Reporter..Rajni ਇੰਡੀਗੋ ਨੂੰ ਤੁਰੰਤ ਬਕਾਇਆ ਰਿਫੰਡ ਜਾਰੀ ਕਰਨ ਦਾ ਹੁਕਮ ਨਵੀਂ ਦਿੱਲੀ, 6 ਦਸੰਬਰ 2025 : ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਨੇ ਇੰਡੀਗੋ ਨੂੰ ਉਡਾਣਾਂ ਦੀ ਗੜਬੜ ਦੇ ਮੱਦੇਨਜ਼ਰ ਤੁਰੰਤ ਸਾਰੇ ਬਕਾਇਆ ਰਿਫੰਡ ਜਾਰੀ ਕਰਨ ਲਈ ਕਿਹਾ ਹੈ। ਹਦਾਇਤਾਂ ਮੁਤਾਬਕ ਰਿਫੰਡ ਪ੍ਰਕਿਰਿਆ 7 ਦਸੰਬਰ ਦੀ ਰਾਤ 8 ਵਜੇ ਤੱਕ ਪੂਰੀ ਹੋਣੀ ਚਾਹੀਦੀ ਹੈ, ਨਹੀਂ ਤਾਂ ਕਾਰਵਾਈ ਕੀਤੀ ਜਾਵੇਗੀ। ਮੰਤਰਾਲੇ ਨੇ ਇਹ ਵੀ ਸਾਫ਼ ਕੀਤਾ ਕਿ ਰੱਦ ਹੋਈਆਂ ਉਡਾਣਾਂ ਕਾਰਨ ਪ੍ਰਭਾਵਿਤ ਯਾਤਰੀਆਂ ਤੋਂ ਕੋਈ ਰੀ-ਸ਼ਡਿਊਲਿੰਗ ਫੀਸ ਨਹੀਂ ਲੈਣੀ। ਇਸਦੇ ਨਾਲ ਹੀ, ਜੋ ਸਮਾਨ ਦੇਰੀ ਜਾਂ ਰੱਦਗੀ ਕਾਰਨ ਯਾਤਰੀਆਂ ਤੋਂ ਵੱਖ ਹੋ ਗਿਆ ਹੈ, ਉਹ 48 ਘੰਟਿਆਂ ਵਿੱਚ ਉਨ੍ਹਾਂ ਦੇ ਘਰ ਤੱਕ ਪਹੁੰਚਾਉਣਾ ਲਾਜ਼ਮੀ ਹੈ। ਇੰਡੀਗੋ ਨੂੰ ਯਾਤਰੀ ਸਹਾਇਤਾ ਲਈ ਖਾਸ ਸੈੱਲ ਬਣਾਉਣ ਅਤੇ ਆਟੋਮੈਟਿਕ ਰਿਫੰਡ ਸਿਸਟਮ ਚਾਲੂ ਰੱਖਣ ਦੀ ਵੀ ਹਦਾਇਤ ਦਿੱਤੀ ਗਈ ਹੈ। ਹਵਾਈ ਕਿਰਾਏ ਵਿੱਚ ਬੇਲਗਾਮ ਵਾਧੇ ‘ਤੇ ਵੀ ਮੰਤਰਾਲਾ ਨਿਗਰਾਨੀ ਕਰ ਰਿਹਾ ਹੈ ਤਾਂ ਜੋ ਯਾਤਰੀਆਂ ਨੂੰ ਗੈਰ-ਜ਼ਰੂਰੀ ਭਾਰ ਨਾ ਪਵੇ।