Reporter.. S M Singh SGPC ਦਾ ਯੂਟਿਊਬ ਅਕਾਊਂਟ ਹੋਇਆ ਬੰਦ ! ਅੰਮ੍ਰਿਤਸਰ, 20 ਨਵੰਬਰ 2025 : ਯੂਟਿਊਬ ਨੇ SGPC ਦੇ ਅਧਿਕਾਰਤ ਚੈਨਲ ਨੂੰ ਇੱਕ ਹਫ਼ਤੇ ਲਈ ਰੋਕ ਦਿੱਤਾ ਹੈ, ਕਿਉਂਕਿ ਉਸਦੀ ਪੁਰਾਣੀ ਅਪਲੋਡ ਕੀਤੀ ਇੱਕ ਵੀਡੀਓ ਨੂੰ ਨੀਤੀ ਦੇ ਖ਼ਿਲਾਫ਼ ਮੰਨਿਆ ਗਿਆ। ਇਹ ਕਾਰਵਾਈ 19 ਨਵੰਬਰ ਨੂੰ ਉਸ ਵੇਲੇ ਹੋਈ ਜਦੋਂ ਚੈਨਲ ਸ੍ਰੀ ਹਰਿਮੰਦਰ ਸਾਹਿਬ ਤੋਂ ਰੋਜ਼ਾਨਾ ਰਹਿਰਾਸ ਸਾਹਿਬ ਦਾ ਪ੍ਰਸਾਰਣ ਕਰ ਰਿਹਾ ਸੀ। 31 ਅਕਤੂਬਰ ਦੀ ਵੀਡੀਓ ਵਿੱਚ ਇੱਕ ਪ੍ਰਚਾਰਕ ਨੇ ਸਿੱਖ ਇਤਿਹਾਸ ਅਤੇ 1984 ਦੀਆਂ ਘਟਨਾਵਾਂ ਬਾਰੇ ਗੱਲ ਕੀਤੀ ਸੀ, ਜਿਸਨੂੰ ਯੂਟਿਊਬ ਨੇ ਨੀਤੀ ਉਲੰਘਣਾ ਕਰਾਰ ਦਿੱਤਾ। SGPC ਨੇ ਯੂਟਿਊਬ ਨੂੰ ਸਪੱਸ਼ਟੀਕਰਨ ਭੇਜ ਦਿੱਤਾ ਹੈ ਅਤੇ ਜਵਾਬ ਦੀ ਉਡੀਕ ਕਰ ਰਹੀ ਹੈ। ਇਸ ਦਰਮਿਆਨ, ਕਮੇਟੀ ਨੇ ਸੰਗਤ ਨੂੰ ਰੋਜ਼ਾਨਾ ਗੁਰਬਾਣੀ ਦੀ ਲਾਈਵ ਸਟ੍ਰੀਮਿੰਗ ਲਈ ਆਪਣੇ ਦੂਜੇ ਅਧਿਕਾਰਤ ਚੈਨਲ ਨਾਲ ਜੁੜਨ ਲਈ ਕਿਹਾ ਹੈ।

Sgpc