November 28, 2023 00:00:00
Daily Dharaledar / Punjab
ਪਟਿਆਲਾ ਸ਼੍ਰੀ ਸਨਾਤਨ ਧਰਮ ਸਭਾ (ਰਜਿ.) ਪਟਿਆਲਾ ਦੇ ਪ੍ਰਧਾਨ ਲਾਲ ਚੰਦ ਜਿੰਦਲ, ਸੀਨੀਅਰ ਮੀਤ ਪ੍ਰਧਾਨ ਵਿਜੇ ਮੋਹਨ ਗੁਪਤਾ, ਮੀਤ ਪ੍ਰਧਾਨ ਰਾਕੇਸ਼ ਕੁਮਾਰ, ਜਨਰਲ ਸਕੱਤਰ ਅਨਿਲ ਗੁਪਤਾ, ਅਤੇ ਸਕੂਲ ਪ੍ਰਬੰਧਕ ਐਨ.ਕੇ.ਜੈਨ ਦੀ ਯੋਗ ਅਗਵਾਈ ਹੇਠ ਐਸ.ਡੀ.ਐਸ.ਈ. ਸੀਨੀਅਰ ਸੈਕੰਡਰੀ ਸਕੂਲ, ਪਟਿਆਲਾ ਦੇ ਸਥਾਪਨਾ ਦੀ ਸ਼ਤਾਬਦੀ ਵਰ੍ਹੇ ਨੂੰ ਮਨਾਉਣ ਲਈ ਸਕੂਲ ਦੇ ਵਿਹੜੇ ਵਿੱਚ ਅੰਤਰ—ਸਕੂਲ ਸ਼ਬਦ ਗਾਇਨ ਮੁਕਾਬਲਾ ਕਰਵਾਇਆ ਗਿਆ। ਇਸ ਮੁਕਾਬਲੇ ਵਿੱਚ ਪਟਿਆਲਾ ਸ਼ਹਿਰ ਦੇ ਐਸ. ਡੀ.ਮਾਡਲ ਹਾਈ ਸਕੂਲ, ਮਾਤਾ ਗੁਜਰੀ ਪਬਲਿਕ ਸਕੂਲ,ਸਮਾਰਟ ਸਕੂਲ ਬਹਾਦਰਗੜ, ਵਿਕਟੋਰੀਆ ਸਕੂਲ,ਸਮਾਰਟ ਸਕੂਲ, ਪੁਰਾਣੀ ਪੁਲਿਸ ਲਾਈਨ, ਨਿਊ ਡੈਫੋਡਿਲਜ਼, ਆਰੀਆ ਗਰਲਜ਼ ਸਕੂਲ, ਸਰਕਾਰੀ ਸਮਾਰਟਸਕੂਲ, ਐਨ. ਪੀ.ਐਚ., ਸਕੂਲ ਆਫ਼ ਐਮੀਨੈਂਸ ਫੀਲ ਖਾਨਾ,ਸਕੂਲ ਸਿਵਲ ਲਾਈਨ, ਸ. ਡੀ.ਐਸ. ਈ.ਸੀਨੀਅਰ ਸੈਕੰਡਰੀ ਸਕੂਲ, ਗੁਰੂ ਤੇਗ ਬਹਾਦਰ ਸਕੂਲ, ਸ਼੍ਰੀ ਦਸਮੇਸ਼ ਪਬਲਿਕ ਸਕੂਲ, ਦੁਦਿਆਲ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ, ਸ਼੍ਰੀ ਅਰਬਿੰਦੋ ਇੰਟਰਨੈਸ਼ਨਲ ਸਕੂਲ, ਮਾਡਰਨ ਸੀਨੀਅਰ ਸੈਕੰਡਰੀ ਸਕੂਲ, ਮਲਟੀਪਰਪਜ਼ਸਕੂਲ ਦੇ ਵਿਦਿਆਰਥੀਆਂ ਨੇ ਭਾਗ ਲਿਆ। - ਇਸ ਮੌਕੇ ਸਕੂਲ ਦੇ ਸਮੂਹ ਸਕੂਲਾਂ ਦੇ ਅਧਿਆਪਕ ਅਤੇ ਭਾਗ ਲੈਣ ਵਾਲੇ ਵਿਦਿਆਰਥੀ ਹਾਜ਼ਰ ਸਨ।ਇਸ ਸ਼ਬਦ ਗਾਇਨ ਮੁਕਾਬਲਾ ਪੁਹਚਣ ਤੇ ਐੱਸ. ਡੀ.ਸਕੂਲ ਦੇ ਪ੍ਰਿਰੰਸੀਪਲ ਰਿਪੁਦਮਨ ਸਿੰਘ ਨੇ ਨਿੱਘਾ ਸਵਾਗਤ ਕੀਤਾ। ਸਕੂਲ ਦੇ ਮੈਨੇਜਰ ਨਰੇਸ਼ ਕੁਮਾਰ ਜੈਨ ਨੇ ਮੁੱਖ ਮਹਿਮਾਨ ਅਤੇ ਹਾਜ਼ਰ ਸਮੂਹ ਮਹਿਮਾਨਾਂ ਨੂੰ ਦੱਸਿਆ ਕਿ ਐਸ. ਡੀ.ਐਸ.ਈ. ਸਕੂਲ ਦੀ ਸਥਾਪਨਾ ਸਾਲ 1924 ਵਿੱਚ ਵਿਸਾਖੀ ਵਾਲੇ ਦਿਨ ਕੀਤੀ ਗਈ ਸੀ ਅਤੇ ਇਸ ਸਾਲ ਇਤਿਹਾਸਕ ਸਕੂਲ ਦੀ ਸਥਾਪਨਾ ਦੀ ਸ਼ਤਾਬਦੀ ਹੈ। ਇਸ ਮੌਕੇ ਨੂੰ ਮਨਾਉਣ ਲਈ ਸਾਲ ਭਰ ਵੱਖ—ਵੱਖ ਅੰਕਤ ਸਕੂਲ ਪੱਧਰ ਮੁਕਾਬਲੇ ਕਰਵਾਏ ਜਾ ਰਿਹੇ ਹਨ। ਇਹ ਮੁਕਾਬਲਾ ਵੀ ਇਸੇ ਲੜੀ ਦਾ ਅਹਿਮ ਹਿੱਸਾ ਹੈ। ਇਸ ਮੌਕੇ ਸ਼੍ਰੀ ਸਨਾਤਨ ਧਰਮ ਸਭਾ ਦੇ ਪ੍ਰਧਾਨ ਲਾਲ ਚੰਦ ਜਿੰਦਲ, ਜਨਰਲ ਸਕੱਤਰ ਅਨਿਲ ਗੁਪਤਾ, ਮੈਡਮ ਹਰਿੰਦਰ ਕੌਰ ਡੀ.ਈ.ਉ. ਪਟਿਆਲਾ ਅਤੇ ਰਾਜੇਸ਼ ਪੰਜੋਲਾ ਨੇ ਆਪਣੇ ਵਿਚਾਰ ਪਰਗਟ ਕਰਦਿਆਂ ਪ੍ਰਬੰਧਕਾਂ ਦੀ ਅਜਿਹੇ ਵਧੀਆ ਪ੍ਰੋਗਰਾਮ ਕਰਵਾਉਣ ਲਈ ਸ਼ਲਾਘਾ ਕੀਤੀ ਭਾਗ ਲੈਣ ਵਾਲੇ ਅਤੇ ਇਨਾਮ ਪ੍ਰਾਪਤ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ। - ਇਸ ਮੁਕਾਬਲੇ ਵਿੱਚ ਸਰਕਾਰੀ ਸਕੂਲ ਫੀਲ ਖਾਨਾ ਦੀ ਟੀਮ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਜਦਕਿ ਸਮਾਰਟ ਸਕੂਲ ਪੁਰਾਣੀ ਪੁਲਿਸ ਲਾਈਨ ਦੀ ਟੀਮ ਨੇ ਦੂਜਾ ਅਤੇ ਮਾਡਰਨ ਸੀਨੀਅਰ ਸੈਕੰਡਰੀ ਸਕੂਲ ਦੀ ਟੀਮ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਇਸ ਮੌਕੇ 17 ਟੀਮਾਂ ਨੇ ਭਾਗ ਲਿਤਾ ਅਤੇ ਜਿਸ ਵਿੱਚ ਸ਼੍ਰੀ ਅਰਬਿੰਦੋ ਇੰਟਰਨੈਸ਼ਨਲ ਸਕੂਲ, ਢੁਡਿਆਲ ਖਾਲਸਾ ਸਕੂਲ, ਸ਼੍ਰੀ ਦਸਮੇਸ਼ ਪਬਲਿਕ ਸਕੂਲ, ਸਰਕਾਰੀ ਮਲਟੀਪਰਪਜ਼ ਸਕੂਲ, ਨਿਊ ਡੈਫੋਡਿਲਜ਼ ਸਕੂਲ ਨੇ ਪ੍ਰੋਤਸਾਹਨ ਪੁਰਸਕਾਰ ਪ੍ਰਪਾਤ ਕੀਤੇ। ਪ੍ਰੋ- ਮੁਹੰਮਦ ਹਬੀਬ, ਪ੍ਰੋ- ਮਨੀਸ਼ਾ, ਪ੍ਰੋ- ਪਿਆਰੇ ਲਾਲ ਨੇ ਨਿਰਣਾਇਕ ਦੀ ਭੂਮਿਕਾ ਨਿਭਾਈ। ਪ੍ਰੋ- ਪਿਆਰੇ ਲਾਲ ਨੇ ਮੁਕਾਬਲਿਆਂ ਵਿੱਚ ਭਾਗ ਲੈਣ ਵਾਲੇ ਸਕੂਲਾਂ ਦੀ ਸ਼ਲਾਘਾ ਕੀਤੀ ਅਤੇ ਜੇਤੂ ਸਕੂਲਾਂ ਦੇ ਨਾਵਾ ਦੀ ਘੋਸ਼ਣਾ ਕੀਤੀ। ਇੰਜਨੀਅਰ ਐਮ.ਐਮ. ਸਿਆਲ ਨੇ ਆਏ ਸਾਰੇ ਜਜ ਸਹਿਬਾਨਾ ਦਾ ਵਿਸਥਾਰ ਨਾਲ ਪਰਿਚਯ ਕਰਵਾਇਆ ਅਤੇ ਇਸ ਮੋਕੇ ਤੇ ਹਾਜਰ ਮਹਿਮਾਨਾ ਦਾ ਧੰਨਵਾਦ ਕੀਤਾ। ਸਟੇਜ ਸੰਚਾਲਕ ਦੀ ਭੂਮਿਕਾ ਪੰਕਜ ਕੌਸ਼ਲ ਨੇ ਬਾਖੂਬੀ ਨਿਭਾਈ ਅਤੇ ਸਾਰਿਆਂ ਨੂੰ ਚਾਹ ਦਾ ਕੱਪ ਸਾਝਾਂ ਕਰਨ ਲਈ ਪ੍ਰਾਥਨਹ ਕੀਤੀ।
Daily Dharaledar Online News Views and Reviews
