ਧੜੱਲੇਦਾਰ ਬਿਊਰੋ ਬਠਿੰਡਾ ਸੈਸ਼ਨਜ਼ ਅਦਾਲਤ ਨੇ ਬਰਖਾਸਤ ਕਾਂਸਟੇਬਲ ਅਮਨਦੀਪ ਕੌਰ ‘ਤੇ ਭ੍ਰਿਸ਼ਟਾਚਾਰ ਦੇ ਦੋਸ਼ ਤੈਅ ਕੀਤੇ ਬਠਿੰਡਾ, 4 ਦਸੰਬਰ 2025 : ਬਠਿੰਡਾ ਅਦਾਲਤ ਨੇ ਬਰਖਾਸਤ ਸੀਨੀਅਰ ਕਾਂਸਟੇਬਲ ਅਮਨਦੀਪ ਕੌਰ ‘ਤੇ ਭ੍ਰਿਸ਼ਟਾਚਾਰ ਦੇ ਦੋਸ਼ ਤੈਅ ਕਰ ਦਿੱਤੇ ਹਨ। ਵਿਜੀਲੈਂਸ ਬਿਊਰੋ ਹੁਣ ਅਗਲੀ ਸੁਣਵਾਈ, 21 ਜਨਵਰੀ ਨੂੰ, ਉਸਦੇ ਖ਼ਿਲਾਫ ਸਬੂਤ ਪੇਸ਼ ਕਰੇਗਾ। ਜਾਂਚ ਵਿੱਚ ਸਾਹਮਣੇ ਆਇਆ ਕਿ 2018 ਤੋਂ 2025 ਦੇ ਦਰਮਿਆਨ ਉਸਦਾ ਖਰਚ ਉਸਦੀ ਮੰਨੀ ਜਾਂਦੀ ਆਮਦਨ ਤੋਂ ਕਾਫੀ ਵੱਧ ਸੀ, ਜਿਸ ਕਰਕੇ ਉਸ ‘ਤੇ ਭ੍ਰਿਸ਼ਟਾਚਾਰ ਵਿਰੋਧੀ ਕਾਨੂੰਨ ਤਹਿਤ ਕਾਰਵਾਈ ਹੋਈ। ਇਸ ਤੋਂ ਪਹਿਲਾਂ, 2 ਅਪ੍ਰੈਲ ਨੂੰ ਉਸਦੀ ਥਾਰ ਗੱਡੀ ਤੋਂ ਹੈਰੋਇਨ ਮਿਲਣ ‘ਤੇ ਉਸਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਅਗਲੇ ਦਿਨ ਨੌਕਰੀ ਤੋਂ ਵੀ ਬਰਖਾਸਤ ਕਰ ਦਿੱਤਾ ਗਿਆ ਸੀ। ਵਿਜੀਲੈਂਸ ਕੇਸ ਦਰਜ ਹੋਣ ਤੋਂ ਬਾਅਦ ਉਸਦੀ ਕੋਠੀ, ਗੱਡੀਆਂ ਅਤੇ ਹੋਰ ਸਮਾਨ ਸਮੇਤ ਕ੍ਰੀਬ 1.35 ਕਰੋੜ ਦੀ ਸੰਪਤੀ ਨੂੰ ਪੁਲਿਸ ਵੱਲੋਂ ਫ਼ਰੀਜ਼ ਕੀਤਾ ਗਿਆ। ਸੋਸ਼ਲ ਮੀਡੀਆ ‘ਤੇ ਲਗਜ਼ਰੀ ਲਾਈਫਸਟਾਈਲ ਕਾਰਨ ਚਰਚਾ ਵਿੱਚ ਰਹਿਣ ਵਾਲੀ ਅਮਨਦੀਪ ਕੌਰ ਨੂੰ ਦੋਨਾਂ ਮਾਮਲਿਆਂ ‘ਚ ਜਮਾਨਤ ਮਿਲ ਚੁੱਕੀ ਹੈ, ਪਰ ਕਾਨੂੰਨੀ ਕਾਰਵਾਈ ਹਾਲੇ ਵੀ ਜਾਰੀ ਹੈ।