October 2, 2025
S M Singh / Chandigarh
ਧੜੱਲੇਦਾਰ ਬਿਊਰੋ
ਪੰਜਾਬ ਵਿੱਚ ਜੀਐਸਟੀ ਪ੍ਰਾਪਤੀਆਂ ਵਿੱਚ 22% ਵਾਧਾ
ਚੰਡੀਗੜ੍ਹ, 2 ਅਕਤੂਬਰ 2025 :
ਪੰਜਾਬ ਸਰਕਾਰ ਨੇ ਮੌਜੂਦਾ ਵਿੱਤੀ ਸਾਲ ਦੇ ਪਹਿਲੇ ਛੇ ਮਹੀਨਿਆਂ (ਅਪ੍ਰੈਲ-ਸਤੰਬਰ 2025) ਵਿੱਚ 13,971 ਕਰੋੜ ਰੁਪਏ ਜੀਐਸਟੀ ਪ੍ਰਾਪਤ ਕੀਤੇ, ਜੋ ਪਿਛਲੇ ਸਾਲ ਦੇ 11,418 ਕਰੋੜ ਰੁਪਏ ਨਾਲੋਂ 22.35% ਵੱਧ ਹੈ। ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਨੇ ਇਸ ਵਾਧੇ ਨੂੰ ਸੂਬੇ ਦੀ ਮਜ਼ਬੂਤ ਆਰਥਿਕ ਯੋਜਨਾਬੰਦੀ ਅਤੇ ਕਾਰਗੁਜ਼ਾਰੀ ਦਾ ਨਤੀਜਾ ਦੱਸਿਆ। ਇਸ ਦੌਰਾਨ ਵੈਟ, ਸੀਐਸਟੀ ਅਤੇ ਪੰਜਾਬ ਰਾਜ ਵਿਕਾਸ ਟੈਕਸ ਵਿੱਚ ਵੀ ਲਗਭਗ 10-11% ਦਾ ਉਤਸ਼ਾਹਜਨਕ ਵਾਧਾ ਦਰਜ ਹੋਇਆ।
ਟੈਕਸ ਚੋਰੀ ਰੋਕਣ ਲਈ ਲਾਗੂ ਕੀਤੀਆਂ ਕਾਰਵਾਈਆਂ ਅਤੇ ਐਸ.ਆਈ.ਪੀ.ਯੂ. ਦੇ ਨਾਕਿਆਂ ਰਾਹੀਂ ਨਿਰੀਖਣ ਨਾਲ 355.72 ਕਰੋੜ ਰੁਪਏ ਵਸੂਲੀ ਕੀਤੇ ਗਏ, ਜੋ ਪਿਛਲੇ ਸਾਲ ਦੇ ਮੁਕਾਬਲੇ 134% ਵਾਧਾ ਹੈ। ਵਿੱਤ ਮੰਤਰੀ ਨੇ ਕਿਹਾ ਕਿ ਇਸ ਪ੍ਰਦਰਸ਼ਨ ਨਾਲ ਪੰਜਾਬ ਜੀਐਸਟੀ ਵਿੱਚ ਅੱਗੇ ਵਧਣ ਵਾਲੇ ਰਾਜਾਂ ਵਿੱਚ ਸ਼ਾਮਲ ਹੋਇਆ ਹੈ, ਅਤੇ ਮੁਸ਼ਕਲ ਆਰਥਿਕ ਸਥਿਤੀਆਂ ਦੇ ਬਾਵਜੂਦ ਰਿਕਾਰਡ ਤੋੜ ਨਤੀਜੇ ਪ੍ਰਾਪਤ ਕੀਤੇ ਗਏ।
Powered by Froala Editor
22
