ਯਾਦਵਿੰਦਰਾ ਪਬਲਿਕ ਸਕੂਲ (YPS), ਪਟਿਆਲਾ ਦੇ ਵਿਦਿਆਰਥੀ ਕਬੀਰ ਸਿੰਘ ਸ਼ੇਰਗਿੱਲ ਨੇ ਜੌਨ ਲੌਕ ਇੰਸਟੀਚਿਊਟ ਦੇ Global Essay Prize ਦੇ ਜੂਨੀਅਰ ਵਰਗ ਵਿੱਚ ਇਤਿਹਾਸ ਵਿਸ਼ੇ ’ਚ ਤੀਜਾ ਸਥਾਨ ਹਾਸਲ ਕਰਕੇ ਭਾਰਤ ਦਾ ਨਾਮ ਰੌਸ਼ਨ ਕੀਤਾ ਹੈ। ਉਹ ਇਹ ਉਪਲਬਧੀ ਹਾਸਲ ਕਰਨ ਵਾਲਾ ਭਾਰਤ ਦਾ ਪਹਿਲਾ ਵਿਦਿਆਰਥੀ ਬਣਿਆ ਹੈ। ਲੰਡਨ ਵਿੱਚ ਹੋਏ ਐਵਾਰਡ ਸਮਾਰੋਹ ਦੌਰਾਨ ਕਬੀਰ ਨੇ ਜੌਨ ਲੌਕ ਇੰਸਟੀਚਿਊਟ ਦੇ ਡਾਇਰੈਕਟਰ ਜਨਰਲ ਮਾਰਟਿਨ ਕੋਕਸ ਤੋਂ ਇਨਾਮ ਪ੍ਰਾਪਤ ਕੀਤਾ। ਇਸ ਸਾਲ ਮੁਕਾਬਲੇ ਵਿੱਚ 183 ਦੇਸ਼ਾਂ ਦੇ 1,00,227 ਉਮੀਦਵਾਰਾਂ ਨੇ ਹਿੱਸਾ ਲਿਆ ਸੀ। ਇਨਾਮ ਦੇ ਹਿੱਸੇ ਵਜੋਂ ਕਬੀਰ ਨੂੰ ਆਕਸਫੋਰਡ ਵਿਖੇ ਸਮਰ ਪ੍ਰੋਗਰਾਮ ਲਈ ਸਕਾਲਰਸ਼ਿਪ ਵੀ ਮਿਲੀ ਹੈ। ਕਬੀਰ ਦੇ ਜੇਤੂ ਲੇਖ ਦਾ ਵਿਸ਼ਾ “ਕੀ ਚੇਅ ਆਪਣੀ ਟੀ-ਸ਼ਰਟ ਵਾਲੀ ਆਈਕੋਨਿਕ ਤਸਵੀਰ ਦਾ ਹੱਕਦਾਰ ਹੈ?” ਸੀ। ਉਸ ਨੇ ਲੇਖ ਵਿੱਚ ਚੇਅ ਗਵੇਰਾ ਦੀ ਮਸ਼ਹੂਰ ਤਸਵੀਰ ਨੂੰ ਇਤਿਹਾਸਕ ਸ਼ਖਸੀਅਤ ਦੀ ਅਸਲ ਪਛਾਣ ਦੀ ਬਜਾਏ ਉਪਭੋਗਤਾਵਾਦ ਨਾਲ ਜੁੜੇ ਸੱਭਿਆਚਾਰਕ ਪ੍ਰਤੀਕ ਵਜੋਂ ਪੇਸ਼ ਕੀਤਾ।

Yps Patiala Kabir Singh Shergill Global Essay Prize John Locke Institute Patiala News Punjab News Education News Oxford Student Achievement India News