ਧੜੱਲੇਦਾਰ ਬਿਊਰੋ ਲੁਧਿਆਣਾ ਵਿਚ ਗੈਸ ਲੀਕ ਨਾਲ ਲੱਗੀ ਅੱਗ, ਚਾਰ ਜ਼ਖਮੀ ਲੁਧਿਆਣਾ, 14 ਨਵੰਬਰ 2025 : ਲੁਧਿਆਣਾ ਵਿੱਚ ਇੱਕ ਕਮਰੇ ਵਿਚ ਗੈਸ ਪਾਈਪ ਲੀਕ ਹੋਣ ਨਾਲ ਅੱਗ ਭੜਕ ਉੱਠੀ, ਜਿਸ ਵਿਚ ਇੱਕ ਵਿਅਕਤੀ ਅਤੇ ਤਿੰਨ ਬੱਚੇ ਬੁਰੀ ਤਰ੍ਹਾਂ ਸੜ ਗਏ। ਮੌਕੇ ‘ਤੇ ਮੌਜੂਦ ਲੋਕਾਂ ਨੇ ਚੀਕਾਂ ਸੁਣ ਕੇ ਜ਼ਖਮੀਆਂ ਨੂੰ ਬਾਹਰ ਕੱਢਿਆ ਅਤੇ ਸਿਵਲ ਹਸਪਤਾਲ ਪਹੁੰਚਾਇਆ। ਪਰਿਵਾਰ ਦੇ ਮੁਤਾਬਕ, ਵਿਕਾਸ ਨਾਂ ਦਾ ਨੌਜਵਾਨ ਖਾਣਾ ਬਣਾ ਰਿਹਾ ਸੀ, ਜਦੋਂ ਲੀਕ ਹੋਈ ਗੈਸ ਨੇ ਚੁੱਲ੍ਹਾ ਜਲਾਉਂਦੇ ਹੀ ਅੱਗ ਫੜ ਲਈ। ਕਮਰੇ ਵਿੱਚ ਧਮਾਕਾ ਵੀ ਹੋਇਆ, ਜਿਸ ਕਾਰਨ ਧੂੰਆ ਫੈਲ ਗਿਆ ਅਤੇ ਚਾਰਾਂ ਨੂੰ ਗੰਭੀਰ ਚੋਟਾਂ ਆਈਆਂ।