September 23, 2025
Bhavika / New Delhi
ਧੜੱਲੇਦਾਰ ਬਿਊਰੋ
ਈਰਾਨ ਜਾਣ ਦੀ ਕੋਸ਼ਿਸ਼ ਕਰਦਿਆਂ ਗਲਤੀ ਨਾਲ ਭਾਰਤ ਪਹੁੰਚਿਆ ਅਫਗਾਨੀ ਬੱਚਾ !
ਨਵੀਂ ਦਿੱਲੀ, 23 ਸਤੰਬਰ 2025 :
ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਅਫਗਾਨਿਸਤਾਨ ਦੇ ਇੱਕ 13 ਸਾਲਾ ਲੜਕੇ ਦੀ ਹੈਰਾਨ ਕਰਨ ਵਾਲੀ ਹਰਕਤ ਸਾਹਮਣੇ ਆਈ। ਇਹ ਨਾਬਾਲਗ ਕਾਬੁਲ ਤੋਂ ਉਡਾਣ ਭਰਨ ਵਾਲੇ ਜਹਾਜ਼ ਦੇ ਪਹੀਏ ਵਿੱਚ ਲੁਕ ਕੇ ਦਿੱਲੀ ਪਹੁੰਚ ਗਿਆ। ਹਵਾਈ ਅੱਡੇ ਦੇ ਸਟਾਫ ਨੇ ਉਸਨੂੰ ਸ਼ੱਕੀ ਹਾਲਤ ਵਿੱਚ ਦੇਖ ਕੇ ਰੋਕਿਆ ਅਤੇ ਸੁਰੱਖਿਆ ਟੀਮ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਲੜਕੇ ਨੂੰ ਹਿਰਾਸਤ ਵਿੱਚ ਲਿਆ ਗਿਆ।
ਪੁੱਛਗਿੱਛ ਦੌਰਾਨ ਪਤਾ ਲੱਗਿਆ ਕਿ ਲੜਕੇ ਦਾ ਮਨੋਰਥ ਇਰਾਨ ਜਾਣ ਦਾ ਸੀ ਪਰ ਗਲਤੀ ਨਾਲ ਉਹ ਭਾਰਤ ਆਉਣ ਵਾਲੀ ਉਡਾਣ ਵਿੱਚ ਚੜ੍ਹ ਗਿਆ। ਉਸਨੇ ਦੱਸਿਆ ਕਿ ਕਾਬੁਲ ਹਵਾਈ ਅੱਡੇ ‘ਤੇ ਇੱਕ ਗੱਡੀ ਦੇ ਪਿੱਛੇ ਲੁਕ ਕੇ ਜਹਾਜ਼ ਤੱਕ ਪਹੁੰਚਿਆ ਅਤੇ ਪਹੀਏ ਦੇ ਖੋਖਲੇ ਹਿੱਸੇ ਵਿੱਚ ਛੁਪ ਗਿਆ। ਹੈਰਾਨੀ ਦੀ ਗੱਲ ਹੈ ਕਿ ਉਹ 94 ਮਿੰਟਾਂ ਤੱਕ ਘੱਟ ਆਕਸੀਜਨ ਵਾਲੇ ਖਤਰਨਾਕ ਹਾਲਾਤ ਵਿੱਚ ਜ਼ਿੰਦਾ ਰਿਹਾ। ਇਸ ਵੇਲੇ ਇਮੀਗ੍ਰੇਸ਼ਨ ਵਿਭਾਗ ਉਸ ਤੋਂ ਪੁੱਛਗਿੱਛ ਕਰ ਰਿਹਾ ਹੈ ਅਤੇ ਉਸਨੂੰ ਵਾਪਸ ਕਾਬੁਲ ਭੇਜਣ ਦੀ ਕਾਰਵਾਈ ਚੱਲ ਰਹੀ ਹੈ।
Powered by Froala Editor
