ਕੇਂਦਰੀ ਮੰਤਰੀ ਮਨੋਹਰ ਲਾਲ ਵੱਲੋਂ ਅਰਬਨ ਚੈਲੈਂਜ ਫੰਡ (UCF) ਲਈ ਸੰਚਾਲਨ ਸੰਬੰਧੀ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਗਏ ਹਨ। ਇਹ ਮਹੱਤਵਪੂਰਨ ਕਦਮ ਦੇਸ਼ ਦੇ ਸ਼ਹਿਰੀ ਵਿਕਾਸ ਨੂੰ ਨਵੀਂ ਰਫ਼ਤਾਰ ਦੇਣ ਵੱਲ ਵੱਡੀ ਪਹਲ ਮੰਨੀ ਜਾ ਰਹੀ ਹੈ। 1 ਲੱਖ ਕਰੋੜ ਰੁਪਏ ਦੇ ਅਰਬਨ ਚੈਲੈਂਜ ਫੰਡ ਰਾਹੀਂ ਲਗਭਗ 4 ਲੱਖ ਕਰੋੜ ਰੁਪਏ ਦੇ ਸ਼ਹਿਰੀ ਨਿਵੇਸ਼ ਨੂੰ ਪ੍ਰੋਤਸਾਹਨ ਮਿਲੇਗਾ। ਖ਼ਾਸ ਤੌਰ ‘ਤੇ ਟੀਅਰ-2 ਅਤੇ ਟੀਅਰ-3 ਸ਼ਹਿਰਾਂ ਦੇ ਵਿਕਾਸ ‘ਤੇ ਧਿਆਨ ਕੇਂਦਰਿਤ ਕੀਤਾ ਜਾਵੇਗਾ, ਤਾਂ ਜੋ ਛੋਟੇ ਅਤੇ ਮੱਧਮ ਸ਼ਹਿਰ ਵੀ ਆਧੁਨਿਕ ਬੁਨਿਆਦੀ ਢਾਂਚੇ ਨਾਲ ਮਜ਼ਬੂਤ ਹੋ ਸਕਣ। ਇਸ ਫੰਡ ਅਧੀਨ ਲੋਨ ਰੀਪੇਮੈਂਟ ਗਾਰੰਟੀ ਸਬ-ਸਕੀਮ ਵੀ ਸ਼ੁਰੂ ਕੀਤੀ ਗਈ ਹੈ, ਜਿਸ ਨਾਲ ਛੋਟੇ ਸ਼ਹਿਰਾਂ ਨੂੰ ਮਾਰਕੀਟ ਅਧਾਰਿਤ ਫਾਇਨੈਂਸਿੰਗ ਤੱਕ ਆਸਾਨ ਪਹੁੰਚ ਮਿਲੇਗੀ। ਇਹ ਉਪਰਾਲਾ ਸ਼ਹਿਰੀ ਸਥਾਨਕ ਸੰਸਥਾਵਾਂ ਲਈ ਵਿੱਤੀ ਮਜ਼ਬੂਤੀ ਦਾ ਨਵਾਂ ਰਾਹ ਖੋਲ੍ਹੇਗਾ। ਕੇਂਦਰੀ ਮੰਤਰੀ ਨੇ ਦੱਸਿਆ ਕਿ ਇਹ ਫੰਡ ਪੁਰਾਣੇ ਸ਼ਹਿਰੀ ਇਲਾਕਿਆਂ ਅਤੇ ਬਾਜ਼ਾਰਾਂ ਦੇ ਰੀਡਿਵੈਲਪਮੈਂਟ, ਸ਼ਹਿਰੀ ਆਵਾਜਾਈ ਅਤੇ ਆਖਰੀ ਮੀਲ ਕਨੈਕਟਿਵਿਟੀ, ਨਾਨ-ਮੋਟਰਾਈਜ਼ਡ ਟਰਾਂਸਪੋਰਟ (ਜਿਵੇਂ ਸਾਈਕਲਿੰਗ ਅਤੇ ਪੈਦਲ ਯਾਤਰਾ), ਪਾਣੀ ਸਪਲਾਈ ਅਤੇ ਸਫ਼ਾਈ ਵਰਗੇ ਅਹਿਮ ਖੇਤਰਾਂ ਵਿੱਚ ਤਬਦੀਲੀ ਲਿਆਉਣ ਵਾਲੀਆਂ ਯੋਜਨਾਵਾਂ ਨੂੰ ਸਹਿਯੋਗ ਦੇਵੇਗਾ। Ministry of Housing and Urban Affairs ਵੱਲੋਂ ਜਾਰੀ ਕੀਤੇ ਇਹ ਦਿਸ਼ਾ-ਨਿਰਦੇਸ਼ ਦੇਸ਼ ਦੇ ਸ਼ਹਿਰੀ ਢਾਂਚੇ ਨੂੰ ਹੋਰ ਮਜ਼ਬੂਤ ਅਤੇ ਟਿਕਾਊ ਬਣਾਉਣ ਵੱਲ ਇੱਕ ਮਹੱਤਵਪੂਰਨ ਕਦਮ ਮੰਨੇ ਜਾ ਰਹੇ ਹਨ। #UrbanChallengeFund #ManoharLal #HousingMinistry #UrbanDevelopment #SmartCities #IndiaGrowth #Infrastructure #Tier2Cities #Tier3Cities #UrbanIndia #Development #CityPlanning #PublicTransport #WaterSupply #Sanitation #NonMotorizedTransport #LastMileConnectivity #Investment #IndiaNews #BreakingNews #GovernmentOfIndia #MoHUA #SustainableCities #UrbanReform #TrendingNews #ViralNews

Urban Development