October 31, 2025 12:23:58

Bhavika / Melbourne

ਧੜੱਲੇਦਾਰ ਬਿਊਰੋ

ਆਸਟ੍ਰੇਲੀਆ ਨੇ ਭਾਰਤ ਨੂੰ 4 ਵਿਕਟਾਂ ਨਾਲ ਹਰਾਇਆ

ਮੈਲਬੌਰਨ, 31 ਅਕਤੂਬਰ, 2025 :

ਮੈਲਬੌਰਨ ਵਿੱਚ ਖੇਡੇ ਗਏ ਦੂਜੇ T20 ਮੈਚ ਵਿੱਚ ਭਾਰਤ ਨੂੰ ਆਸਟ੍ਰੇਲੀਆ ਨੇ 4 ਵਿਕਟਾਂ ਨਾਲ ਹਰਾ ਦਿੱਤਾ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਟੀਮ ਇੰਡੀਆ ਸਿਰਫ਼ 125 ਦੌੜਾਂ ‘ਤੇ ਢੇਰ ਹੋ ਗਈ, ਜਿੱਥੇ ਸ਼ੁਰੂਆਤੀ ਕ੍ਰਮ ਬਿਲਕੁਲ ਨਾਕਾਮ ਰਿਹਾ। ਪਾਵਰਪਲੇ ‘ਚ ਹੀ 4 ਵਿਕਟਾਂ ਡਿੱਗ ਗਈਆਂ, ਤੇ 9 ਬੱਲੇਬਾਜ਼ ਦਹਾਈ ਦਾ ਅੰਕੜਾ ਵੀ ਨਾ ਛੂਹ ਸਕੇ। ਸਿਰਫ਼ ਅਭਿਸ਼ੇਕ ਸ਼ਰਮਾ ਨੇ 68 ਤੇ ਹਰਸ਼ਿਤ ਰਾਣਾ ਨੇ 35 ਦੌੜਾਂ ਬਣਾਕੇ ਸਕੋਰ ਬਚਾਇਆ। ਆਸਟ੍ਰੇਲੀਆਈ ਗੇਂਦਬਾਜ਼ ਜੋਸ਼ ਹੇਜ਼ਲਵੁੱਡ ਨੇ 3 ਵਿਕਟਾਂ ਲਈਆਂ। ਟੀਚਾ ਪੂਰਾ ਕਰਦਿਆਂ ਕੰਗਾਰੂ ਟੀਮ ਨੇ 13.2 ਓਵਰਾਂ ‘ਚ ਹੀ ਜਿੱਤ ਦਰਜ ਕੀਤੀ। ਵਰੁਣ ਚੱਕਰਵਰਤੀ, ਕੁਲਦੀਪ ਤੇ ਬੁਮਰਾਹ ਦੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਭਾਰਤ ਮੈਚ ਬਚਾ ਨਾ ਸਕਿਆ।

4