October 17, 2025
Rajni / New Delhi
ਧੜੱਲੇਦਾਰ ਬਿਊਰੋ
ਮੈਟਾ ਵੱਲੋਂ ਵੱਡਾ ਫੈਸਲਾ: 15 ਦਸੰਬਰ ਤੋਂ ਮੈਸੇਂਜਰ ਡੈਸਕਟਾਪ ਐਪ ਬੰਦ
ਨਵੀਂ ਦਿੱਲੀ, 17 ਅਕਤੂਬਰ 2025 :
ਜੇ ਤੁਸੀਂ ਆਪਣੇ ਕੰਪਿਊਟਰ ‘ਤੇ ਮੈਟਾ ਦਾ ਮੈਸੇਂਜਰ ਐਪ ਵਰਤਦੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਮਹੱਤਵਪੂਰਨ ਹੈ। ਮੈਟਾ ਨੇ ਐਲਾਨ ਕੀਤਾ ਹੈ ਕਿ 15 ਦਸੰਬਰ 2025 ਤੋਂ ਵਿੰਡੋਜ਼ ਅਤੇ ਮੈਕ ਲਈ ਮੈਸੇਂਜਰ ਡੈਸਕਟਾਪ ਐਪ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੀ ਜਾਵੇਗੀ। ਇਸ ਮਿਤੀ ਤੋਂ ਬਾਅਦ ਯੂਜ਼ਰ ਐਪ ਰਾਹੀਂ ਲੌਗਇਨ ਨਹੀਂ ਕਰ ਸਕਣਗੇ ਅਤੇ ਸੁਨੇਹੇ ਭੇਜਣ ਲਈ ਉਹਨਾਂ ਨੂੰ Facebook.com ‘ਤੇ ਰੀਡਾਇਰੈਕਟ ਕੀਤਾ ਜਾਵੇਗਾ। ਕੰਪਨੀ ਨੇ ਸਲਾਹ ਦਿੱਤੀ ਹੈ ਕਿ ਐਪ ਬੰਦ ਹੋਣ ਤੋਂ ਬਾਅਦ ਇਸਨੂੰ ਅਨਇੰਸਟਾਲ ਕਰ ਲਿਆ ਜਾਵੇ।
ਮੈਟਾ ਦੇ ਅਨੁਸਾਰ, ਯੂਜ਼ਰਾਂ ਦੀ ਚੈਟ ਹਿਸਟਰੀ ਸੁਰੱਖਿਅਤ ਰਹੇਗੀ ਜੇਕਰ ਉਨ੍ਹਾਂ ਨੇ "ਸਿਕਿਉਰ ਸਟੋਰੇਜ" ਫੀਚਰ ਚਾਲੂ ਕੀਤਾ ਹੋਵੇ। ਇਸਨੂੰ ਐਕਟਿਵ ਕਰਨ ਲਈ ਮੈਸੇਂਜਰ ਦੀ ਸੈਟਿੰਗਜ਼ ਵਿੱਚ ਜਾ ਕੇ “ਪ੍ਰਾਈਵੇਸੀ ਐਂਡ ਸੇਫਟੀ” ‘ਚੋਂ “ਐਂਡ-ਟੂ-ਐਂਡ ਇਨਕ੍ਰਿਪਟਡ ਚੈਟਸ” ‘ਚ “ਮੇਸੇਜ ਸਟੋਰੇਜ” ‘ਤੇ ਜਾ ਕੇ “ਸਿਕਿਉਰ ਸਟੋਰੇਜ” ਚਾਲੂ ਕਰਨਾ ਹੋਵੇਗਾ। ਐਪ ਬੰਦ ਹੋਣ ਤੋਂ ਬਾਅਦ ਵੀ ਯੂਜ਼ਰ Facebook.com ਜਾਂ Messenger.com ਰਾਹੀਂ ਆਪਣੀ ਚੈਟਿੰਗ ਜਾਰੀ ਰੱਖ ਸਕਣਗੇ।
Powered by Froala Editor
15
