December 8, 2025 11:10:44

Rajni / Chandigarh

Reporter..Rajni ਚੰਡੀਗੜ੍ਹ ਵਿੱਚ CTU ਬੱਸਾਂ ਦੀ ਸੇਵਾ ਠੱਪ ਚੰਡੀਗੜ੍ਹ, 8 ਦਸੰਬਰ 2025 : ਚੰਡੀਗੜ੍ਹ ਵਿੱਚ ਸੋਮਵਾਰ ਸਵੇਰ ਤੋਂ ਸਿਟੀ ਬੱਸਾਂ ਦੀ ਸੇਵਾ ਰੁਕੀ ਹੋਈ ਹੈ। CTU ਦੀਆਂ 85 ਪੁਰਾਣੀਆਂ ਬੱਸਾਂ ਹਟਾਉਣ ਤੋਂ ਬਾਅਦ ਨੌਕਰੀ ਤੋਂ ਕੱਢੇ ਗਏ 120 ਡਰਾਈਵਰ ਡਿਪੋ ਨੰਬਰ 2 ਦੇ ਬਾਹਰ ਪ੍ਰਦਰਸ਼ਨ ਕਰ ਰਹੇ ਹਨ ਅਤੇ ਲੋਕਲ ਰੂਟਾਂ ਦੀਆਂ ਬੱਸਾਂ ਨੂੰ ਰਵਾਨਾ ਨਹੀਂ ਹੋਣ ਦੇ ਰਹੇ। ਡਰਾਈਵਰਾਂ ਦਾ ਕਹਿਣਾ ਹੈ ਕਿ ਪ੍ਰਸ਼ਾਸਨ ਨੇ ਨਵੀਆਂ ਇਲੈਕਟ੍ਰਿਕ ਬੱਸਾਂ ਆਉਣ ‘ਤੇ ਉਨ੍ਹਾਂ ਨੂੰ ਹੋਰ ਰੂਟਾਂ ‘ਤੇ ਰੱਖਣ ਦਾ ਭਰੋਸਾ ਦਿੱਤਾ ਸੀ, ਪਰ ਹਫ਼ਤਿਆਂ ਤੱਕ ਉਡੀਕ ਕਰਵਾਉਣ ਤੋਂ ਬਾਅਦ ਅਚਾਨਕ ਨੌਕਰੀ ਤੋਂ ਕੱਢ ਦਿੱਤਾ। ਕਈ ਡਰਾਈਵਰ 10 ਤੋਂ 15 ਸਾਲਾਂ ਤੋਂ ਸੇਵਾ ਕਰ ਰਹੇ ਸਨ ਅਤੇ ਹੁਣ ਉਮਰ ਦੇ ਕਾਰਨ ਉਨ੍ਹਾਂ ਲਈ ਨਵੀਂ ਨੌਕਰੀ ਲੱਭਣਾ ਮੁਸ਼ਕਲ ਹੈ, ਜਿਸ ਕਰਕੇ ਗੁੱਸਾ ਵਧ ਗਿਆ ਹੈ।

Ctu