August 6, 2024
Lovepreet Singh / Gurdaspur
ਗੁਰਦਾਸਪੁਰ
ਵੇਰਕਾ ਮਿਲਕ ਪਲਾਂਟ ਗੁਰਦਾਸਪੁਰ ਦੇ ਗੇਟ ਦੇ ਸਾਹਮਣੇ ਵੇਰਕਾ ਕ੍ਰਾਂਤੀਕਾਰੀ ਯੂਨੀਅਨ ਅਤੇ ਸਹਿਯੋਗੀ ਜਥੇਬੰਦੀਆਂ ਦੀ ਮੀਟਿੰਗ ਹੋਈ ਜਿਸ ਨੇ ਦੇਖਦੇ ਹੀ ਦੇਖਦੇ ਧਰਨੇ ਦਾ ਰੂਪ ਧਾਰਨ ਕਰ ਲਿਆ। ਧਰਨੇ ਵਿੱਚ ਸ਼ਾਮਿਲ ਸਾਰੇ ਹੀ ਆਗੂਆਂ ਨੇ ਵੇਰਕਾ ਮਿਲਕ ਪਲਾਂਟ ਨੂੰ ਬਚਾਉਣ ਲਈ ਇੱਕ ਮੁੱਠ ਹੋ ਕੇ ਕੰਮ ਕਰਨ ਦੀ ਹਾਮੀ ਭਰੀ।
ਉੱਥੇ ਹੀ ਧਰਨੇ ਵਿੱਚ ਸ਼ਾਮਿਲ ਆਗੂਆਂ ਨੇ ਇੱਕ ਮੁੱਠ ਹੋ ਕੇ ਕਿਹਾ ਕਿ ਉਹ ਆਨਲਾਈਨ ਸਿਸਟਮ ਬੰਦ ਕਰਾਉਣ ਅਤੇ ਪੂਰੇ ਪੰਜਾਬ ਵਿੱਚ ਦੁੱਧ ਦੇ ਇੱਕੋ ਜਿਹੇ ਰੇਟ ਕਰਨ, ਦੁੱਧ ਦਾ ਭੁਗਤਾਨ ਸਮੇਂ ਸਿਰ ਕਰਨ, ਵੇਰਕਾ ਨੂੰ ਪ੍ਰਾਈਵੇਟ ਹੱਥਾਂ ਵਿੱਚ ਨਾ ਦੇਣ ਅਤੇ ਭਰਤੀ ਸਿਸਟਮ ਵਿੱਚ ਬਦਲਾਵ ਕਰਨ ਜਿਹੀਆਂ ਮੁੱਖ ਮੰਗਾਂ ਨੂੰ ਲੈ ਕੇ ਸੰਘਰਸ਼ ਦੀ ਰਾਹ ਅਪਣਾ ਰਹੇ ਹਨ।
ਉਹਨਾਂ ਕਿਹਾ ਕਿ ਮਿਲਕ ਪਲਾਨ ਦੀ ਅਫਸਰ ਸ਼ਾਹੀ ਉਹਨਾਂ ਦੀ ਗੱਲ ਸੁਣਨ ਲਈ ਤਿਆਰ ਨਹੀਂ ਹੈ ਤੇ ਕਈ ਵਾਰ ਮੀਟਿੰਗਾਂ ਦਾ ਸਮਾਂ ਦੇ ਕੇ ਮੁਕਰ ਗਈ ਇਸ ਲਈ ਉਹਨਾਂ ਨੂੰ ਪੂਰੇ ਪੰਜਾਬ ਵਿਚ ਅਜਿਹੇ ਸੰਘਰਸ਼ ਮਿੱਥਣੇ ਪਏ ਹਨ।
ਇਸ ਮੋਕੇ, ਹਰਜੰਤ ਸਿੰਘ ਪੰਨਵਾਂ ਪ੍ਰਧਾਨ ਕਰਾਂਤੀਕਾਰੀ ਯੂਨਿਅਨ, ਸੁਖਜਿੰਦਰ ਸਿੰਘ ਮੇਜਰ ਸਿੰਘ ਕਾਜਮਪੁਰ, ਸੱਜਨ ਸਿੰਘ ਕੰਡੀਆ ,ਲਖਵਿੰਦਰ ਸਿੰਘ, ਦਿਲਬਾਗ ਸਿੰਘ ,ਗੁਰਮੀਤ ਸਿੰਘ ਲਖਬੀਰ ਸਿੰਘ, ਬਚਿੱਤਰ ਸਿੰਘ, ਸਰਬਜੀਤ ਸਿੰਘ ਆਦਿ ਵੀ ਹਾਜ਼ਰ ਸਨ।
Powered by Froala Editor
Farmers Selling Milk Staged A Dharna Outside The Milk Plant
