September 6, 2025
Rajni / Patiala
Reporter..Rajni
ਹੜ੍ਹ ਪ੍ਰਭਾਵਿਤ ਪਿੰਡਾਂ 'ਚ ਬਚਾਅ ਤੇ ਰਾਹਤ ਕਾਰਜਾਂ ਲਈ ਅਧਿਕਾਰੀ ਤੇ ਇੰਜੀਨੀਅਰ ਤਾਇਨਾਤ
ਪਟਿਆਲਾ, 6 ਸਤੰਬਰ 2025 :
ਪਟਿਆਲਾ ਦੇ ਡਿਪਟੀ ਕਮਿਸ਼ਨਰ ਡਾ. ਪ੍ਰੀਤੀ ਯਾਦਵ ਨੇ ਜ਼ਿਲ੍ਹੇ ਦੇ ਹੜ੍ਹ ਪ੍ਰਭਾਵਿਤ ਪਿੰਡਾਂ ਵਿੱਚ ਬਚਾਅ ਅਤੇ ਰਾਹਤ ਕਾਰਜਾਂ ਦੀ ਨਿਗਰਾਨੀ ਲਈ ਪੀ.ਸੀ.ਐਸ. ਅਧਿਕਾਰੀ ਅਤੇ ਕਾਰਜਕਾਰੀ ਇੰਜੀਨੀਅਰਾਂ ਨੂੰ ਤਾਇਨਾਤ ਕੀਤਾ ਹੈ। ਇਹ ਅਧਿਕਾਰੀ ਸਬੰਧਤ ਐਸ.ਡੀ.ਐਮਜ਼ ਨਾਲ ਤਾਲਮੇਲ ਕਰਦੇ ਹੋਏ ਪ੍ਰਭਾਵਿਤ ਖੇਤਰਾਂ ਦਾ ਦੌਰਾ ਕਰਨਗੇ, ਲੋਕਾਂ ਨਾਲ ਰਾਬਤਾ ਕਰਕੇ ਬਚਾਅ ਕਾਰਜਾਂ ਦੀ ਨਿਗਰਾਨੀ ਕਰਣਗੇ। ਡਾ. ਯਾਦਵ ਨੇ ਕਿਹਾ ਕਿ ਇਹ ਆਦੇਸ਼ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਨਿਰਦੇਸ਼ਾਂ ਦੇ ਅਧੀਨ ਜਾਰੀ ਕੀਤੇ ਗਏ ਹਨ।
ਤਾਇਨਾਤ ਅਧਿਕਾਰੀ: ਅਮਰਿੰਦਰ ਸਿੰਘ ਟਿਵਾਣਾ (ਵਧੀਕ ਡਿਪਟੀ ਕਮਿਸ਼ਨਰ) – ਪਾਤੜਾਂ, ਜਸ਼ਨਪ੍ਰੀਤ ਕੌਰ ਗਿੱਲ (ਏ.ਸੀ.ਏ. ਪੀ.ਡੀ.ਏ.) – ਸ਼ੰਭੂ ਤੇ ਘਨੌਰ, ਬਬਨਦੀਪ ਸਿੰਘ ਵਾਲੀਆ (ਰੀਜ਼ਨਲ ਟਰਾਂਸਪੋਰਟ ਅਫ਼ਸਰ) – ਰਾਜਪੁਰਾ, ਮਨਜੀਤ ਸਿੰਘ ਚੀਮਾ (ਸਕੱਤਰ, ਆਰ.ਟੀ.ਏ.) – ਦੂਧਨਸਾਧਾਂ, ਕੰਨੂ ਗਰਗ (ਸਹਾਇਕ ਕਰ ਕਮਿਸ਼ਨਰ) – ਸਨੌਰ, ਨਵਦੀਪ ਕੁਮਾਰ (ਏ.ਐਮ.ਡੀ., ਪੀ.ਆਰ.ਟੀ.ਸੀ.) – ਪਟਿਆਲਾ ਦੀ ਨਦੀ ਪੱਟੀਆਂ
ਤਾਇਨਾਤ ਕਾਰਜਕਾਰੀ ਇੰਜੀਨੀਅਰ: ਅੰਮ੍ਰਿਤਪਾਲ ਸਿੰਘ (ਮੰਡੀ ਬੋਰਡ) – ਰਾਜਪੁਰਾ, ਨਵੀਨ ਮਿੱਤਲ (ਲੋਕ ਨਿਰਮਾਣ ਵਿਭਾਗ) – ਦੂਧਨਸਾਧਾਂ, ਪ੍ਰਭਲੀਨ ਸਿੰਘ ਧੰਜੂ (ਜਲ ਸਪਲਾਈ ਤੇ ਸੈਨੀਟੇਸ਼ਨ) – ਦੂਧਨਸਾਧਾਂ, ਹਰਪ੍ਰੀਤ ਸਿੰਘ ਕਟਾਰੀਆ ਅਤੇ ਪਰਮਜੀਤ ਸਿੰਘ (ਲੋਕ ਨਿਰਮਾਣ ਵਿਭਾਗ) – ਪਾਤੜਾਂ
ਡਾ. ਪ੍ਰੀਤੀ ਯਾਦਵ ਨੇ ਕਿਹਾ ਕਿ ਇਹ ਅਧਿਕਾਰੀ ਪਿੰਡ ਵਾਸੀਆਂ ਅਤੇ ਪ੍ਰਸ਼ਾਸਨ ਦਰਮਿਆਨ ਸਿੱਧਾ ਸੰਪਰਕ ਬਣਾਉਣਗੇ ਤਾਂ ਜੋ ਹੜ੍ਹ ਪ੍ਰਭਾਵਿਤ ਲੋਕ ਆਪਣੀਆਂ ਸਮੱਸਿਆਵਾਂ ਬਿਨਾ ਰੁਕਾਵਟ ਸਾਂਝੀਆਂ ਕਰ ਸਕਣ ਅਤੇ ਫੌਰੀ ਹੱਲ ਮੁਹੱਈਆ ਕਰਵਾਇਆ ਜਾ ਸਕੇ।
Powered by Froala Editor
