ਧੜੱਲੇਦਾਰ ਬਿਊਰੋ ਮੋਦੀ–ਪੁਤਿਨ ਸਿਖਰ ਵਾਰਤਾ ਸਮਾਪਤ, ਰੱਖਿਆ ਅਤੇ ਊਰਜਾ ‘ਤੇ ਵੱਡੀਆਂ ਗੱਲਾਂ ਨਵੀਂ ਦਿੱਲੀ, 5 ਦਸੰਬਰ 2025 : ਭਾਰਤ ਦੌਰੇ ‘ਤੇ ਆਏ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ 23ਵੀਂ ਸਾਲਾਨਾ ਸਿਖਰ ਵਾਰਤਾ ਹੈਦਰਾਬਾਦ ਹਾਊਸ ਵਿੱਚ ਸਮਾਪਤ ਹੋਈ। ਦੋਵੇਂ ਆਗੂਆਂ ਨੇ ਰੱਖਿਆ, ਊਰਜਾ ਅਤੇ ਵਪਾਰ ‘ਤੇ ਗੱਲਬਾਤ ਕੀਤੀ। ਮੋਦੀ ਨੇ ਰੂਸੀ ਨਾਗਰਿਕਾਂ ਲਈ 30 ਦਿਨ ਦੇ ਈ-ਟੂਰਿਸਟ ਵੀਜ਼ਾ ਅਤੇ ਗਰੁੱਪ ਵੀਜ਼ਾ ਦੀ ਸਹੂਲਤ ਦੀ ਘੋਸ਼ਣਾ ਕੀਤੀ, ਜਦੋਂ ਕਿ ਪੁਤਿਨ ਨੇ ਭਾਰਤ ਦੇ ਸਭ ਤੋਂ ਵੱਡੇ ਨਿਊਕਲੀਅਰ ਪਲਾਂਟ ਦੇ ਨਿਰਮਾਣ ਵਿੱਚ ਪੂਰਾ ਸਹਿਯੋਗ ਦੇਣ ਦੀ ਗੱਲ ਕਹੀ। ਮੋਦੀ ਨੇ ਯੂਕ੍ਰੇਨ ਮੁੱਦੇ ‘ਤੇ ਭਾਰਤ ਦੇ ਸ਼ਾਂਤੀਪ੍ਰੇਮੀ ਰੁਖ ਨੂੰ ਦੁਹਰਾਇਆ ਅਤੇ ਰੂਸ ਵਿੱਚ ਦੋ ਨਵੇਂ ਭਾਰਤੀ ਕੌਂਸਲੇਟ ਖੋਲ੍ਹਣ ਦੀ ਵੀ ਜਾਣਕਾਰੀ ਦਿੱਤੀ। ਪੁਤਿਨ ਨੇ ਊਰਜਾ, ਤਕਨੀਕ, ਰੇਲ ਪ੍ਰੋਜੈਕਟਾਂ ਅਤੇ ਨਿਵੇਸ਼ ਖੇਤਰ ਵਿੱਚ ਭਾਰਤ ਨਾਲ ਸਹਿਯੋਗ ਵਧਾਉਣ ਦੀ ਗੱਲ ਰੱਖੀ। ਉਨ੍ਹਾਂ ਕਿਹਾ ਕਿ ਰੁਪਏ ਵਿੱਚ ਵਪਾਰ ਵਧ ਰਿਹਾ ਹੈ ਅਤੇ ਰੂਸ ਵਿੱਚ ਭਾਰਤੀ ਫਿਲਮਾਂ ਦੀ ਲੋਕਪ੍ਰੀਆਂਤਾ ਵੀ ਦੋ ਦੇਸ਼ਾਂ ਨੂੰ ਹੋਰ ਨੇੜੇ ਲਿਆ ਰਹੀ ਹੈ। ਇਹ ਬੈਠਕ ਉਸ ਸਮੇਂ ਹੋਈ ਹੈ ਜਦੋਂ ਭਾਰਤ ਅੰਤਰਰਾਸ਼ਟਰੀ ਦਬਾਅ ਦੇ ਬਾਵਜੂਦ ਆਪਣੇ ਰਿਸ਼ਤਿਆਂ ਨੂੰ ਸੰਤੁਲਿਤ ਢੰਗ ਨਾਲ ਸੰਭਾਲ ਰਿਹਾ ਹੈ।