September 30, 2025
S M Singh / Chandigarh
ਧੜੱਲੇਦਾਰ ਬਿਊਰੋ
ਆਂਗਣਵਾੜੀ ਵਰਕਰਾਂ ਤੇ ਹੈਲਪਰਾਂ ਦੀ ਮਾਣਭੱਤਾ ਨਾ ਮਿਲਣ ਤੇ ਮੁੱਖ ਦਫਤਰ ਸਾਹਮਣੇ ਰੋਸ ਪ੍ਰਦਰਸ਼ਨ
ਚੰਡੀਗੜ੍ਹ, 30 ਸਤੰਬਰ 2025 :
ਮੁੱਖ ਦਫਤਰ ਅੱਗੇ ਧਰਨਾ ਦਿੱਤਾ ਜਾਵੇਗਾ ਕਿਉਂਕਿ ਛੇ ਮਹੀਨਿਆਂ ਤੋਂ ਆਂਗਣਵਾੜੀ ਵਰਕਰਾਂ ਤੇ ਹੈਲਪਰਾਂ ਨੂੰ ਮਾਣਭੱਤਾ ਨਹੀਂ ਮਿਲਿਆ। ਆਲ ਪੰਜਾਬ ਆਂਗਣਵਾੜੀ ਮੁਲਾਜ਼ਮ ਯੂਨੀਅਨ ਦੀ ਪ੍ਰਧਾਨ ਹਰਗੋਬਿੰਦ ਕੌਰ ਨੇ ਦੱਸਿਆ ਕਿ ਸਰਕਾਰ ਵੱਲੋਂ ਕੇਂਦਰ ਸਰਕਾਰ ਦੇ ਮਾਣਭੱਤੇ ਦਾ ਹਿੱਸਾ ਨਹੀਂ ਦਿੱਤਾ ਗਿਆ, ਜਿਸ ਕਾਰਨ ਵਰਕਰਾਂ ਵਿੱਚ ਭਾਰੀ ਬੇਚੈਨੀ ਹੈ। ਪਿਛਲੇ ਦੋ ਮਹੀਨਿਆਂ ਤੋਂ ਮੁੱਖ ਦਫਤਰ ਨਾਲ ਗੱਲਬਾਤ ਹੋ ਰਹੀ ਹੈ ਪਰ ਨਤੀਜਾ ਨਾ ਨਿਕਲਣ ਕਾਰਨ ਧਰਨਾ ਲਾਜ਼ਮੀ ਹੋ ਗਿਆ।
ਵਰਕਰਾਂ ਨੂੰ ਆਪਣੇ ਮੁੱਖ ਕੰਮ ਦੇ ਨਾਲ-ਨਾਲ ਫੂਡ ਸਪਲਾਈ ਵਿਭਾਗ ਦੇ ਕੰਮ ਵੀ ਸੌਂਪੇ ਗਏ ਹਨ, ਜਿਵੇਂ ਰਾਸ਼ਨ ਲੈਣ ਵਾਲਿਆਂ ਦੀ E-KYC ਅਤੇ ਐਫ ਆਰ ਐਸ। ਸਮਾਰਟ ਫੋਨ ਅਤੇ ਪੂਰਾ ਰੀਚਾਰਜ ਭੱਤਾ ਨਹੀਂ ਮਿਲਣ ਕਾਰਨ ਉਹ ਮੁੜ ਮਜਬੂਰ ਹੋਏ ਹਨ। ਜੇਕਰ ਇੱਕ ਅਕਤੂਬਰ ਤੱਕ ਮਸਲੇ ਦਾ ਹੱਲ ਨਾ ਹੋਇਆ, ਤਾਂ ਯੂਨੀਅਨ ਆਗੂ ਵਿਭਾਗੀ ਮੰਤਰੀ ਦਾ ਘਿਰਾਓ ਕਰਨਗੇ, ਜਿਸ ਦੀ ਜਿੰਮੇਵਾਰੀ ਸਰਕਾਰ ਉੱਤੇ ਹੋਵੇਗੀ।
Powered by Froala Editor
