May 27, 2024 12:17:33
Daily Dharaledar Bureau / National
ਸਰਕਾਰ ਨੇ ਦੂਰਸੰਚਾਰ ਕੰਪਨੀਆਂ ਨੂੰ ਭਾਰਤੀ ਮੋਬਾਈਲ ਨੰਬਰ ਦਰਸਾਉਣ ਵਾਲੀਆਂ ਸਾਰੀਆਂ ਇਨਕਮਿੰਗ ਕੌਮਾਂਤਰੀ ਫ਼ਰਜ਼ੀ ਕਾਲਾਂ ’ਤੇ ਰੋਕ ਲਗਾਉਣ ਦਾ ਨਿਰਦੇਸ਼ ਦਿੱਤਾ ਹੈ। ਦੂਰਸੰਚਾਰ ਵਿਭਾਗ ਨੇ ਐਤਵਾਰ ਨੂੰ ਦੱਸਿਆ ਕਿ ਇਸ ਗੱਲ ਦੀ ਜਾਣਕਾਰੀ ਮਿਲੀ ਹੈ ਕਿ ਜਾਅਲਸਾਜ਼ ਭਾਰਤੀ ਨਾਗਰਿਕਾਂ ਨੂੰ ਭਾਰਤੀ ਮੋਬਾਈਲ ਨੰਬਰ ਦਿਖਾ ਕੇ ਕੌਮਾਂਤਰੀ ਫ਼ਰਜ਼ੀ ਕਾਲਾਂ ਕਰ ਰਹੇ ਹਨ ਅਤੇ ਸਾਈਬਰ ਅਪਰਾਧ ਤੇ ਵਿੱਤੀ ਧੋਖਾਧੜੀ ਕਰ ਰਹੇ ਹਨ।ਵਿਭਾਗ ਮੁਤਾਬਕ, ਅਜਿਹਾ ਲੱਗਦਾ ਹੈ ਕਿ ਅਜਿਹੀਆਂ ਕਾਲਾਂ ਦੇਸ਼ ਦੇ ਅੰਦਰੋਂ ਹੀ ਆ ਰਹੀਆਂ ਹਨ ਪਰ ਵਿਦੇਸ਼ ਤੋਂ ਸਾਈਬਰ ਅਪਰਾਧੀਆਂ ਵੱਲੋਂ ਕਾਲਿੰਗ ਲਾਈਨ ਆਈਡੈਂਟਿਟੀ (ਸੀਐੱਲਆਈ) ’ਚ ਹੇਰਫੇਰ ਕਰ ਕੇ ਕੀਤੀਆਂ ਜਾ ਰਹੀਆਂ ਹਨ।
ਬਿਆਨ ਮੁਤਾਬਕ, ਡੀਓਟੀ ਤੇ ਦੂਰਸੰਚਾਰ ਕੰਪਨੀਆਂ ਨੇ ਅਜਿਹੀਆਂ ਕੌਮਾਂਤਰੀ ਫ਼ਰਜ਼ੀ ਕਾਲਾਂ ਦੀ ਪਛਾਣ ਕਰਨ ਅਤੇ ਉਨ੍ਹਾਂ ਨੂੰ ਕਿਸੇ ਵੀ ਭਾਰਤੀ ਟੈਲੀਕਾਮ ਗਾਹਕ ਤੱਕ ਪੁੱਜਣ ਤੋਂ ਰੋਕਣ ਲਈ ਇਕ ਸਿਸਟਮ ਤਿਆਰ ਕੀਤਾ ਹੈ। ਹੁਣ ਅਜਿਹੀਆਂ ਕੌਮਾਂਤਰੀ ਫ਼ਰਜ਼ੀ ਕਾਲਾਂ ਨੂੰ ਰੋਕਣ ਲਈ ਟੀਐੱਸਪੀ ਨੂੰ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ। ਦੂਰਸੰਚਾਰ ਵਿਭਾਗ ਵੱਲੋਂ ਜਾਰੀ ਨਿਰਦੇਸ਼ਾਂ ਮੁਤਾਬਕ, ਭਾਰਤੀ ਲੈਂਡਲਾਈਨ ਨੰਬਰਾਂ ਤੋਂ ਆਉਣ ਵਾਲੀਆਂ ਕੌਮਾਂਤਰੀ ਫ਼ਰਜ਼ੀ ਕਾਲਾਂ ਨੂੰ ਟੀਐੱਸਪੀ ਰਾਹੀਂ ਪਹਿਲਾਂ ਹੀ ਬਲਾਕ (ਰੋਕ) ਕੀਤਾ ਜਾ ਰਿਹਾ ਹੈ।
The Government Has Directed To Stop Fake International Calls Users Will Get Relief
