ਲੁਧਿਆਣਾ, 15 ਜੁਲਾਈ, 2024: ਸੀਟੀ ਯੂਨੀਵਰਸਿਟੀ ਦੀ ਜਸ਼ਨਦੀਪ ਕੌਰ ਨੇ 21ਵੀਂ ਪੰਜਾਬ ਸਟੇਟ ਸੀਨੀਅਰ ਕਿੱਕ ਬਾਕਸਿੰਗ ਚੈਂਪੀਅਨਸ਼ਿਪ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਬੇਮਿਸਾਲ ਹੁਨਰ ਅਤੇ ਸਮਰਪਣ ਦਾ ਪ੍ਰਦਰਸ਼ਨ ਕੀਤਾ। ਜਸ਼ਨ ਨੇ 45 ਕਿਲੋ ਭਾਰ ਵਰਗ ਵਿੱਚ ਕਿੱਕ ਲਾਈਟ ਅਤੇ ਪੁਆਇੰਟ ਫਾਈਟ ਮੁਕਾਬਲਿਆਂ ਵਿੱਚ ਦੋ ਸੋਨ ਤਗਮੇ ਜਿੱਤਕੇ ਸੀਟੀ ਯੂਨੀਵਰਸਿਟੀ ਦਾ ਨਾਂ ਰੋਸ਼ਨ ਕੀਤਾ।  

ਇਹ ਹੀ ਨਹੀਂ ਇਸ ਮਹੀਨੇ ਗੋਆ ਵਿੱਚ ਹੋਣ ਵਾਲੀ ਰਾਸ਼ਟਰੀ ਕਿੱਕਬਾਕਸਿੰਗ ਚੈਂਪੀਅਨਸ਼ਿਪ ਵਿੱਚ ਵੀ ਜਸ਼ਨ ਨੇ ਆਪਣੀ ਜਗ੍ਹਾ ਬਣਾਈ ਹੈ ਜੋ ਉਸਦੀ ਪ੍ਰਤਿਭਾ ਅਤੇ ਸਖਤ ਮਿਹਨਤ ਨੂੰ ਬਾਖੂਬੀ ਦਰਸਾਉਂਦਾ ਹੈ।

ਸੀਟੀ ਯੂਨੀਵਰਸਿਟੀ ਦੇ ਚਾਂਸਲਰ ਚਰਨਜੀਤ ਸਿੰਘ ਚੰਨੀ ਨੇ ਇਸ ਮਹੱਤਵਪੂਰਨ ਪ੍ਰਾਪਤੀ ਲਈ ਜਸ਼ਨਦੀਪ ਕੌਰ ਅਤੇ ਖੇਡ ਵਿਭਾਗ ਨੂੰ ਹਾਰਦਿਕ ਵਧਾਈ ਦਿੱਤੀ। ਉਹਨਾਂ ਨੇ  ਇਸ ਪ੍ਰਾਪਤੀ 'ਤੇ ਮਾਣ ਜ਼ਾਹਰ ਕੀਤਾ ਅਤੇ ਰਾਸ਼ਟਰੀ ਚੈਂਪੀਅਨਸ਼ਿਪ ਲਈ ਤਿਆਰੀ ਕਰਦਿਆਂ ਉਸ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ।

ਡੀਨ ਅਕਾਦਮਿਕ ਡਾ. ਸਿਮਰਨ, ਐਗਜਿਕੁਟਿਵ ਡਾਇਰੇਕਟਰ ਡਾ. ਨਿਤਿਨ ਟੰਡਨ, ਅਤੇ ਵਿਦਿਆਰਥੀ ਭਲਾਈ ਵਿਭਾਗ ਦੇ ਡਾਇਰੈਕਟਰ ਦਵਿੰਦਰ ਸਿੰਘ, ਹੈੱਡ ਸਪੋਰਟਸ ਗੁਰਦੀਪ ਸਿੰਘ ਗਿੱਲ ਨੇ ਸੀਟੀ ਯੂਨੀਵਰਸਿਟੀ ਲਈ ਉਸ ਦੇ ਸਮਰਪਣ ਅਤੇ ਸਕਾਰਾਤਮਕ ਪ੍ਰਤੀਨਿਧਤਾ ਲਈ ਜਸ਼ਨ ਸ਼ਲਾਘਾ ਕੀਤੀ ਅਤੇ ਉਸਨੂੰ ਵਧਾਈ ਦਿੱਤੀ। 

Powered by Froala Editor

Jashandeep Kaur Of Ct University Bagged 2 Gold Medals In The 21st Punjab State Senior Kickboxing Championship