September 2, 2025
Bhavika / Patiala
ਧੜੱਲੇਦਾਰ ਬਿਊਰੋ
75 ਮਿਲੀਗ੍ਰਾਮ ਤੋਂ ਵੱਧ ਮਾਤਰਾ ਵਾਲੀ ਪ੍ਰੀਗਾਬਾਲਿਨ ਦਵਾਈ ’ਤੇ ਪਾਬੰਦੀ ; ਏ.ਡੀ.ਸੀ. ਵੱਲੋਂ ਹੁਕਮ ਜਾਰੀ
ਪਟਿਆਲਾ, 2 ਸਤੰਬਰ 2025 :
ਪਟਿਆਲਾ ਦੇ ਵਧੀਕ ਡਿਪਟੀ ਕਮਿਸ਼ਨਰ-ਕਮ-ਵਧੀਕ ਜ਼ਿਲ੍ਹਾ ਮੈਜਿਸਟ੍ਰੇਟ ਸਿਮਰਪ੍ਰੀਤ ਕੌਰ ਸੇਖੋਂ ਨੇ ਭਾਰਤੀ ਨਾਗਰਿਕ ਸੁਰੱਖਿਆ ਸੰਹਿਤਾ 2023 ਦੀ ਧਾਰਾ 163 ਤਹਿਤ ਮਿਲੇ ਅਧਿਕਾਰਾਂ ਦੀ ਵਰਤੋਂ ਕਰਦਿਆਂ ਪ੍ਰੀਗਾਬਾਲਿਨ 75 ਮਿਲੀਗ੍ਰਾਮ ਤੋਂ ਵੱਧ ਮਾਤਰਾ ਵਾਲੀਆਂ ਦਵਾਈਆਂ ਦੀ ਵਿਕਰੀ ਅਤੇ ਭੰਡਾਰਨ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਹੁਕਮਾਂ ਅਨੁਸਾਰ, ਕੋਈ ਵੀ ਕੈਮਿਸਟ ਜਾਂ ਮੈਡੀਕਲ ਸਟੋਰ ਇਹ ਦਵਾਈ ਬਿਨਾਂ ਅਸਲ ਡਾਕਟਰੀ ਪਰਚੀ ਦੇ ਨਹੀਂ ਵੇਚ ਸਕੇਗਾ। ਦਵਾਈ ਦੀ ਖਰੀਦ-ਵਿਕਰੀ ਦਾ ਵਿਸਥਾਰਤ ਰਿਕਾਰਡ ਰੱਖਣਾ ਲਾਜ਼ਮੀ ਕੀਤਾ ਗਿਆ ਹੈ ਅਤੇ ਪਰਚੀ ‘ਤੇ ਮੋਹਰ ਲਗਾਉਣ ਦੀ ਵੀ ਹਦਾਇਤ ਦਿੱਤੀ ਗਈ ਹੈ। ਇਹ ਪਾਬੰਦੀ 2 ਨਵੰਬਰ 2025 ਤੱਕ ਲਾਗੂ ਰਹੇਗੀ। ਰੈਡ ਕਰਾਸ ਮੈਡੀਕਲ ਸਟੋਰ (ਰਾਜਿੰਦਰਾ ਹਸਪਤਾਲ) ਨੂੰ ਵਿਸ਼ੇਸ਼ ਪਰਵਾਨਗੀ ਮਿਲੀ ਹੈ ਕਿ ਜਰੂਰੀ ਮਾਮਲਿਆਂ ਵਿੱਚ ਇਹ ਦਵਾਈ ਦਿੱਤੀ ਜਾ ਸਕਦੀ ਹੈ, ਪਰ ਸਕੱਤਰ ਰੈਡ ਕਰਾਸ ਪੂਰੇ ਰਿਕਾਰਡ ਲਈ ਜਿੰਮੇਵਾਰ ਹੋਣਗੇ। ਇਹ ਕਦਮ ਦੁਰਵਰਤੋਂ ਅਤੇ ਨਸ਼ੇ ਵੱਲ ਵਧ ਰਹੇ ਰੁਝਾਨ ਨੂੰ ਰੋਕਣ ਲਈ ਚੁੱਕਿਆ ਗਿਆ ਹੈ।
Powered by Froala Editor
75
