November 14, 2025 12:37:10

Rajni / Shambhu

ਧੜੱਲੇਦਾਰ ਬਿਊਰੋ ਸ਼ੰਭੂ ਸਰਹੱਦ ‘ਤੇ ਤਣਾਅ, ਕਿਸਾਨ ਯੂਨੀਅਨਾਂ ਦਾ ਦਿੱਲੀ ਮਾਰਚ ਅੱਜ ਤੋਂ ਸ਼ੁਰੂ ਸ਼ੰਭੂ, 14 ਨਵੰਬਰ 2025 : ਫ਼ਿਲਹਾਲ ਸ਼ੰਭੂ ਸਰਹੱਦ ‘ਤੇ ਤਣਾਅ ਵਾਲਾ ਦ੍ਰਿਸ਼ ਬਣਿਆ ਹੈ, ਕਿਉਂਕਿ ਕੌਮੀ ਇਨਸਾਫ਼ ਮੋਰਚਾ ਅਤੇ ਕਈ ਕਿਸਾਨ ਯੂਨੀਅਨਾਂ ਨੇ ਅੱਜ ਦਿੱਲੀ ਵੱਲ ਰਵਾਨਾ ਹੋਣ ਦੀ ਘੋਸ਼ਣਾ ਕੀਤੀ ਹੈ। ਸਵੇਰੇ 10 ਵਜੇ ਤੈਅ ਸਮੇਂ ‘ਤੇ ਜਥੇ ਇਕੱਠੇ ਹੋਣਗੇ ਅਤੇ ਸਿੱਖ ਕੈਦੀਆਂ ਦੀ ਰਿਹਾਈ ਦੀ ਮੰਗ ਨੂੰ ਲੈ ਕੇ ਮਾਰਚ ਸ਼ੁਰੂ ਕੀਤਾ ਜਾਵੇਗਾ। ਇਸ ਹਲਚਲ ਨੂੰ ਦੇਖਦੇ ਹੋਏ ਪੁਲਿਸ ਨੇ ਟ੍ਰੈਫ਼ਿਕ ਲਈ ਵੱਡੇ ਪੱਧਰ ‘ਤੇ ਬਦਲਾਅ ਕੀਤੇ ਹਨ ਅਤੇ 14 ਨਵੰਬਰ ਨੂੰ ਰਾਜਪੁਰਾ-ਅੰਬਾਲਾ ਹਾਈਵੇਅ ਸ਼ਾਮ 6 ਵਜੇ ਤੱਕ ਬੰਦ ਰੱਖਣ ਦੀਆਂ ਹਦਾਇਤਾਂ ਜਾਰੀ ਕੀਤੀਆਂ ਹਨ। ਚਾਲਕਾਂ ਲਈ ਕਈ ਰਸਤੇ ਤੈਅ ਕੀਤੇ ਗਏ ਹਨ, ਜਿਨ੍ਹਾਂ ਵਿੱਚ ਬਨੂੜ, ਜ਼ੀਰਕਪੁਰ, ਡੇਰਾਬੱਸੀ ਅਤੇ ਘਨੌਰ ਰਾਹੀਂ ਅੰਬਾਲਾ ਪਹੁੰਚਣ ਦੇ ਵਿਕਲਪ ਸ਼ਾਮਲ ਹਨ। ਫਤਿਹਗੜ੍ਹ ਸਾਹਿਬ, ਪਟਿਆਲਾ ਅਤੇ ਰਾਜਪੁਰਾ ਪਾਸੋਂ ਆਉਣ ਵਾਲਿਆਂ ਲਈ ਵੀ ਵੱਖ-ਵੱਖ ਡਾਇਵਰਸ਼ਨ ਲਾਏ ਗਏ ਹਨ, ਤਾਂ ਜੋ ਮਾਰਚ ਕਾਰਨ ਬਣ ਰਹੀ ਭੀੜ ਤੋਂ ਬਚਿਆ ਜਾ ਸਕੇ।