February 21, 2023
Daily Dharaledar / Punjab
ਰਾਜਪੁਰਾ 21 ਫਰਵਰੀ 2023(ਧੜ੍ਹੱਲੇਦਾਰ ਬਿਉਰੋ) - ਭਾਜਪਾ ਨੇਤਾ ਹਰਜੀਤ ਗਰੇਵਾਲ ਵਿਰੁੱਧ ਰਾਜਪੁਰਾ ਪੁਲਿਸ ਵੱਲੋਂ ਐਫ ਆਈ ਆਰ ਦਰਜ ਕੀਤੀ ਗਈ ਹੈ। ਪੁਲਿਸ ਵੱਲੋਂ ਇਹ ਐਫ ਆਈ ਆਰ ਦਰਜ ਇੱਕ ਪੱਤਰਕਾਰ ਸੰਦੀਪ ਚੌਧਰੀ ਨੂੰ ਧਮਕੀ ਦੇਣ ਦੇ ਦੋਸ਼ -ਚ ਕੀਤੀ ਗਈ ਹੈ। ਪੱਤਰਕਾਰ ਸੰਦੀਪ ਚੌਧਰੀ ਨੇ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਦੋਸ਼ ਲਗਾਇਆ ਕਿ ਉਹ ਰਾਜਪੁਰਾ ਤੋਂ ਆਪਣਾ ਨਿਊਜ ਚੈਨਲ ਚਲਾਉਂਦਾ ਹੈ ਅਤੇ ਮਿਤੀ 19 ਫਰਵਰੀ ਨੂੰ ਮੈ ਵਿਧਾਇਕ ਨੀਨਾ ਮਿੱਤਲ ਰਾਜਪੁਰਾ ਨਾਲ ਇੰਟਰਵਿਊ ਕੀਤੀ ਸੀ। ਜਿਸ ਵਿਚ ਮੈਂ ਇੱਕ ਦੋ ਸਵਾਲ ਉਹ ਉਠਾਏ ਸਨ ਜੋ ਸਵਾਲ ਭਾਜਪਾ ਆਗੂ ਹਰਜੀਤ ਗਰੇਵਾਲ ਨੇ ਇਕ ਇੰਟਰਵਿਊ ਦੇ ਦੌਰਾਨ ਮੈਡਮ ਨੀਨਾ ਮਿੱਤਲ ਨੂੰ ਕੀਤੇ ਸਨ। ਜਿਹਨਾ ਦਾ ਮੈਡਮ ਨੀਨਾ ਮਿੱਤਲ ਨੇ ਬਹੁਤ ਹੀ ਸੁਚੱਜੇ ਢੰਗ ਨਾਲ ਜਵਾਬ ਦਿੱਤਾ ਸੀ। ਜੋ ਮੇਰੇ ਵੱਲੋਂ ਇੰਟਰਵਿਊ ਲਈ ਗਈ ਹੈ ਉਹ ਚੈਨਲ ਤੋਂ ਵੀ ਪ੍ਰਕਾਸ਼ਿਤ ਕੀਤੀ ਗਈ ਸੀ ਜੋ ਕਿ ਕਾਫੀ ਲੋਕਾਂ ਨੇ ਵੇਖੀ ਵੀ ਹੈ।ਸੰਦੀਪ ਨੇ ਦੋਸ਼ ਲਾਏ ਕੇ ਇਸ ਤੋਂ ਬਾਅਦ ਮਿਤੀ 20 ਫਰਵਰੀ ਨੂੰ ਬੀਜੇਪੀ ਆਗੂ ਹਰਜੀਤ ਗਰੇਵਾਲ ਦਾ ਉਸਨੂੰ ਫੋਨ ਤੇ ਧਮਕੀਆਂ ਦਿੱਤੀਆਂ ਅਤੇ ਨੀਨਾ ਮਿਤਲ ਵਿਧਾਇਕਾ ਦੇ ਖਿਲਾਫ ਗੰਦੀ ਸ਼ਬਦਾਵਲੀ ਬੋਲੀ ਅਤੇ ਮੈਨੂੰ ਉਸਨੇ ਗੰਦੀਆਂ ਗਾਲਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ
ਪੱਤਰਕਾਰ ਦੀ ਸ਼ਿਕਾਇਤ ਤੇ ਗਰੇਵਾਲ ਵਿਰੁੱਧ ਪਰਚਾ ਦਰਜ਼ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
Daily Dharaledar Online News Views and Reviews
