ਅੱਜ ਸਵੇਰੇ ਮਲੇਸ਼ੀਆ ਵਿੱਚ ਦੋ ਫੌਜੀ ਹੈਲੀਕਾਪਟਰ ਆਪਸ ਵਿੱਚ ਟਕਰਾ ਗਏ ਅਤੇ ਕਰੈਸ਼ ਹੋ ਗਏ। ਹਾਦਸੇ ‘ਚ ਦੋਵੇਂ ਹੈਲੀਕਾਪਟਰਾਂ ‘ਚ ਸਵਾਰ 10 ਲੋਕਾਂ ਦੀ ਮੌਤ ਹੋ ਗਈ। ਹੈਲੀਕਾਪਟਰ ਅੱਜ ਸਵੇਰੇ ਲੁਮਟ, ਪੇਰਾਕ ਵਿੱਚ ਰਾਇਲ ਮਲੇਸ਼ੀਅਨ ਨੇਵੀ (ਆਰਐਮਐਨ) ਬੇਸ ਵਿੱਚ ਅਭਿਆਸ ਕਰ ਰਹੇ ਸਨ ਜਦੋਂ ਉਹ ਕਰੈਸ਼ ਹੋ ਗਏ। ਫਾਇਰ ਐਂਡ ਰੈਸਕਿਊ ਵਿਭਾਗ ਦੇ ਬੁਲਾਰੇ ਅਨੁਸਾਰ ਹਾਦਸੇ ਵਿੱਚ ਕਿਸੇ ਦੇ ਬਚਣ ਦੀ ਸੰਭਾਵਨਾ ਨਹੀਂ ਹੈ। ਦੋਵੇਂ ਹੈਲੀਕਾਪਟਰਾਂ ‘ਚ ਕੁੱਲ ਮਿਲਾ ਕੇ 10 ਨੇਵੀ ਕਰਮਚਾਰੀ ਸਵਾਰ ਸਨ।

ਮੀਡੀਆ ਰਿਪੋਰਟਾਂ ਮੁਤਾਬਕ ਮਲੇਸ਼ੀਆ ‘ਚ ਦੋ ਹੈਲੀਕਾਪਟਰਾਂ ਦੇ ਟਕਰਾਉਣ ਅਤੇ ਕਰੈਸ਼ ਹੋਣ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਦੋਵੇਂ ਹੈਲੀਕਾਪਟਰ ਟੇਕ ਆਫ ਕਰਦੇ ਹਨ ਅਤੇ ਕੁਝ ਹੀ ਸਕਿੰਟਾਂ ‘ਚ ਦੋਵਾਂ ਦੇ ਰੋਟਰ ਇਕ-ਦੂਜੇ ਨਾਲ ਟਕਰਾ ਜਾਂਦੇ ਹਨ। ਇਸ ਤੋਂ ਬਾਅਦ ਦੋਵੇਂ ਹੇਠਾਂ ਸਟੇਡੀਅਮ ਦੀ ਜ਼ਮੀਨ ‘ਤੇ ਟੁਕੜੇ-ਟੁਕੜੇ ਹੁੰਦੇ ਨਜ਼ਰ ਆ ਰਹੇ ਹਨ।

Military Helicopters Collided In Malaysia 10 Soldiers Died