02 ਫਰਵਰੀ 2026, ਸ਼ਾਮ 6:52 ਵਜੇ ਪ੍ਰੈਸ ਇਨਫਾਰਮੇਸ਼ਨ ਬਿਊਰੋ (PIB), ਦਿੱਲੀ 1987 ਬੈਚ ਦੇ ਆਈਆਰਟੀਐਸ ਅਧਿਕਾਰੀ ਸ਼੍ਰੀ ਹਰਿ ਸ਼ੰਕਰ ਵਰਮਾ ਨੇ ਰੇਲਵੇ ਬੋਰਡ ਵਿੱਚ ਮੈਂਬਰ (ਓਪਰੇਸ਼ਨਜ਼ ਅਤੇ ਬਿਜ਼ਨਸ ਡਿਵੈਲਪਮੈਂਟ) ਅਤੇ ਭਾਰਤ ਸਰਕਾਰ ਦੇ ਐਕਸ-ਆਫਿਸਿਓ ਸਕੱਤਰ ਵਜੋਂ ਆਪਣਾ ਅਹੁਦਾ ਸੰਭਾਲ ਲਿਆ ਹੈ। ਇਸ ਤੋਂ ਪਹਿਲਾਂ ਉਹ ਡਾਇਰੈਕਟਰ ਜਨਰਲ, ਸੁਰੱਖਿਆ, ਰੇਲਵੇ ਬੋਰਡ ਦੇ ਪਦ ‘ਤੇ ਤਾਇਨਾਤ ਸਨ। ਆਪਣੇ ਸ਼ਾਨਦਾਰ ਕਰੀਅਰ ਦੌਰਾਨ ਸ਼੍ਰੀ ਵਰਮਾ ਨੇ ਭਾਰਤੀ ਰੇਲਵੇ ਵਿੱਚ ਕਈ ਮਹੱਤਵਪੂਰਨ ਜ਼ਿੰਮੇਵਾਰੀਆਂ ਸਫਲਤਾਪੂਰਵਕ ਨਿਭਾਈਆਂ ਹਨ, ਜਿਵੇਂ ਕਿ ਕੇਂਦਰੀ ਰੇਲਵੇ, ਮੁੰਬਈ ਵਿੱਚ ਐਡੀਸ਼ਨਲ ਡਿਵਿਜ਼ਨਲ ਰੇਲਵੇ ਮੈਨੇਜਰ; ਦੱਖਣੀ ਰੇਲਵੇ ਦੇ ਸੇਲਮ ਡਿਵਿਜ਼ਨ ਵਿੱਚ ਡਿਵਿਜ਼ਨਲ ਰੇਲਵੇ ਮੈਨੇਜਰ; ਕੇਂਦਰੀ ਰੇਲਵੇ, ਮੁੰਬਈ ਵਿੱਚ ਚੀਫ ਪੈਸੇਂਜਰ ਟ੍ਰੈਫਿਕ ਮੈਨੇਜਰ; ਦੱਖਣ ਪੱਛਮੀ ਰੇਲਵੇ, ਹੁਬਲੀ ਵਿੱਚ ਪ੍ਰਿੰਸੀਪਲ ਚੀਫ ਓਪਰੇਸ਼ਨਜ਼ ਮੈਨੇਜਰ ਅਤੇ ਲਖਨਊ ਸਥਿਤ ਭਾਰਤੀ ਰੇਲਵੇ ਆਵਾਜਾਈ ਪ੍ਰਬੰਧਨ ਸੰਸਥਾ ਦੇ ਡਾਇਰੈਕਟਰ ਜਨਰਲ। ਹਰ ਅਹੁਦੇ ‘ਤੇ ਰਹਿੰਦਿਆਂ ਉਨ੍ਹਾਂ ਨੇ ਕਈ ਰਿਕਾਰਡ ਅਤੇ ਮਹੱਤਵਪੂਰਨ ਉਪਲਬਧੀਆਂ ਹਾਸਲ ਕੀਤੀਆਂ। ਡਾਇਰੈਕਟਰ ਜਨਰਲ, ਸੁਰੱਖਿਆ ਦੇ ਤੌਰ ‘ਤੇ, ਸ਼੍ਰੀ ਵਰਮਾ ਦੀ ਅਗਵਾਈ ਹੇਠ ਭਾਰਤੀ ਰੇਲਵੇ ਦੀ ਸੁਰੱਖਿਆ ਪ੍ਰਣਾਲੀ ਨੇ ਨਵੇਂ ਮਿਆਰ ਸਥਾਪਤ ਕੀਤੇ। ਪ੍ਰਕਿਰਿਆ ਸੁਧਾਰ ‘ਤੇ ਧਿਆਨ ਦੇਣ ਨਾਲ ਗੰਭੀਰ ਦੁਰਘਟਨਾਵਾਂ ਦੀ ਗਿਣਤੀ ਵਿੱਚ ਕਾਫ਼ੀ ਕਮੀ ਆਈ। ਸ਼੍ਰੀ ਵਰਮਾ ਨੂੰ ਦੋ ਵਾਰ ਮਾਨਯੋਗ ਰੇਲ ਮੰਤਰੀ ਪੁਰਸਕਾਰ ਅਤੇ ਜੀਐਮ ਪੱਧਰ ਦੇ ਕਈ ਇਨਾਮ ਮਿਲੇ ਹਨ। ਉਨ੍ਹਾਂ ਨੇ ਸਿੰਗਾਪੁਰ, ਮਲੇਸ਼ੀਆ ਅਤੇ ਇਟਲੀ ਤੋਂ ਪ੍ਰਬੰਧਨ ਸੰਬੰਧੀ ਤਾਲੀਮ ਵੀ ਪ੍ਰਾਪਤ ਕੀਤੀ ਹੈ ਅਤੇ ਉਹ ਰੇਲਵੇ ਟ੍ਰੈਫਿਕ ਅਤੇ ਪ੍ਰਬੰਧਨ ਦੇ ਖੇਤਰ ਵਿੱਚ ਵਿਸ਼ੇਸ਼ਗਿਆਨ ਵਜੋਂ ਜਾਣੇ ਜਾਂਦੇ ਹਨ।

northernrailway