March 2, 2023 00:00:00

Daily Dharaledar / Punjab

ਸਵੇਰੇ 3 ਵਜੇ ਮਾਂ ਨੇ ਪੁੱਤ ਨੂੰ ਫੋਨ ਬੰਦ ਕਰਕੇ ਸੌਣ ਨੂੰ ਕਿਹਾ ਤਾਂ ਪੁੱਤ ਨੇ ਮਾਂ ਨੂੰ ਛੱਤ ਤੋਂ ਦਿੱਤਾ ਧੱਕਾ, ਮਾਂ ਦੀ ਹਸਪਤਾਲ ਜਾ ਕੇ ਹੋਈ ਮੌਤ ਪਟਿਆਲਾ, 2 ਮਾਰਚ (ਧੜ੍ਹੱਲੇਦਾਰ ਬਿਉਰੋ) ਪਟਿਆਲਾ ਦੇ ਤ੍ਰਿਪੜੀ ਥਾਣਾ ਅਧੀਨ ਪੈਂਦੇ ਆਨੰਦ ਨਗਰ-ਏ ਖੇਤਰ ਵਿਖੇ ਕਿਰਾਏ ਦੇ ਮਕਾਨ -ਚ ਰਹਿਣ ਵਾਲੇ 23 ਸਾਲਾ ਨੌਜਵਾਨ ਗੋਬਿੰਦ ਜ਼ੋ ਕਿ ਦਿਮਾਗ਼ੀ ਪ੍ਰੇਸ਼ਾਨ ਹੈ ਨੇ ਬੁੱਧਵਾਰ ਸਵੇਰੇ ਕਰੀਬ 3 ਵਜੇ ਮਾਮੂਲੀ ਝਗੜੇ ਤੋਂ ਬਾਅਦ ਆਪਣੀ ਮਾਂ ਰੇਖਾ ਰਾਣੀ ਨੂੰ ਛੱਤ ਤੋਂ ਹੇਠਾਂ ਧੱਕਾ ਦੇ ਦਿੱਤਾ।ਰੇਖਾ ਰਾਣੀ (52) ਦੀ ਸਿਰ -ਤੇ ਸੱਟ ਲੱਗਣ ਕਾਰਨ ਮੌਤ ਹੋ ਗਈ। ਤਫਤੀਸ਼ ਚ ਸ਼ਾਮਲ ਥਾਣਾ ਸਦਰ ਦੀ ਪੁਲਸ ਨੇ ਦੋਸ਼ੀ ਦੇ ਵੱਡੇ ਭਰਾ ਰਾਜਨ ਬਹਿਲ ਵਾਸੀ ਤ੍ਰਿਪੜੀ ਦੀ ਸ਼ਿਕਾਇਤ -ਤੇ ਦੋਸ਼ੀ ਗੋਬਿੰਦ ਬਹਿਲ ਨਿਵਾਸੀ ਆਨੰਦ ਨਗਰ ਏ ਦੇ ਖਿਲਾਫ ਇਰਾਦਾ ਕਤਲ ਧਾਰਾ 307ਦਾ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।ਪਰਿਵਾਰ ਮੁਤਾਬਕ ਦੋਸ਼ੀ ਪਿਛਲੇ ਕਰੀਬ 5 ਸਾਲਾਂ ਤੋਂ ਮਾਨਸਿਕ ਤੌਰ -ਤੇ ਪ੍ਰੇਸ਼ਾਨ ਚੱਲ ਰਿਹਾ ਸੀ। ਉਸਦੀ ਮਾਂ ਉਸਦੇ ਨਾਲ ਰਹਿੰਦੀ ਸੀ ਜਦੋਂ ਕਿ ਵੱਡਾ ਭਰਾ ਆਪਣੇ ਪਰਿਵਾਰ ਨਾਲ ਵੱਖ ਰਹਿੰਦਾ ਸੀ। ਮੁਲਜ਼ਮ ਕਿਸੇ ਵੇਲੇ ਵੀ ਮਾਮੂਲੀ ਗੱਲ ਨੂੰ ਲੈ ਕੇ ਝਗੜਾ ਕਰ ਲੈਂਦਾ ਸੀ। ਬੁੱਧਵਾਰ ਤੜਕੇ ਕਰੀਬ 3 ਵਜੇ ਮਾਂ ਰੇਖਾ ਨੇ ਦੋਸ਼ੀ ਗੋਬਿੰਦ ਨੂੰ ਸਿਰਫ਼ ਆਪਣਾ ਮੋਬਾਈਲ ਬੰਦ ਕਰਕੇ ਸੌਣ ਲਈ ਕਿਹਾ ਸੀ। ਇਸ ਤੋਂ ਬਾਅਦ ਗੁੱਸੇ -ਚ ਆਏ ਦੋਸ਼ੀ ਨੇ ਆਪਣੀ ਮਾਂ ਨੂੰ ਧੱਕਾ ਦੇ ਕੇ ਛੱਤ ਤੋਂ ਹੇਠਾਂ ਸੁੱਟ ਦਿੱਤਾ। ਮੁਲਜ਼ਮ ਨੂੰ ਪੁਲਿਸ ਨੇ ਹਿਰਾਸਤ ਵਿੱਚ ਲੈ ਲਿਆ ਗਿਆ ਹੈ। ਸੁਖਵਿੰਦਰ ਸਿੰਘ ਐਡੀਸ਼ਨਲ ਇੰਚਾਰਜ ਥਾਣਾ ਤ੍ਰਿਪੜੀ ਨੇ ਦੱਸਿਆ ਕਿ ਉਸਦਾ ਮੈਡੀਕਲ ਕਰਵਾਉਣ ਤੋਂ ਬਾਅਦ ਉਸ ਨੂੰ ਅਦਾਲਤ ਵਿਚ ਪੇਸ਼ ਕਰਕੇ ਰਿਮਾਂਡ ਹਾਸਲ ਕੀਤਾ ਜਾਵੇਗਾ।

Daily Dharaledar Online News Views and Reviews