January 30, 2025 08:28:36

Ravneet / Gurdaspur

Repoter..Ravneet

ਗਰੀਬ ਦੀ ਸਾਡੇ ਛੇ ਕਨਾਲ ਕਣਕ ਤੇ ਕਰ ਗਿਆ ਕੋਈ ਸਪਰੇਅ, ਕਹਿੰਦਾ ਇਸੇ ਕਣਕ ਤੋਂ ਪਾਲਦਾ ਸੀ ਟੱਬਰ
ਲੋਕ ਕੁਝ ਗਲਤ ਕਰਨ ਤੋਂ ਪਹਿਲਾਂ ਇਹ ਵੀ ਨਹੀਂ ਸੋਚਦੇ ਕਿ ਉਸਦਾ ਅਸਰ ਕੀ ਹੋਵੇਗਾ ਤੇ ਕਿੰਨਿਆਂ ਨੂੰ ਉਸਦੀ ਸ਼ਰਾਰਤ ਦਾ ਖਾਮਿਆਜਾ ਭੁਗਤਣਾ ਭਰੇਗਾ। ਗੁਰਦਾਸਪੁਰ ਦੇ ਪਿੰਡ ਹਿਆਤ ਨਗਰ ਵਿਖੇ ਇੱਕ ਛੋਟੇ ਜਿਹੇ ਕਿਸਾਨ ਦੀ ਸਾਢੇ ਛੇ ਕਨਾਲ ਕਣਕ ਦੀ ਫਸਲ ਤੇ ਕੋਈ ਸ਼ਰਾਰਤੀ ਅਨਸਰ ਸਪਰੇਅ ਕਰ ਗਿਆ ਤੇ ਸਾਰੀ ਦੀ ਸਾਰੀ ਫਸਲ ਖਰਾਬ ਹੋ ਗਈ ਹੈ। ਕਿਸਾਨ ਸੁਰਜੀਤ ਸਿੰਘ ਦਾ ਕਹਿਣਾ ਹੈ ਕਿ ਉਸਦੀ ਇੰਨੀ ਹੀ ਜਮੀਨ ਹੈ ਅਤੇ ਇਸ ਤੇ ਮਿਹਨਤ ਕਰਕੇ ਇਸਦੀ ਫਸਲ ਤੋਂ ਹੀ ਉਸਦੇ ਪਰਿਵਾਰ ਦਾ ਗੁਜ਼ਾਰਾ ਚੱਲਦਾ ਹੈ ਪਰ ਕਿਸੇ ਸ਼ਰਾਰਤੀ ਅਨਸਰ ਵੱਲੋਂ ਸਾਰੀ ਦੀ ਸਾਰੀ ਫਸਲ ਖਰਾਬ ਕਰ ਦਿੱਤੀ ਗਈ ਹੈ। ਉਸਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਉਹ ਜਦੋਂ ਪੈਲੀ ਵਿੱਚ ਆਇਆ ਸੀ ਤਾਂ ਸਾਰੀ ਫਸਲ ਸਹੀ ਸਲਾਮਤ ਸੀ ਪਰ 26 ਜਨਵਰੀ ਤੋਂ ਬਾਅਦ ਇਹ ਪੀਲੀ ਪੈਣੀ ਸ਼ੁਰੂ ਹੋ ਗਈ ਤਾਂ ਉਸ ਨੇ ਖੇਤੀਬਾੜੀ ਵਿਭਾਗ ਦੇ ਅਧਿਕਾਰੀਆਂ ਨੂੰ ਸੂਚਨਾ ਦਿੱਤੀ ।ਉਹਨਾਂ ਨੇ ਆ ਕੇ ਚੈੱਕ ਕੀਤਾ ਤਾਂ ਪਤਾ ਲੱਗਿਆ ਕਿ ਇਸ ਤੇ ਕਿਸੇ ਵੱਲੋਂ ਸਪਰੇਅ ਕਰ ਦਿੱਤੀ ਗਈ ਹੈ। ਸੁਰਜੀਤ ਸਿੰਘ ਅਤੇ ਉਸ ਦੇ ਪਿੰਡ ਵਾਸੀਆਂ ਨੇ ਪ੍ਰਸ਼ਾਸਨ ਪਾਸੋਂ ਮੁਆਵਜੇ ਦੀ ਮੰਗ ਕੀਤੀ ਹੈ ਤਾਂ ਜੋ‌ ਸੁਰਜੀਤ ਸਿੰਘ ਦੇ ਪਰਿਵਾਰ ਦਾ ਗੁਜ਼ਾਰਾ ਹੋ ਸਕੇ ।