December 25, 2025 12:10:57

Rajni / Sangrur

ਧੜੱਲੇਦਾਰ ਬਿਊਰੋ ਜੀਐਸਟੀ ਦੇ ਨਾਂਅ ‘ਤੇ ਵਪਾਰੀਆਂ ਨਾਲ ਜ਼ਿਆਦਤੀ: ਅਰਵਿੰਦ ਖੰਨਾ ਸੰਗਰੂਰ, 25 ਦਸੰਬਰ 2025 : ਭਾਜਪਾ ਪੰਜਾਬ ਦੇ ਉਪ ਪ੍ਰਧਾਨ ਅਰਵਿੰਦ ਖੰਨਾ ਨੇ ਆਮ ਆਦਮੀ ਪਾਰਟੀ ਸਰਕਾਰ ‘ਤੇ ਜੀਐਸਟੀ ਦੇ ਨਾਂਅ ‘ਤੇ ਵਪਾਰੀਆਂ ਨਾਲ ਜ਼ਿਆਦਤੀ ਕਰਨ ਦੇ ਦੋਸ਼ ਲਗਾਏ ਹਨ। ਉਨ੍ਹਾਂ ਕਿਹਾ ਕਿ ਸਰਕਾਰ ਵੱਲੋਂ ਜੀਐਸਟੀ ਕਲੈਕਸ਼ਨ ਵਧਣ ਦੇ ਦਾਅਵੇ ਹਕੀਕਤ ਤੋਂ ਦੂਰ ਹਨ ਕਿਉਂਕਿ ਰਿਫੰਡ ਮਹੀਨਿਆਂ ਤੋਂ ਰੋਕੇ ਹੋਏ ਹਨ ਅਤੇ ਅੰਕੜਿਆਂ ਨਾਲ ਲੋਕਾਂ ਨੂੰ ਭਰਮਾਇਆ ਜਾ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਜੀਐਸਟੀ ਵਿਭਾਗ ਰਾਹੀਂ ਵਪਾਰੀਆਂ ‘ਤੇ ਦਬਾਅ ਬਣਾਇਆ ਜਾ ਰਿਹਾ ਹੈ, ਨਿਰੀਖਣਾਂ ਅਤੇ ਜੁਰਮਾਨਿਆਂ ਦੇ ਨਾਂਅ ‘ਤੇ ਡਰਾਇਆ ਜਾ ਰਿਹਾ ਹੈ। ਖੰਨਾ ਨੇ ਕਿਹਾ ਕਿ ਜੇ ਸਰਕਾਰ ਦੀ ਆਮਦਨ ਵਧ ਰਹੀ ਹੁੰਦੀ, ਤਾਂ ਕਰਮਚਾਰੀ ਅਤੇ ਪੈਨਸ਼ਨਰ ਸੜਕਾਂ ‘ਤੇ ਨਾ ਹੁੰਦੇ। ਇਹ ਸਾਫ਼ ਹੈ ਕਿ ਪੰਜਾਬ ਦਾ ਖਜ਼ਾਨਾ ਖਾਲੀ ਹੈ ਅਤੇ ਸਰਕਾਰ ਆਪਣੀ ਨਾਕਾਮੀ ਨੂੰ ਛੁਪਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।