June 17, 2020 00:00:00
Daily Dharaledar / Punjab
ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਡੇਕਸਾਮੇਥਾਸੋਨ ਕੋਰੋਨਾਵਾਇਰਸ ਖ਼ਿਲਾਫ਼ ਲੜਾਈ ਵਿੱਚ ਵੱਡੀ ਸਫਲਤਾ ਹੈ। ਇੱਕ ਸਸਤੀ ਅਤੇ ਵਰਤਣ ਵਿੱਚ ਅਸਾਨ ਦਵਾਈ ਕੋਰੋਨਾਵਾਇਰਸ ਦੇ ਉੱਚ ਜੋਖਮ ਦੇ ਨਾਲ ਮਰੀਜ਼ਾਂ ਦੀ ਜਾਨ ਬਚਾ ਸਕਦੀ ਹੈ। ਅਧਿਐਨ ਮੁਤਾਬਿਕ ਸਖ਼ਤੀ ਨਾਲ ਜਾਂਚ ਕਰਨ ਤੇ 2104 ਮਰੀਜ਼ਾਂ ਨੂੰ ਦਵਾਈ ਦਿੱਤੀ ਗਈ ਤੇ ਉਨ੍ਹਾਂ ਦੀ ਤੁਲਨਾ 4321 ਮਰੀਜ਼ਾਂ ਨਾਲ ਕੀਤੀ ਗਈ, ਜਿਨ੍ਹਾਂ ਦੀ ਸਧਾਰਨ ਤਰੀਕੇ ਨਾਲ ਦੇਖ-ਭਾਲ ਹੋ ਰਹੀ ਸੀ। ਦਵਾਈ ਦੀ ਵਰਤੋਂ ਤੋਂ ਬਾਅਦ ਸਬੰਧਿਤ ਮਸ਼ੀਨਾਂ ਨਾਲ ਇਲਾਜ ਕਰਵਾ ਰਹੇ ਮਰੀਜ਼ਾਂ ਦੀ ਮੌਤ ਦਰ 35 ਫੀਸਦੀ ਤਕ ਘੱਟ ਗਈ, ਜਿਨ੍ਹਾਂ ਲੋਕਾਂ ਨੂੰ ਆਕਸੀਜ਼ਨ ਦੀ ਸਹਾਇਤਾ ਦਿੱਤੀ ਜਾ ਰਹੀ ਸੀ, ਉਨ੍ਹਾਂ -ਚ ਵੀ ਮੌਤ ਦਰ 20 ਫੀਸਦੀ ਘੱਟ ਹੋ ਗਈ। ਉਨ੍ਹਾਂ ਕਿਹਾ ਕਿ ਮੌਤ ਦਰ ਘੱਟ ਕਰਨ ਤੇ ਆਕਸੀਜ਼ਨ ਦੀ ਮਦਦ ਲੈਣ ਵਾਲੇ ਮਰੀਜ਼ਾਂ ਨੂੰ ਖਾਸ ਤੌਰ -ਤੇ ਇਸ ਦਾ ਫਾਇਦਾ ਹੋਇਆ ਹੈ, ਇਸ ਲਈ ਅਜਿਹੇ ਮਰੀਜ਼ਾਂ -ਚ ਡੈਕਸਾਮੇਥਾਸੋਨ ਦੀ ਵਰਤੋਂ ਹੋਣੀ ਲਾਜ਼ਮੀ ਹੋਣੀ ਚਾਹੀਦੀ ਹੈ। ਇਹ ਦਵਾਈ ਮਹਿੰਗੀ ਨਹੀਂ ਹੈ ਤੇ ਸਾਰੀ ਦੁਨੀਆ -ਚ ਕੋਵਿਡ ਤੋਂ ਬਚਣ ਲਈ ਇਸ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। 
Daily Dharaledar Online News Views and Reviews
