ਧੜੱਲੇਦਾਰ ਬਿਊਰੋ ਨਵਰੀਤ ਕੌਰ ਨੇ ਮਾਲੇਰਕੋਟਲਾ ਵਿੱਚ ਏਡੀਸੀ ਵਜੋਂ ਚਾਰਜ ਸੰਭਾਲਿਆ ਮਾਲੇਰਕੋਟਲਾ, 29 ਨਵੰਬਰ 2025 : ਨਵਰੀਤ ਕੌਰ ਨੇ ਮਾਲੇਰਕੋਟਲਾ ਵਿੱਚ ਵਧੀਕ ਡਿਪਟੀ ਕਮਿਸ਼ਨਰ ਵਜੋਂ ਚਾਰਜ ਸੰਭਾਲ ਲਿਆ ਹੈ। ਉਹ ਪਹਿਲਾਂ ਪਟਿਆਲਾ ਵਿੱਚ ਏਡੀਸੀ (ਅਰਬਨ ਡਿਵੈਲਪਮੈਂਟ) ਦੇ ਤੌਰ ‘ਤੇ ਡਿਊਟੀ ਕਰ ਰਹੀ ਸੀ ਅਤੇ ਐਸਡੀਐਮ ਸੰਗਰੂਰ ਤੇ ਅਸਿਸਟੈਂਟ ਕਮਿਸ਼ਨਰ ਰੂਪਨਗਰ ਵਜੋਂ ਵੀ ਤਜਰਬਾ ਰੱਖਦੀ ਹੈ। ਨਵਰੀਤ ਕੌਰ ਦਾ ਕਹਿਣਾ ਹੈ ਕਿ ਜ਼ਿਲ੍ਹੇ ਵਿੱਚ ਲੋਕਾਂ ਨੂੰ ਸੁਚੱਜੀਆਂ ਅਤੇ ਤੇਜ਼ ਪ੍ਰਸ਼ਾਸਨਿਕ ਸੇਵਾਵਾਂ ਦੇਣਾ ਉਨ੍ਹਾਂ ਦੀ ਪ੍ਰਾਥਮਿਕਤਾ ਰਹੇਗੀ। ਉਹ ਸਰਕਾਰ ਦੀਆਂ ਯੋਜਨਾਵਾਂ ਨੂੰ ਹਰ ਯੋਗ ਵਿਅਕਤੀ ਤੱਕ ਪਹੁੰਚਾਉਣ ਲਈ ਕੰਮ ਕਰਨਗੇ ਅਤੇ ਅਧਿਕਾਰੀਆਂ ਨੂੰ ਇਮਾਨਦਾਰੀ ਅਤੇ ਤਨਦੇਹੀ ਨਾਲ ਆਪਣੀਆਂ ਜ਼ਿੰਮੇਵਾਰੀਆਂ ਨਿਭਾਉਣ ਦੀ ਹਦਾਇਤ ਦਿੱਤੀ ਹੈ।