Reporter..S M Singh

ਤਰਨਤਾਰਨ ‘ਚ ਕਾਂਗਰਸ ਨੂੰ ਝਟਕਾ, ਕਈ ਪਰਿਵਾਰਾਂ ਨੇ ਆਮ ਆਦਮੀ ਪਾਰਟੀ ਦਾ ਫੜਿਆ ਹੱਥ

ਤਰਨਤਾਰਨ, 28 ਅਕਤੂਬਰ 2025 :

ਤਰਨਤਾਰਨ ਵਿੱਚ ਆਮ ਆਦਮੀ ਪਾਰਟੀ ਨੂੰ ਵੱਡੀ ਮਜ਼ਬੂਤੀ ਮਿਲੀ, ਜਦੋਂ ਕਾਂਗਰਸ ਨਾਲ ਜੁੜੇ ਕਈ ਪਰਿਵਾਰਾਂ ਨੇ ਪਾਰਟੀ ਉਮੀਦਵਾਰ ਹਰਮੀਤ ਸਿੰਘ ਸੰਧੂ ਦੇ ਹੱਕ ਵਿੱਚ ‘ਆਪ’ ਦਾ ਦਾਮਨ ਥਾਮਿਆ। ਕੈਬਨਿਟ ਮੰਤਰੀ ਲਾਲਜੀਤ ਸਿੰਘ ਭੁੱਲਰ, ਅਮਨਸ਼ੇਰ ਸਿੰਘ ਸ਼ੈਰੀ ਕਲਸੀ ਅਤੇ ਡਾ. ਐਸ.ਐਸ. ਆਹਲੂਵਾਲੀਆ ਨੇ ਨਵੇਂ ਮੈਂਬਰਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ।

ਮੰਤਰੀ ਭੁੱਲਰ ਨੇ ਕਿਹਾ ਕਿ ਭਗਵੰਤ ਮਾਨ ਸਰਕਾਰ ਦੇ ਲੋਕ-ਹਿਤੈਸ਼ੀ ਕਦਮਾਂ — ਜਿਵੇਂ ਮੁਫ਼ਤ ਬਿਜਲੀ, ਸਿੱਖਿਆ-ਸਿਹਤ ਸੁਧਾਰ ਤੇ ਰੋਜ਼ਗਾਰ ਦੇ ਮੌਕੇ — ਕਰਕੇ ਲੋਕ ਵੱਡੀ ਗਿਣਤੀ ਵਿੱਚ ਪਾਰਟੀ ਨਾਲ ਜੁੜ ਰਹੇ ਹਨ। ਅਮਨਸ਼ੇਰ ਕਲਸੀ ਨੇ ਕਿਹਾ ਕਿ ਹਰ ਨਵਾਂ ਮੈਂਬਰ ਪਾਰਟੀ ਦੇ ਵਿਕਾਸ ਯਤਨਾਂ ਦਾ ਅਹਿਮ ਹਿੱਸਾ ਬਣੇਗਾ।

Powered by Froala Editor