June 1, 2026 18:07:39

Dharaledar Bureau / Mansa

ਮਾਨਸਾ, 1 ਜੂਨ: ਪੰਜਾਬ ਦੀ ਡਾਇਰੈਕਟਰ ਜਨਗਣਨਾ ਕਾਰਵਾਈਆਂ ਡਾ. ਨਵਜੋਤ ਖੋਸਾ (ਆਈਏਐਸ) ਨੇ ਮਾਨਸਾ ਵਿਖੇ ਜਨਗਣਨਾ 2027 ਦੇ ਪਹਿਲੇ ਪੜਾਅ ‘ਘਰ ਸੂਚੀਕਰਨ ਅਤੇ ਰਿਹਾਇਸ਼ੀ ਗਿਣਤੀ’ (HLO) ਦੀ ਪ੍ਰਗਤੀ ਦਾ ਜਾਇਜ਼ਾ ਲਿਆ। ਇਸ ਮੌਕੇ ਡਿਪਟੀ ਕਮਿਸ਼ਨਰ ਨਵਜੋਤ ਕੌਰ, ਵਧੀਕ ਡਿਪਟੀ ਕਮਿਸ਼ਨਰ ਸਿਮਰਪ੍ਰੀਤ ਕੌਰ ਅਤੇ ਹੋਰ ਅਧਿਕਾਰੀ ਹਾਜ਼ਰ ਸਨ। ਸਮੀਖਿਆ ਦੌਰਾਨ ਡਾ. ਖੋਸਾ ਨੇ ਜ਼ਿਲ੍ਹੇ ਵਿੱਚ ਤਾਇਨਾਤ 1,285 ਐਨੂਮਰੇਟਰਾਂ ਅਤੇ 208 ਸੁਪਰਵਾਈਜ਼ਰਾਂ ਵੱਲੋਂ ਕੀਤੇ ਜਾ ਰਹੇ ਕੰਮ ਦੀ ਪ੍ਰਸ਼ੰਸਾ ਕਰਦਿਆਂ ਬਾਕੀ ਰਹਿੰਦੇ ਕਾਰਜ ਜੂਨ ਦੇ ਦੂਜੇ ਹਫ਼ਤੇ ਤੋਂ ਪਹਿਲਾਂ ਮੁਕੰਮਲ ਕਰਨ ਦੇ ਨਿਰਦੇਸ਼ ਦਿੱਤੇ। ਉਨ੍ਹਾਂ ਨੇ ਕਿਹਾ ਕਿ ਡਾਟਾ ਦੀ ਸ਼ੁੱਧਤਾ ਅਤੇ ਗੁਣਵੱਤਾ ਯਕੀਨੀ ਬਣਾਉਣ ਲਈ ਨਿਯਮਤ ਨਿਗਰਾਨੀ ਅਤੇ ਫੀਲਡ ਜਾਂਚਾਂ ਬਹੁਤ ਜ਼ਰੂਰੀ ਹਨ। ਡਾ. ਖੋਸਾ ਨੇ ਮਾਨਸਾ ਸ਼ਹਿਰ ਦੇ ਅਰਵਿੰਦ ਨਗਰ ਅਤੇ ਪਿੰਡ ਖਿਆਲਾ ਕਲਾਂ ਵਿੱਚ ਫੀਲਡ ਇੰਸਪੈਕਸ਼ਨ ਕਰਕੇ ਚੱਲ ਰਹੇ ਜਨਗਣਨਾ ਕਾਰਜਾਂ ਦਾ ਮੁਆਇਨਾ ਵੀ ਕੀਤਾ। ਉਨ੍ਹਾਂ ਨੇ HLO ਮੋਬਾਈਲ ਐਪ ਰਾਹੀਂ ਕੀਤੀ ਜਾ ਰਹੀ ਡਿਜ਼ੀਟਲ ਡਾਟਾ ਇਕੱਤਰਤਾ ‘ਤੇ ਸੰਤੁਸ਼ਟੀ ਜ਼ਾਹਿਰ ਕੀਤੀ ਅਤੇ ਕਰਮਚਾਰੀਆਂ ਦੀ ਮਿਹਨਤ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਡਾ. ਖੋਸਾ ਨੇ ਸਮੇਂ ਸਿਰ ਅਤੇ ਸਹੀ ਢੰਗ ਨਾਲ ਕੰਮ ਮੁਕੰਮਲ ਕਰਨ ਵਾਲੇ 9 ਐਨੂਮਰੇਟਰਾਂ ਅਤੇ ਉਨ੍ਹਾਂ ਦੇ ਚਾਰਜ ਅਫ਼ਸਰਾਂ ਨੂੰ ਸਨਮਾਨਿਤ ਵੀ ਕੀਤਾ। ਡਿਪਟੀ ਕਮਿਸ਼ਨਰ ਨਵਜੋਤ ਕੌਰ ਨੇ ਭਰੋਸਾ ਦਿਵਾਇਆ ਕਿ 15 ਮਈ ਤੋਂ 13 ਜੂਨ 2026 ਤੱਕ ਚੱਲ ਰਹੀ ਜਨਗਣਨਾ 2027 ਦੇ ਪਹਿਲੇ ਪੜਾਅ ਦੀਆਂ ਸਾਰੀਆਂ ਗਤੀਵਿਧੀਆਂ ਨਿਰਧਾਰਤ ਸਮੇਂ ਅੰਦਰ ਸਫਲਤਾਪੂਰਵਕ ਪੂਰੀਆਂ ਕਰ ਲਈਆਂ ਜਾਣਗੀਆਂ।Hashtags #Mansa #PunjabNews #Census2027 #Punjab #LatestNews #BreakingNews #MansaNews #NavjotKhosa #IAS #CensusOperations #PunjabGovernment #GovernmentNews #DistrictAdministration #NewsUpdate #DDCOnline #PunjabUpdates #TrendingNews #PublicAdministration #DigitalCensus #IndiaNews #LatestUpdate #TopStory #PunjabHeadline #OfficialNews #Governance #PublicService #WebNews #NewsToday #PunjabToday #DevelopmentNews

Census