ਧੜੱਲੇਦਾਰ ਬਿਊਰੋ ਪੰਜਾਬ ਸਕੂਲਾਂ ‘ਚ 12ਵੀਂ ਲਈ ਨਵਾਂ ਉੱਦਮਤਾ ਪਾਠਕ੍ਰਮ ਤਿਆਰ, 2026-27 ਤੋਂ ਲਾਗੂ ਚੰਡੀਗੜ੍ਹ, 27 ਨਵੰਬਰ 2025 : ਪੰਜਾਬ ਦੇ ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਨੇ ਦੱਸਿਆ ਹੈ ਕਿ ਸਕੂਲ ਸਿੱਖਿਆ ਬੋਰਡ ਨੇ 12ਵੀਂ ਲਈ ਉੱਦਮਤਾ ਦਾ ਨਵਾਂ ਪਾਠਕ੍ਰਮ ਤਿਆਰ ਕਰ ਦਿੱਤਾ ਹੈ, ਤਾਂ ਜੋ ਨੌਜਵਾਨਾਂ ਨੂੰ ਸਵੈ-ਰੋਜ਼ਗਾਰ ਅਤੇ ਸਟਾਰਟਅੱਪ ਵੱਲ ਪ੍ਰੇਰਿਤ ਕੀਤਾ ਜਾ ਸਕੇ। ਇਸ ਤੋਂ ਪਹਿਲਾਂ 11ਵੀਂ ਵਿੱਚ ਸ਼ੁਰੂ ਕੀਤਾ ਬਿਜ਼ਨਸ ਬਲਾਸਟਰ ਪ੍ਰੋਗਰਾਮ ਸਫਲ ਰਿਹਾ ਸੀ, ਜਿਸਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਹ ਕਦਮ ਵਧਾਇਆ ਗਿਆ ਹੈ। ਬੋਰਡ ਨੇ ਹਜ਼ਾਰਾਂ ਅਧਿਆਪਕਾਂ ਅਤੇ ਮਾਸਟਰ ਟ੍ਰੇਨਰਾਂ ਨੂੰ ਉੱਦਮਤਾ ਦੀ ਸਿਖਲਾਈ ਦੇ ਕੇ ਵਿਸ਼ੇ ਨੂੰ 3,600 ਤੋਂ ਵੱਧ ਸਕੂਲਾਂ ਵਿੱਚ ਲਾਜ਼ਮੀ ਕੀਤਾ ਹੈ। ਨਵੇਂ ਸਿਲੇਬਸ ਨਾਲ 2026-27 ਵਿੱਚ ਲਗਭਗ 5.60 ਲੱਖ ਵਿਦਿਆਰਥੀ ਵਿੱਤੀ ਪ੍ਰਬੰਧਨ, ਸਟਾਰਟਅੱਪ ਕਾਰਜ-ਪ੍ਰਕਿਰਿਆ ਅਤੇ ਕਾਰੋਬਾਰੀ ਯੋਜਨਾਵਾਂ ਵਰਗੇ ਵਿਹਾਰਕ ਮੁਦਿਆਂ ਦੀ ਪੜ੍ਹਾਈ ਕਰ ਸਕਣਗੇ। ਇਹ ਯਤਨ ਸਰਕਾਰ ਦੇ ਇਸ ਟੀਚੇ ਨੂੰ ਮਜ਼ਬੂਤ ਕਰਦਾ ਹੈ ਕਿ ਵਿਦਿਆਰਥੀਆਂ ਨੂੰ ਨੌਕਰੀ ਲੱਭਣ ਵਾਲੇ ਨਹੀਂ, ਸਗੋਂ ਨੌਕਰੀ ਸਿਰਜਣ ਵਾਲੇ ਬਣਾਇਆ ਜਾਵੇ।

12 2026 27