ਇਹ ਹੈ ਸਾਡੇ ਕਥਿਤ “ਵਿਕਾਸ ਮਾਡਲ” ਦਾ ਲਾਈਵ ਡੈਮੋ। 79 ਹਜ਼ਾਰ ਕਰੋੜ ਰੁਪਏ ਦਾ ਪ੍ਰੋਜੈਕਟ, ਪਰ ਹਾਲਤ ਇਹ ਕਿ ਫੀਤਾ ਕੱਟਣ ਤੋਂ ਪਹਿਲਾਂ ਹੀ ਅੱਗ ਲੱਗ ਗਈ। ਹੁਣ ਕੋਈ ਦੱਸੇ ਇਹ ਰਿਫਾਈਨਰੀ ਪੈਟਰੋਲ ਬਣਾਉਣ ਲਈ ਬਣੀ ਸੀ ਜਾਂ ਆਪਣੇ ਆਪ ਸੜਨ ਲਈ? ਕੱਲ੍ਹ ਸਾਹਿਬ ਆਉਣਗੇ, ਕੈਮਰੇ ਚਮਕਣਗੇ, ਹੈਲੀਕਾਪਟਰ ਉਤਰਣਗੇ ਅਤੇ ਭਾਸ਼ਣਾਂ ਵਿੱਚ “ਇਤਿਹਾਸਕ”, “ਵਿਸ਼ਵ-ਸਤਰੀਯ”, “ਨਵਾਂ ਭਾਰਤ” ਵਰਗੇ ਵੱਡੇ-ਵੱਡੇ ਸ਼ਬਦ ਉੱਡਣਗੇ। ਪਰ ਜਮੀਨ ‘ਤੇ ਹਕੀਕਤ ਕੀ ਹੈ? ਉਦਘਾਟਨ ਤੋਂ ਇਕ ਦਿਨ ਪਹਿਲਾਂ ਹੀ ਸਿਸਟਮ ਨੇ ਹੱਥ ਖੜੇ ਕਰ ਦਿੱਤੇ। ਇਹ ਉਹੀ ਦੇਸ਼ ਹੈ ਜਿੱਥੇ ਲੋਕਾਂ ਨੂੰ ਕਿਹਾ ਜਾਂਦਾ ਹੈ ਕਿ ਸਭ ਕੁਝ ਕੰਟਰੋਲ ਵਿੱਚ ਹੈ ।ਬਸ ਸਵਾਲ ਨਾ ਪੁੱਛੋ। ਜੇ 79 ਹਜ਼ਾਰ ਕਰੋੜ ਦਾ ਪ੍ਰੋਜੈਕਟ ਚੱਲਣ ਤੋਂ ਪਹਿਲਾਂ ਹੀ ਧੂੰਆਂ ਛੱਡਣ ਲੱਗ ਪਏ, ਤਾਂ ਸਮਝ ਲਓ ਪੈਸਾ ਘੱਟ ਤੇ ਲਾਪਰਵਾਹੀ ਜ਼ਿਆਦਾ ਲੱਗੀ ਹੈ। ਹੁਣ ਉਹੀ ਪੁਰਾਣਾ ਖੇਡ ਸ਼ੁਰੂ ਹੋਵੇਗਾ । ਜਾਂਚ ਕਮੇਟੀ ਬਣੇਗੀ, ਰਿਪੋਰਟ ਆਏਗੀ, ਫਾਈਲਾਂ ‘ਚ ਦੱਬ ਜਾਵੇਗੀ, ਤੇ ਅਗਲਾ ਉਦਘਾਟਨ ਤਿਆਰ ਹੋ ਜਾਵੇਗਾ। ਜਨਤਾ ਫਿਰ ਤਾਲੀਆਂ ਮਾਰੇਗੀ, ਕਿਉਂਕਿ ਹੋਰ ਚਾਰਾ ਵੀ ਕੀ ਹੈ? ਸੱਚ ਇਹ ਹੈ ਕਿ ਇੱਥੇ ਪ੍ਰੋਜੈਕਟ ਘੱਟ ਤੇ ਇਵੈਂਟ ਜ਼ਿਆਦਾ ਬਣਦੇ ਹਨ। ਕੰਮ ਬਾਅਦ ‘ਚ ਹੁੰਦਾ ਹੈ, ਫੋਟੋ ਪਹਿਲਾਂ ਖਿੱਚੀ ਜਾਂਦੀ ਹੈ। ਦੇਸ਼ ਚਲਾਉਣਾ ਹੈ ਜਾਂ ਰੀਲ ਬਣਾਉਣੀ ਹੈ , ਇਹ ਫੈਸਲਾ ਅਜੇ ਤੱਕ ਹੋਇਆ ਹੀ ਨਹੀਂ। ਅਤੇ ਹਾਂ, ਜੋ ਲੋਕ ਹਰ ਵਾਰ ਅੱਖਾਂ ਬੰਦ ਕਰਕੇ “ਸੱਭ ਵਧੀਆ ਹੈ” ਕਹਿੰਦੇ ਹਨ, ਉਹਨਾਂ ਨੂੰ ਇਹ ਅੱਗ ਵੀ “ਵਿਕਾਸ ਦੀ ਚਮਕ” ਹੀ ਲੱਗੇਗੀ। ਪਰ ਜੋ ਲੋਕ ਸੱਚ ਵੇਖਦੇ ਹਨ, ਉਹਨਾਂ ਨੂੰ ਸਾਫ ਦਿਖ ਰਿਹਾ ਹੈ ਕਿ ਇਸ ਚਮਕ ਦੇ ਹੇਠਾਂ ਕਿੰਨਾ ਕੱਚਾ ਕੰਮ ਦੱਬਿਆ ਪਿਆ ਹੈ। #BreakingNews #PunjabNews #IndiaNews #VikasModel #RealityCheck #SystemFailure #GroundReality #DevelopmentDebate #PoliticalNews #PublicVoice #Accountability #Infrastructure #Corruption #TrendingNow #SocialMediaNews #BabushahiTimes #NewsUpdate #ViralPost #TruthMatters #PeopleVoice #India #Punjab #Haryana #Panipat #ReelsIndia #NewsChannel #LatestUpdate #Highlight #ExplorePage

Haryana State Electricity Board