December 2, 2025 12:46:08

S M Singh / New Delhi

Reporter..S M Singh ਸਰਕਾਰੀ ਇਮਾਰਤਾਂ ਦੇ ਨਾਂ ਬਦਲੇ; ਕੇਂਦਰ ਨੇ ਦਿੱਤੀ ਨਵੀਂ ਪਹਚਾਣ ਨਵੀਂ ਦਿੱਲੀ, 2 ਦਸੰਬਰ 2025 : ਕੇਂਦਰ ਨੇ ਕਈ ਮਹੱਤਵਪੂਰਨ ਸਰਕਾਰੀ ਇਮਾਰਤਾਂ ਦੇ ਨਾਂ ਬਦਲ ਕੇ ਵੱਡਾ ਬਦਲਾਅ ਕੀਤਾ ਹੈ। ਪ੍ਰਧਾਨ ਮੰਤਰੀ ਦਫ਼ਤਰ ਦਾ ਨਾਂ ਹੁਣ ਸੇਵਾ ਤੀਰਥ, ਰਾਜ ਭਵਨ ਦਾ ਲੋਕ ਭਵਨ ਅਤੇ ਕੇਂਦਰੀ ਸਕੱਤਰੇਤ ਦਾ ਕਰਤੱਵ ਭਵਨ ਰੱਖਿਆ ਗਿਆ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਕਦਮ ਪ੍ਰਸ਼ਾਸਨ ਨੂੰ ਲੋਕ-ਕੇਂਦਰਿਤ ਸੋਚ ਵੱਲ ਲੈ ਜਾਣ ਲਈ ਹੈ। ਰਾਜ ਭਵਨ ਦਾ ਨਾਂ ਬਦਲਣ ਦੇ ਪਿੱਛੇ ਦਲੀਲ ਹੈ ਕਿ ਇਹ ਸ਼ਬਦ ਰਾਜਸ਼ਾਹੀ ਯੁਗ ਦੀ ਯਾਦ ਦਿਵਾਂਦਾ ਸੀ, ਇਸ ਲਈ ਲੋਕਤੰਤਰਕ ਪਹਚਾਣ ਨਾਲ ਜੋੜਿਆ ਨਾਂ ਜ਼ਿਆਦਾ ਉਚਿਤ ਹੈ। PMO ਜਲਦੀ ਹੀ ਸਾਊਥ ਬਲਾਕ ਤੋਂ ਨਵੇਂ ਸੇਵਾ ਤੀਰਥ ਕੈਂਪਸ ਵਿੱਚ ਸ਼ਿਫਟ ਹੋਵੇਗਾ, ਜਿੱਥੇ ਕੈਬਨਿਟ ਸਕੱਤਰੇਤ ਅਤੇ ਐਨਐਸਏ ਦਫ਼ਤਰ ਲਈ ਵੀ ਵੱਖ-ਵੱਖ ਭਵਨ ਬਣ ਰਹੇ ਹਨ। ਇਸ ਬਦਲਾਅ ਨੂੰ ਸੈਂਟਰਲ ਵਿਸਟਾ ਪ੍ਰੋਜੈਕਟ ਦਾ ਅਹਿਮ ਹਿੱਸਾ ਮੰਨਿਆ ਜਾ ਰਿਹਾ ਹੈ, ਜਿਸ ਤਹਿਤ ਨਵੀਂ ਸੰਸਦ ਤੋਂ ਲੈ ਕੇ ਰਾਹਦਾਰੀਆਂ ਤੱਕ ਕਈ ਥਾਵਾਂ ਨੂੰ ਨਵੀਂ ਪਹਚਾਣ ਦਿੱਤੀ ਜਾ ਰਹੀ ਹੈ।