June 26, 2020 00:00:00
Daily Dharaledar / Punjab
ਲੋਕ ਇਨਸਾਫ ਪਾਰਟੀ ਦੇ ਮੁਖੀ ਸਿਮਰਨਜੀਤ ਸਿੰਘ ਬੈਂਸ ਅਤੇ ਬਲਵਿੰਦਰ ਸਿੰਘ ਬੈਂਸ ਕਿਸਾਨ ਬਚਾਓ ਪੰਜਾਬ ਬਚਾਓ ਮੁਹਿਮ ਤਹਿਤ ਸਾਈਕਲ ‘ਤੇ ਪਾਰਟੀ ਵਰਕਰਾਂ ਸਮੇਤ ਕੁਰਾਲੀ ਪਹੁੰਚੇ। ਇਸ ਮੌਕੇ ਗੁਰਪ੍ਰੀਤ ਜਿੰਮੀ ਜ਼ਿਲ੍ਹਾ ਮੁਖੀ ਬੀ ਸੀ ਵਿੰਗ ਲੋਕ ਇਨਸਾਫ ਪਾਰਟੀ ਨੇ ਉਨ੍ਹਾਂ ਦਾ ਫੁੱਲਾਂ ਨਾਲ ਸਵਾਗਤ ਕੀਤਾ। 
ਮੁੱਖ ਮੰਤਰੀ ਅਮਰਿੰਦਰ ਸਿੰਘ -ਤੇ ਨਿਸ਼ਾਨਾ ਸਾਧਦੇ ਹੋਏ ਉਨ੍ਹਾਂ ਕਿਹਾ ਕਿ ਉਹ ਆਪਣੀ ਗੁਫਾ ਵਿਚ ਬੈਠ ਕੇ ਮਿਸ਼ਨ ਫਤਿਹ ਦਾ ਨਾਅਰਾ ਦੇ ਰਹੇ ਹਨ, ਜਦੋਂਕਿ ਖੁਦ ਵਿਦੇਸ਼ੀ ਪਤਵੰਤਿਆਂ ਦੀ ਸੇਵਾ ਵਿਚ ਲੱਗੇ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਮਿਸ਼ਨ ਫਤਹਿ ਦੇ ਨਾਮ ‘ਤੇ ਸਿਹਤ ਮੰਤਰੀ ਅਤੇ ਪ੍ਰਸ਼ਾਸਨ ਸਿਰਫ ਚਾਲਬਾਜ਼ੀ ਕਰ ਰਹੇ ਹਨ। ਉਨ੍ਹਾਂ ਇਹ ਵੀ ਦੋਸ਼ ਲਾਇਆ ਕਿ ਪੰਜਾਬ ਵਿੱਚ ਕੋਰੋਨਾ ਟੈਸਟ ਦਾ ਘਪਲਾ ਕੀਤਾ ਜਾ ਰਿਹਾ ਹੈ। ਸਿਮਰਜੀਤ ਬੈਂਸ ਨੇ ਕਾਂਗਰਸ ਮੰਤਰੀ ਰਵਨੀਤ ਬਿੱਟੂ -ਤੇ ਵੀ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਲੋਕ ਸਭਾ ਵਿਚ ਕੋਈ ਲਾਭ ਨਹੀਂ ਹੈ ਜਾਂ ਉਹ ਮੀਡੀਆ ਵਿਚ ਆਉਣ ਲਈ ਸਿਰਫ ਬੇਤੁਕੀ ਗੱਲਾਂ ਕਰਦੇ ਹਨ।
Daily Dharaledar Online News Views and Reviews
