Reporter..Rajni

1 ਨਵੰਬਰ ਤੋਂ ਆਧਾਰ ਕਾਰਡ ਦੇ ਨਵੇਂ ਨਿਯਮ ਲਾਗੂ

ਨਵੀਂ ਦਿੱਲੀ, 30 ਅਕਤੂਬਰ 2025 :

UIDAI ਵੱਲੋਂ 1 ਨਵੰਬਰ 2025 ਤੋਂ ਆਧਾਰ ਕਾਰਡ ਨਾਲ ਜੁੜੇ ਤਿੰਨ ਨਵੇਂ ਨਿਯਮ ਲਾਗੂ ਕੀਤੇ ਜਾ ਰਹੇ ਹਨ, ਜਿਹੜੇ ਸਿੱਧੇ ਆਮ ਲੋਕਾਂ ਨੂੰ ਪ੍ਰਭਾਵਿਤ ਕਰਨਗੇ। ਹੁਣ ਆਧਾਰ ਕਾਰਡ ਦੀ ਜਾਣਕਾਰੀ—ਜਿਵੇਂ ਨਾਮ, ਪਤਾ, ਜਨਮ ਮਿਤੀ ਅਤੇ ਮੋਬਾਇਲ ਨੰਬਰ—ਘਰ ਬੈਠੇ ਹੀ ਆਨਲਾਈਨ ਅਪਡੇਟ ਕੀਤੀ ਜਾ ਸਕੇਗੀ। ਇਸ ਲਈ ਕੇਂਦਰ ਜਾਣ ਦੀ ਲੋੜ ਨਹੀਂ ਹੋਵੇਗੀ, ਪਰ ਬਾਇਓਮੈਟ੍ਰਿਕ ਤਬਦੀਲੀ ਲਈ ਅਜੇ ਵੀ ਸੈਂਟਰ ਵਿਜ਼ਿਟ ਕਰਨਾ ਪਵੇਗਾ। UIDAI ਹੋਰ ਸਰਕਾਰੀ ਡੇਟਾਬੇਸ ਨਾਲ ਡੇਟਾ ਵੇਰੀਫਾਈ ਕਰੇਗਾ, ਜਿਸ ਨਾਲ ਦਸਤਾਵੇਜ਼ਾਂ ਦੀ ਪ੍ਰਕਿਰਿਆ ਆਸਾਨ ਹੋ ਜਾਵੇਗੀ।

ਇਸ ਦੇ ਨਾਲ ਹੀ PAN ਕਾਰਡ ਨਾਲ ਆਧਾਰ ਲਿੰਕ ਕਰਨਾ ਲਾਜ਼ਮੀ ਹੋ ਗਿਆ ਹੈ। 31 ਦਸੰਬਰ 2025 ਤੱਕ ਨਾ ਕਰਨ ‘ਤੇ 1 ਜਨਵਰੀ 2026 ਤੋਂ PAN ਇਨਐਕਟਿਵ ਹੋ ਸਕਦਾ ਹੈ। ਫੀਸਾਂ ਵਿੱਚ ਵੀ ਤਬਦੀਲੀ ਕੀਤੀ ਗਈ ਹੈ—ਆਧਾਰ ਅਪਡੇਟ ਲਈ 75 ਰੁਪਏ, ਬਾਇਓਮੈਟ੍ਰਿਕ ਲਈ 125 ਰੁਪਏ ਅਤੇ ਘਰ ਵਿਜ਼ਿਟ ਸੇਵਾ ਲਈ 700 ਰੁਪਏ ਤੈਅ ਕੀਤੇ ਗਏ ਹਨ। ਬੱਚਿਆਂ ਲਈ ਬਾਇਓ ਅਪਡੇਟ ਅਜੇ ਵੀ ਮੁਫ਼ਤ ਰਹੇਗਾ।

Powered by Froala Editor

1