰਚਿਤ ਬੈਂਕ ਘੁਟਾਲੇ ਦੀ ਸੀ.ਬੀ.ਆਈ. ਜਾਂਚ ਵਿੱਚ ਕਈ ਹੈਰਾਨਕੁੰਨ ਖੁਲਾਸੇ ਹੋਏ ਹਨ। ਜਾਂਚ ਮੁਤਾਬਕ ਘੁਟਾਲੇ ਦੇ ਕਥਿਤ ਮਾਸਟਰਮਾਈਂਡ ਰਿਸ਼ੀ ਨੇ ਸਰਕਾਰੀ ਫੰਡਾਂ ਦੀ ਹੇਰਾਫੇਰੀ ਕਰਕੇ ਆਪਣੀ ਡਾਂਸਰ ਪ੍ਰੇਮਿਕਾ ’ਤੇ ਲੱਖਾਂ ਰੁਪਏ ਖਰਚ ਕੀਤੇ। ਸੀ.ਬੀ.ਆਈ. ਮੁਤਾਬਕ ਮਾਰਚ-ਅਪਰੈਲ 2025 ਵਿੱਚ ਚੰਡੀਗੜ੍ਹ ਦੇ ਇੱਕ ਸਮਾਗਮ ਦੌਰਾਨ ਰਿਸ਼ੀ ਦੀ ਇੱਕ ਮਹਿਲਾ ਡਾਂਸਰ ਨਾਲ ਮੁਲਾਕਾਤ ਹੋਈ। ਇਸ ਤੋਂ ਬਾਅਦ ਜੈਪੁਰ ਅਤੇ ਮੁੰਬਈ ਸਮੇਤ ਕਈ ਥਾਵਾਂ ’ਤੇ ਮੁਲਾਕਾਤਾਂ ਹੋਈਆਂ। ਜਾਂਚ ਅਨੁਸਾਰ ਰਿਸ਼ੀ ਨੇ ‘ਐੱਸ.ਆਰ.ਆਰ. ਪਲੈਨਿੰਗ ਗੁਰੂਜ਼’ ਨਾਮ ਦੀ ਸ਼ੈੱਲ ਕੰਪਨੀ ਰਾਹੀਂ ਸਰਕਾਰੀ ਫੰਡਾਂ ਦੀ ਹੇਰਾਫੇਰੀ ਕੀਤੀ। ਸੀ.ਬੀ.ਆਈ. ਦੀ ਗਵਾਹ ਬਣੀ ਬਿਹਾਰ ਦੇ ਸੀਵਾਨ ਨਾਲ ਸਬੰਧਤ ਡਾਂਸਰ ਨੇ ਦਾਅਵਾ ਕੀਤਾ ਕਿ ਰਿਸ਼ੀ ਨੇ ਉਸ ਨੂੰ ਅਗਸਤ 2025 ਤੋਂ ਜਨਵਰੀ 2026 ਤੱਕ ਹਰ ਮਹੀਨੇ 8 ਤੋਂ 10 ਲੱਖ ਰੁਪਏ ਦਿੱਤੇ। ਇਸ ਤੋਂ ਇਲਾਵਾ ਦਿੱਲੀ ਦੇ ਦਵਾਰਕਾ ਵਿੱਚ ਉਸ ਲਈ ਕਰੀਬ 4 ਕਰੋੜ ਰੁਪਏ ਦਾ ਮਕਾਨ ਖਰੀਦਣ ਦਾ ਵੀ ਦੋਸ਼ ਹੈ। ਜਾਂਚ ਵਿੱਚ ਚੰਡੀਗੜ੍ਹ, ਦਿੱਲੀ ਅਤੇ ਗੋਆ ਦੇ ਮਹਿੰਗੇ ਹੋਟਲਾਂ ਵਿੱਚ ਠਹਿਰਨ ਤੋਂ ਇਲਾਵਾ ਮਕਾਊ, ਥਾਈਲੈਂਡ ਅਤੇ ਦੁਬਈ ਦੇ ਦੌਰਿਆਂ ਦਾ ਵੀ ਜ਼ਿਕਰ ਹੈ। ਗਵਾਹ ਮੁਤਾਬਕ ਜੀਰਕਪੁਰ ਦੇ ਜੇਡ ਮੈਨਰ ਵਿੱਚ ਹੋਣ ਵਾਲੀਆਂ ਕੁਝ ਪਾਰਟੀਆਂ ਵਿੱਚ ਹਰਿਆਣਾ ਦੇ ਉੱਚ ਅਧਿਕਾਰੀ ਵੀ ਸ਼ਾਮਲ ਹੁੰਦੇ ਸਨ। ਸੀ.ਬੀ.ਆਈ. ਅਨੁਸਾਰ ਰਿਸ਼ੀ ਨੇ ਸ਼ੈੱਲ ਕੰਪਨੀਆਂ ਰਾਹੀਂ ਆਪਣੇ ਅਤੇ ਆਪਣੀ ਪਤਨੀ ਦਿਵਿਆ ਅਰੋੜਾ ਦੇ ਖਾਤਿਆਂ ਵਿੱਚ ਕਰੋੜਾਂ ਰੁਪਏ ਟਰਾਂਸਫਰ ਕੀਤੇ। ਜਾਂਚ ਵਿੱਚ ਸਰਕਾਰੀ ਖਾਤਿਆਂ ਵਿੱਚੋਂ 187.35 ਕਰੋੜ ਰੁਪਏ ਦੀਆਂ 25 ਕਥਿਤ ਗੈਰ-ਕਾਨੂੰਨੀ ਟਰਾਂਸਜੈਕਸ਼ਨਾਂ ਦਾ ਵੀ ਪਤਾ ਲੱਗਣ ਦੀ ਗੱਲ ਸਾਹਮਣੇ ਆਈ ਹੈ। ਜਾਂਚ ਏਜੰਸੀ ਨੇ ਗਵਾਹ ਦਾ Samsung Z Fold ਫੋਨ ਵੀ ਜ਼ਬਤ ਕੀਤਾ ਹੈ।

657 Crore Bank Scam Haryana Bank Scam Chandigarh Bank Scam Cbi Investigation Cbi Probe Rishi S R R Planning Gurus Shell Company Government Funds Bank Fraud Haryana Chandigarh Pankaj Aggarwal Divya Arora Dwarka House Zirakpur Jade Manor Corruption Case Fin