July 28, 2023 00:00:00

Daily Dharaledar / Punjab

*ਕੱਚੇ ਅਧਿਆਪਕਾਂ ਨੂੰ ਨਿਯੁਕਤੀ ਪੱਤਰ ਦੇ ਕੇ ਸਨਮਾਨਿਤ ਕੀਤਾ* ਪੰਜਾਬ ਸਰਕਾਰ ਵਲੋਂ ਅੱਜ ਸੂਬੇ ਵਿਚ ਕੱਚੇ ਅਧਿਆਪਕਾਂ ਨੂੰ ਪੱਕੇ ਕਰਨ ਦੀ ਖੁਸ਼ੀ ਵਿਚ, ਅੱਜ ਸਰਕਾਰੀ ਐਲੀਮੈਂਟਰੀ ਸਮਾਰਟ ਸਕੂਲ ਤ੍ਰਿਪੁੜੀ ਵਿਖੇ ਉਚੇਚੇ ਤੌਰ ਤੇ ਜਿਲ੍ਹਾ ਸਿੱਖਿਆ ਅਫ਼ਸਰ (ਐ.ਸਿੱ) ਪਟਿਆਲਾ ਸ਼੍ਰੀਮਤੀ ਅਰਚਨਾ ਮਹਾਜਨ ਵਲੋਂ 6 ਅਧਿਆਪਕਾਵਾਂ ਦਿੱਕਸ਼ੀ ਅਰੋੜਾ, ਬਲਜੀਤ ਕੌਰ, ਆਸ਼ੂ ਗੋਇਲ,ਜਸਵੰਤ ਕੌਰ,ਨੀਤੂ ਤਨੇਜਾ ਅਤੇ ਨਿੰਮੀ ਸ਼ਰਮਾ ਨੂੰ ਨਿਯੁਕਤੀ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ l ਇਸ ਮੌਕੇ ਸਸਸਸ ਤ੍ਰਿਪੁੜੀ ਦੇ ਪ੍ਰਿੰਸੀਪਲ ਡਾ. ਨਰਿੰਦਰ ਕੁਮਾਰ ਵਲੋਂ ਵੀ ਇਹਨਾਂ ਅਧਿਆਪਕਾਵਾਂ ਨੂੰ ਭਵਿੱਖ ਵਿਚ ਯੋਗ ਅਗਵਾਈ ਲਈ ਪ੍ਰੇਰਨਾ ਦਿਤੀ ਗਈ l ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਲੀਡਰ ਸ਼੍ਰੀ ਰਾਜਵਿਕਰਾਂਤ ਸੰਧੂ ਅਤੇ ਕੁਲਦੀਪ ਕੁਮਾਰ ਨੇ ਸਕੂਲ ਦੇ ਅਧਿਆਪਕਾਂ ਅਤੇ ਮਾਪਿਆਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਸਕੂਲ ਦੇ ਵਿਦਿਆਰਥੀਆਂ ਦੀ ਪੜ੍ਹਾਈ ਲਈ ਪੂਰਨ ਸਾਹਿਯੋਗ ਦਿਤਾ ਜਾਵੇਗਾ l ਖੁਸ਼ੀ ਦੇ ਮੌਕੇ ਤੇ ਵਿਦਿਆਰਥੀਆਂ ਨੇ ਕਲਚਰਲ ਜੌਹਰ ਵਿਖਾਏ l ਸਕੂਲ ਦੇ ਇੰਚਾਰਜ ਸੀ ਐੱਚ ਟੀ ਸ਼੍ਰੀ ਸੁਰੇਸ਼ ਕੁਮਾਰ ਨੇ ਕਿਹਾ ਕਿ ਸਾਡੇ ਸਕੂਲ ਵਿਚ 609 ਵਿਦਿਆਰਥੀ ਪੜ੍ਹ ਰਹੇ ਹਨ l ਉਹਨਾਂ ਸਪਸ਼ਟ ਕੀਤਾ ਕਿ ਸਾਡਾ ਸਕੂਲ ਪਟਿਆਲੇ ਜ਼ਿਲ੍ਹੇ ਵਿਚ ਐਨਰੋਲਮੈਂਟ ਪੱਖੋ ਦੂਸਰੇ ਨੰਬਰ ਤੇ ਹੈ, ਉਹੋ ਦਿਨ ਦੂਰ ਨਹੀਂ ਜਦੋਂ ਸਾਡਾ ਸਕੂਲ ਜ਼ਿਲ੍ਹੇ ਵਿਚ ਪਹਿਲੇ ਨੰਬਰ ਤੇ ਹੋਵੇਗਾ l ਇਸ ਮੌਕੇ ਸਟੇਟ ਐਵਾਰਡੀ ਅਧਿਆਪਕ ਲਖਵਿੰਦਰ ਸਿੰਘ ਨੇ ਆਏ ਹੋਏ ਸਾਰੇ ਲੋਕਾਂ ਦਾ ਧੰਨਵਾਦ ਕੀਤਾ l

Daily Dharaledar Online News Views and Reviews