July 12, 2025
S M Singh / Gaza
ਰੋਜ਼ਾਨਾ ਧੜੱਲੇਦਾਰ ਬਿਊਰੋ
ਗਾਜ਼ਾ 'ਚ ਜੰਗੀ ਹਮਲਿਆਂ ਤੋਂ ਬਾਅਦ ਭੁੱਖਮਰੀ ਨੇ ਲਿਆ ਕਹਿਰ ਰੂਪ
ਗਾਜ਼ਾ,12 ਜੁਲਾਈ, 2025 :
ਇਜ਼ਰਾਈਲ ਵੱਲੋਂ ਗਾਜ਼ਾ 'ਤੇ ਹੋ ਰਹੇ ਲਗਾਤਾਰ ਹਮਲਿਆਂ ਨੇ ਇਲਾਕੇ ਦੀ ਤਬਾਹੀ ਨੂੰ ਇੱਕ ਨਵੀਂ ਚਰਮ ਸੀਮਾ 'ਤੇ ਪਹੁੰਚਾ ਦਿੱਤਾ ਹੈ। ਹਾਲਾਂਕਿ ਕਈ ਵਾਰ ਹਮਲੇ ਥੋੜੇ ਸਮੇਂ ਲਈ ਰੁਕਦੇ ਹਨ, ਪਰ ਇਨ੍ਹਾਂ ਰੁਕਾਵਟਾਂ ਨਾਲ ਗਾਜ਼ਾ ਵਾਸੀਆਂ ਦੀ ਦਿਨੋ-ਦਿਨ ਵਧ ਰਹੀ ਪਰੇਸ਼ਾਨੀ 'ਚ ਕੋਈ ਘਟਾਉਣ ਨਹੀਂ ਆਈ। ਇਮਾਰਤਾਂ ਦੇ ਢਹਿ ਜਾਣ, ਸਹੂਲਤਾਂ ਦੇ ਨਸ਼ਟ ਹੋਣ ਅਤੇ ਭੋਜਨ ਦੀ ਘਾਟ ਨੇ ਇਲਾਕੇ ਨੂੰ ਇਕ ਸੰਕਟਮਈ ਹਾਲਤ ਵਿੱਚ ਧੱਕ ਦਿੱਤਾ ਹੈ।
ਸੰਯੁਕਤ ਰਾਸ਼ਟਰ ਦੀ ਏਜੰਸੀ UNRWA ਦੇ ਮੁਖੀ ਫਿਲਿਪ ਲਾਜ਼ਾਰੀਨੀ ਨੇ ਇਨ੍ਹਾਂ ਹਾਲਾਤਾਂ ਨੂੰ ਲੈ ਕੇ ਡੂੰਘੀ ਚਿੰਤਾ ਜਤਾਈ ਹੈ। ਉਨ੍ਹਾਂ ਕਿਹਾ ਕਿ ਗਾਜ਼ਾ ਹੁਣ ਇਕ ਐਸਾ ਸਥਾਨ ਬਣ ਗਿਆ ਹੈ ਜਿੱਥੇ ਨਿਹੱਥੇ ਲੋਕ ਜਾਂ ਤਾਂ ਜੰਗੀ ਹਿੰਸਾ ਦੇ ਸ਼ਿਕਾਰ ਹੋ ਰਹੇ ਹਨ ਜਾਂ ਭੁੱਖ ਨਾਲ ਤੜਪ ਰਹੇ ਹਨ। ਇਹ ਮਨੁੱਖੀ ਹੱਕਾਂ ਅਤੇ ਆਦਰਸ਼ਾਂ ਦੀ ਖੁੱਲ੍ਹੀ ਉਲੰਘਣਾ ਹੈ।
ਇਸ ਦੇ ਨਾਲ ਹੀ ਯੂਨੀਸੈਫ ਨੇ ਵੀ ਇਲਾਕੇ ਵਿੱਚ ਭੁੱਖਮਰੀ ਅਤੇ ਬੱਚਿਆਂ ਦੀ ਨਾਜੁਕ ਹਾਲਤ 'ਤੇ ਗੰਭੀਰ ਚਿਤਾਵਨੀ ਦਿੱਤੀ ਹੈ। ਅੰਤਰਰਾਸ਼ਟਰੀ ਸੰਸਥਾਵਾਂ ਨੇ ਹਾਲਾਤ ਨੂੰ ਲੈ ਕੇ ਸਖ਼ਤ ਸੂਚਨਾ ਦਿੱਤੀ ਹੈ ਕਿ ਜੇ ਤੁਰੰਤ ਹਸਤੱਖੇਪ ਨਾ ਕੀਤਾ ਗਿਆ, ਤਾਂ ਗਾਜ਼ਾ ਵਿੱਚ ਮਨੁੱਖੀ ਸੰਕਟ ਹੋਰ ਵੀ ਵਧੇਗਾ।
Powered by Froala Editor
