June 19, 2025
Rajni / Tarntaran
Reporter..Rajni
ਨਸ਼ੇ ਨੇ ਲਈ ਇਕ ਹੋਰ ਨੌਜਵਾਨ ਦੀ ਜਾਨ
ਪੰਜਾਬ 'ਚ ਨਸ਼ਾ ਮੁਕਤ ਅਭਿਆਨ ਦੇ ਬਾਵਜੂਦ ਨਸ਼ੇ ਦੀ ਲਤ ਨੌਜਵਾਨਾਂ ਦੀ ਜਾਨ ਲੈ ਰਹੀ ਹੈ। ਤਾਜ਼ਾ ਮਾਮਲਾ ਤਰਨਤਾਰਨ ਜ਼ਿਲ੍ਹੇ ਦੇ ਪਿੰਡ ਫਤਿਆਬਾਦ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਹੋਰ ਨੌਜਵਾਨ ਨੇ ਨਸ਼ੇ ਦੀ ਉਵਰਡੋਜ਼ ਕਰਕੇ ਆਪਣੀ ਜ਼ਿੰਦਗੀ ਗਵਾ ਦਿੱਤੀ।
25 ਸਾਲਾ ਸੰਜੂ ਕੁਮਾਰ, ਜੋ ਕਿ ਤਿਲਕ ਰਾਜ ਦਾ ਪੁੱਤਰ ਸੀ, ਦੀ ਅਕਸਮਾਤ ਮੌਤ ਨੇ ਪਿੰਡ ਵਿਚ ਸੋਗ ਦੀ ਲਹਿਰ ਦੌੜਾ ਦਿੱਤੀ। ਹੋਰ ਦੁਖਦਾਈ ਗੱਲ ਇਹ ਹੈ ਕਿ ਦੋ ਮਹੀਨੇ ਪਹਿਲਾਂ ਹੀ ਪਰਿਵਾਰ ਨੇ ਆਪਣੇ ਵੱਡੇ ਪੁੱਤ ਸਰਵਨ ਸਿੰਘ ਨੂੰ ਵੀ ਨਸ਼ੇ ਦੀ ਉਵਰਡੋਜ਼ ਕਾਰਨ ਖੋ ਦਿੱਤਾ ਸੀ। ਦੋਵਾਂ ਪੁੱਤਾਂ ਦੀ ਅਚਾਨਕ ਮੌਤ ਨੇ ਪਰਿਵਾਰ 'ਤੇ ਦੁੱਖਾਂ ਦਾ ਪਹਾੜ ਢਾਹ ਦਿੱਤਾ ਹੈ।
ਸੰਜੂ ਦੇ ਪਿਤਾ ਤਿਲਕ ਰਾਜ ਨੇ ਸਰਕਾਰ ਤੇ ਸਿਸਟਮ 'ਤੇ ਗੰਭੀਰ ਇਲਜ਼ਾਮ ਲਾਉਂਦੇ ਹੋਏ ਕਿਹਾ ਕਿ, "ਸਰਕਾਰ ਸਿਰਫ਼ ਕਾਗਜ਼ਾਂ 'ਤੇ ਨਸ਼ਾ ਮੁਕਤ ਪੰਜਾਬ ਦੀਆਂ ਗੱਲਾਂ ਕਰ ਰਹੀ ਹੈ। ਹਕੀਕਤ 'ਚ ਸਾਡੇ ਪਿੰਡ 'ਚ ਨਸ਼ਾ ਹਰੇਕ ਨੁਕੱੜ 'ਤੇ ਉਪਲਬਧ ਹੈ। ਪੁਲਿਸ ਨੂੰ ਸਭ ਕੁਝ ਪਤਾ ਹੋਣ ਦੇ ਬਾਵਜੂਦ ਵੀ ਕੋਈ ਕਾਰਵਾਈ ਨਹੀਂ ਹੁੰਦੀ।"
ਉਨ੍ਹਾਂ ਮੰਗ ਕੀਤੀ ਕਿ ਪਿੰਡ ਅਤੇ ਇਲਾਕੇ 'ਚ ਨਸ਼ੇ ਦੇ ਹੇਠਾਂ ਆ ਰਹੇ ਨੌਜਵਾਨਾਂ ਨੂੰ ਬਚਾਇਆ ਜਾਵੇ ਅਤੇ ਨਸ਼ਾ ਵਾਪਾਰੀਆਂ ਖ਼ਿਲਾਫ਼ ਤੁਰੰਤ ਤੇ ਕੜੀ ਕਾਰਵਾਈ ਕੀਤੀ ਜਾਵੇ।
Powered by Froala Editor
