December 3, 2025 10:46:54

Rajni / New Delhi

Reporter..Rajni 'ਸੰਚਾਰ ਸਾਥੀ' ਐਪ ਤੇ ਕੇਂਦਰ ਸਰਕਾਰ ਦਾ ਵੱਡਾ ਫੈਸਲਾ ਨਵੀਂ ਦਿੱਲੀ, 3 ਦਸੰਬਰ 2025 : ਕੇਂਦਰ ਨੇ ਸਮਾਰਟਫੋਨ ਕੰਪਨੀਆਂ ਅਤੇ ਯੂਜ਼ਰਾਂ ਲਈ ਵੱਡੀ ਛੂਟ ਦਾ ਐਲਾਨ ਕਰਦੇ ਹੋਏ ਨਿਰਧਾਰਿਤ ਨਿਯਮ ਵਾਪਸ ਲੈ ਲਿਆ ਹੈ। ਹੁਣ ਨਵੇਂ ਫੋਨਾਂ ਵਿੱਚ “ਸੰਚਾਰ ਸਾਥੀ” ਐਪ ਪਹਿਲਾਂ ਤੋਂ ਲਗਾਉਣਾ ਲਾਜ਼ਮੀ ਨਹੀਂ ਰਹੇਗਾ। ਮੰਤਰਾਲੇ ਨੇ ਕਿਹਾ ਕਿ ਲੋਕ ਖੁਦ ਹੀ ਇਹ ਐਪ ਡਾਊਨਲੋਡ ਕਰ ਰਹੇ ਹਨ, ਇਸ ਲਈ ਕੰਪਨੀਆਂ ‘ਤੇ ਬਿਨਾ ਲੋੜ ਦਾ ਦਬਾਅ ਰੱਖਣ ਦੀ ਜ਼ਰੂਰਤ ਨਹੀਂ। ਇਹ ਐਪ ਮੁੱਢਲੇ ਤੌਰ ‘ਤੇ ਯੂਜ਼ਰਾਂ ਨੂੰ ਸਾਈਬਰ ਧੋਖਾਧੜੀ ਤੋਂ ਬਚਾਉਣ, ਫਰਜ਼ੀ ਮੋਬਾਈਲ ਕਨੈਕਸ਼ਨ ਚੈਕ ਕਰਨ ਅਤੇ ਗੁੰਮ ਹੋਏ ਫੋਨ ਦਾ ਪਤਾ ਲਗਾਉਣ ਲਈ ਬਣਾਇਆ ਗਿਆ ਸੀ। ਭਾਵੇਂ ਪ੍ਰੀ-ਇੰਸਟਾਲ ਦਾ ਨਿਯਮ ਹਟਾ ਦਿੱਤਾ ਗਿਆ ਹੈ, ਪਰ ਐਪ ਮੌਜੂਦ ਰਹੇਗਾ ਅਤੇ ਜਿਸਨੂੰ ਲੋੜ ਹੋਵੇ ਉਹ ਇਹਨੂੰ ਐਪ ਸਟੋਰ ਤੋਂ ਡਾਊਨਲੋਡ ਕਰ ਸਕਦਾ ਹੈ। ਇਸ ਫੈਸਲੇ ਨਾਲ ਕੰਪਨੀਆਂ ਅਤੇ ਯੂਜ਼ਰ ਦੋਵੇਂ ਨੇ ਸੁਖ ਦਾ ਸਾਹ ਲਿਆ ਹੈ।